أم صلوح
20-02-2022 - 11:03 pm
السلام عليكم ورحمه الله وبركاته
ودي اعرف افضل مسار من حيث البداية والنهاية
مسافره ان شاء الله مع زوجي وعيالي من 3 الى 30 /6 -2010
والميزانية من 4 الى 5 آلاف دينار كويتي
اتمنى توجيهي لافضل مسار من حيث البداية والنهاية
ودي اتنقل بين الدول بالقطارات ويفضل بالسياره ان أمكن
قرأت الكثير من المواضيع وبخاطري أزور أماكن تكون شوي بارده بهالشهر بس غير فرنسا لأني زرتها العام
مع العلم إن أطفالي بعمر 5 سنين وسنة ونصف
والغرض من الرحلة الترفيه وبنفس الوقت التسوق (طبعا حريم ماكو فايده)
بخاطري ازور ألمانيا كبداية وبرشلونه ميلانو وسويسرا بس تتوقعون شنو الي ممكن يناسبني بحكم قربهم من بعض ولسهولة التنقل طبعا ويفضل 3 دول تقريبا لمراعاة الميزانية
ماهي نصيحتكم لي وهل هذه الدول تعتبر الافضل باوروبا خصوصا اني منحاشة من حر الصيف عندنا بشكل رئيسي
بليز لا تحرموني من سرعة ردكم عشان يمديني أدرس الموضوع وأحجز التذاكر
انتي منحاشه من الحر الي عندنا بالكويت ورايحه لدول باوربا حاره مثل برشلونه وميلان
برايي الجدول الافضل وفي جمال الريف والطبيعه والاجواء البارده هو المانيا والنمسا
ويكون البدايه بفينا والنهايه بميونخ للتسوق مثال
فينا 4 ايام سالزبورخ 3 ايام وزيلامسي 5 ايام للطبيعه والاجواء البارده وميونخ 4 ايام للتسوق
او ممكن جعل الجدول بين سويسرا وميلان مثال جنيف ثم ميلان ولوقانو ثم انترلاكن والعوده الى جنيف ومنها على ارض الوطن
امابالنسبه للسياره اذا كانتم تعرفون للقارمن فختيار جيد
انا بالانتظار وبالخدمه