إذا خلينا الفنادق على جنب وأسعار التذاكر كذلك
أتوقع يكفيك مبلغ 9000 ريال ( وتكون أمير بعد )
تحياتي

حرام عليك يكفيه أقل من 9000 ريال ، عندك بس وجبتين مع مواصلات واجرة ألعاب وحاجات بسيطة بس، يعني يكفيك 5000 ريال ويمكن يبقى منها واسأل مجرب.

هو صح 5000 يمكن يكفي ويختلف من شخص لشخص لكن الاحتياط واجب ..
طيب لو خلصت هذه الخمسة آلاف كيف يدبر أموره ؟ ... وهو أيضاً عريس ؟
خذ معك الذي تقدر عليه حتى لا تحتاج لأحد إن شاء الله

حسب صرفيتك لكن أعتقد إنو 5000 من غير الهدايا كافية أو 6000 بالكثير ...... و ترا ما فيها اقتصاد يعني حتكون ماخذ راحتك في الصرفية ....
أنا و زوجي كانت صرفيتنا 7000 لمدة 15 يوم و على فكرة احنا رحنا بشنطتين رجعنا بأربعة يعني كنا ماخذين راحتنا بالمرة في التسوق ....

الى فهمت منك اخي img ان التذاكر كلهن مدفوعات مع البرامج بمعني السكن كمان مدفوع.....وتبي تعرف كم يكفيك من غير الهدايا ...
يكفيك كما قال الاخوان والاخت من 6000الى 7000ريال هذا المبلغ اظن كافي ووافي ان شاء الله طبعن مو للشخص الواحد يكفي للشخصين بمعني للمعرس والعروس ومبروكين مقدما ان شاء الله وبالتوفيق وبالمتعه في ماليزيا ان شاء الله وترجع بالسلامه...
وتقبل تحياتي

وين وين ...من جدكم الحين؟؟
لا تورطوا الرجال يروح هناك بعدين يدور احد يسلفه..
شف انا جلست 18 يوم والتكاليف من غير التذاكر والفنادق 8000 ريال بالقليل حتى بدون هدايا.. وانا كنت مقتصد وبدون فشخرة ..كيف لو انك معرس بالراحة توصل 10 الالف ريال,,
وانا اقول لك الرحلة اجماليا راح تكلفك بالمتوسط وبدون هداايا مابين 17 الى 18 الف ريال..
واسمع نصيحتي لاتنشب هناك بعدين تقول ليتني سمعت كلام ابومعاذ

صحه ابو معاذ صحيح كلامك انا قلت الى يكفيك بين 6000 الى 7000 وانا الآن اريد ان اصحح توقعي..
واظن يكفي الأخ بين 8000 الى 9000 ريال
وتقبلوا تحياتي

مرحبتين اخوي انا مع كلام ابو معاذ
وبقول لك شي لا تسوي مثل ما انا سويت انا كلفتني الرحله بدون التذاكر والسكن والتنقلات الداخليه
با الطائره(18 الف ريال) بترتاع شوي هذي رحلتي لمن كنا معاريس
بس زي ما قلت لك لا تسوي مثلي يعني مثلا انا كنا في ريجنت 6 ايام مع الفطور
واذا صحينا الصباح نتعيجز ننزل فنطلب الفطور للغرفه وهذ تكلفه زياده
وكنت اكلم اهلي وزوجي يكام من الفندق يعني الصرفيه اكثر وانا مشترواتي كانت كثيره
يعني انت لا تسوي مثلي.
بس اذا فكرت با العقل يكفيك 12 الف ريال
وموفق ان شاء الله

سلام مبروك مقدمآ اخوي img
شوف اخوي اذا ماعندك المبلغ الي ذكروه الاخوان مااعتقد انك راح تبطل من السفرة
والله يااخوي انا وزوجي سافرنا الصيف الماضي 2003 بمزانية للمصاريف اليومية مابين
مطاعم وتكاسي وحدائق وبعض المشتروات6000 ريال وعشنا عيشه حلوة مافيها اي
قصور وتمشينا واستانسنه ماهو شرط انك لازم تروح وتصرف فوق 20000 ريال في
سفرة لمدة اسبوعين مع العلم انه انا وزوجي سفرتنا كانت 22 يوم في ماليزيا
والحمدلله انبسطنا وغيرنا جو والواحد لازم يروح على قد ميزانيته مايحمل نفسه فوق
طاقته عشان اسبوعين واولا واخيرا انت في ماليزيا بتستانس سوءآ سكنت في فندق
خمس نجوم ولا اربعة ولاصرفت 1000 ريال ولا مية الف نفس الاحساس واهم شي
الواحد يغير جو وينبسط مع اهله والله يوفقك .
وهذي نصيحة مني ارجو ان تتقبلها بصدر رحب من اختك والامر كله في يدك .