والله اعتقد ما لها اسم ثاني .. اسمها لانكاوي وهي رائعه جدا .. وهي قريبه من تايلند ، والذهاب لها بالطائره .
وهي تتكون من 99 جزيره .
وانا عندي خريطة ماليزيا وفيها اسم لانكاوي .. بس ما اعرف كيف انزلها في النت .
الله يوفقك .

من الخريطه اللي رافقها موقعها قريبه من مدينة بيرلس ... ولو تشوف جنبها على اليسار جزيره .. هذي هي لانكاوي .

على هذا العنوان ستجد لنجاوي وهذا عنوان المنطقة وشكراً .
http://www.langkawi.com.my/

لنكاوي هي عبارة عن جزيرة تابعة لولاية (كدة) (kedah) ومن المدن القريبة عليها مدينة كوالا كدة وهي كذلك قريبة من الحدود التايلندية . جزيرة لنجكاوي من الجزر التي نسبة المسلمين فيها عالية وهم جداً طيبين وفيها خدمات جداً راقية.
اتمني ان تفيدك هذة الخريطة
http://www.malaysia-maps.com/map-kedah.htm
وكذلك
http://www.abcmalaysia.com/maps/kedah_map.htm
يسعدني الجواب عن أي استفسار يتعلق بجزيرة لنجكاوي

الأخوان،،،،
الأخ العزيز رجل شرقي ،،،، الأخ المتألق شيرازي،،،،الأخ الكريم hassangj ،،،
شكراً لكم جميعاً المعلومة وصلت،، بصراحة أتنم
بس لو عليكم كلافة بغيت أسأل سؤال ثاني وثالث لأنكم طمعتوني بكرمكم ،،،
هل يحتاج السفر من السعودية إلى ماليزيا إلى تأشيرة؟
وبعدين كم تكلف الإقامة المد15 يوم لشخصين من المكاتب السياحية في الرياض وماهو أفضلها؟أبغى سعر تقريبي بحد أدنى وأعلى الله لايهينكم ومشكورين مقدماً

الله يوفقك اخ مهند .. بس السفر لماليزيا لا يحتاج الى تأشيره .
وبالنسبه لتايلند تاشيره تاخذها في المطار .
بالنسبه للمكاتب السياحيه في السعوديه ما عندي علم بها لاني من قطر/ الدوحه .
بس احسب هالحسبه على اساس المتوسط :
افترض بان سعر الفندق بالليله 420 ريال
يكون 420×14 ليله ( 15 يوم) = 5880 سعر الفنادق ( في الغالب يكون سعر الفنق مع الافطار )
التذكره لشخصين دوحه كوالالمبور دوحه 3000 ريال على القطريه
يكون 3000 × 2 = 6000
المجموع/ 11880__________مجموع ثابت________
احسب مصاريف الاكل = 2000 ريال
احسب مصاريف التنقل = 1000 ريال
احسب مصاريف التسوق = انت وشطارتك ( وكيفك ).
والمصاريف الاخيره تقديريه ..اما التذاكر والفنادق تقريبيه ويعني شبه مؤكده لدرجة 95%
والله يوفقك .

شكراً حبيب قلبي رجل شرقي،، ونعم والله بأهل قطر حبايبنا،،
أشكرك جزيل الشكر. بصراحة أنت
أنا سألت لي معارف وقالولي كلام قريب من كلامك ، بس أنا حريص دايم وأحب أتأكد، أكرر شكري لك.

ألأخ الفاضل مهند . بالنسبة لسوءلك في ظني أن الأخ شرقي ما قصر. و بالنسبة لمكاتب الرياض صراحه ما أعرف عنها لأني لست من سكان الرياض. بس نصيحتي لك عدم أخذ مخطط جاهز من المكاتب السياحية (ready made package) لأنوا حيكون غالي و يمكنك أن توفر انت من 1000 الي 1500 ريال في حال تخطيطك انت الشخصي لرحلتك بس حيكون حجز الفنادق والطيران عن طريق المكتب و دبر حالك انت في المواصلات من هناك لأنوا سعر المواصلات من المكاتب السياحية نار, مع العلم أن الواصلات في ماليزيا رخيصة سواء بالبر أو البحر أو الجو وترتبها كذلك جداً سهل. كذلك حط في بالك أنك لو سافرت بالخطوط الماليزية سوف تحصل علي تذكرتين داخليتين مجانية . وللأسف كثير من المكاتب يحسبلك سعر التذاكر مع (package) أرجوا وضع هذة النقاط في الأعتبار .
أتمني لك التوفيق .... حسان