اولا مبروك انشالله والله يسهل عليك يارب
طيب ليش ماتنتبه مع مدرس الانجليزي يوم كنت تدرس كان مستفيد هالحين مب بس لعب ويوم جاء وقت شهر العسل جلست تبكي هههاي
ياخي بالنسبه لماليزيا طبعا هي تحتاج اللغة الانجليزيه لانه ماراح تلاقي احد يتكلم العربيه الا قليل لكن اخي هم شعب فاهم يعني مايحتاج انك تصير متقن بالعكس تمشي بكلمات المعروفه بالراحه بس يعني افهم الكلمات المهمه طبعا زي مثلا خروجك من الفندق تشيك اوت يعني هذا مثال وتمشي الامور انشالله بالراحه بس اهم شي اضبط حجوزاتك من الان عشان ماتكون هناك مشكله بعدين تتوهق ماتعرف تتكلم يعني رتب امورك اوكيه

حياك الله اخوي
والف مبروك عليك وعليها
وان شاء الله تكون بداية خير لكم
اخوي ممكن انت تتغلب على مشكلة اللغة بحاجتين
تعرف اسماء اماكن التمشيات بالانجليزي من خلال هذا المنتدى
او من خلال بروشورات السياحة اللي هناك
بحيث اول ما تركب مع التاكسي تقول له ابغى اروح المكان هذا
الشيء الثاني حسب ما فهمت من الاخوان
ان فيه سواقين هناك يتكلمون اللغة العربية بطلاقة
بل انا قرات في هذا المنتدى ان فيه سواقين من مواليد السعودية
فانت حاول تاخذ ارقامهم علشان تستخدمهم هناك

اولاً الف مبروك وربي يوفقك ويرزقك الذرية الصالحة
ثانياً خوش اختيار شهر عسل في ماليزيا ولا اروع واسأل مجرب أنا مسافرة قبل 8 شهور تقريبا شهر عسل ولله للآن كل مايجي طاري ماليزيا واذكر الأيام الجميلة الي لا تنسى يدخل الفرح لقلبي من جديد .
ثالثاً اللغة الانجليزية صحيح مهمه لكن ماراح تضيع خلك على الكلمات المعروفة جدا وفي كتاب تلاقيه في مكتبة جرير راح يساعدك هو كتاب سياحي لكل أماكن ماليزيا والفنادق والعادات والتقاليد وكل شىء وبنهاية الكتاب كل الكلمات المهمة باللغة الماليزية والعربية والإنجليزية واسم الكتاب هو :
دليل الجيب إلى ماليزيا
الدار العربية للعلوم
سعر الكتاب تقريباً 20 ريال .
رابعاً المنتدى راح يفيدك بشكل خيالي ويسهل عليك كثير فتصفحة جيداً .
والله يوفقك ولا تناسنا من دعائك ... وأي سؤال حاضرين

الف مبروك وان شاء الله اعضاء المنتدى مايقصرون معاك

اشكركم حبايبي البارق-صادق الاحساس-عاشقة سفر-ابو دومه على مشاعركم الصادقه ,وحقيقه استفدت بس باقي التسوق وش الحل؟

حياك اخوي
بالنسبة للأسواق فأنا أشوف إنه اقل مكان بتواجه فيه مشكلة بخصوص اللغة
لان الاسواق هناك معظمها تحط ورقة السعر على البضاعة
واذا مالقيت السعر ماراح تقول غير كلمة واحدة ( هاو ماتش ) يعني كم السعر
واذا مافهمت منه المبلغ او ما فهم اللي قدامك المبلغ اللي تبي تقوله
ممكن تكتبه في ورقة ...... هذا لو كان السوق يبيع بطريقة المكاسرة
وبعدين انا لاحظت ان معظم الاسواق اللي هناك الاسعر مخزنة في الكمبيوتر
يعني مسالة الاحتيال والغش ماراح تشوفها كثير
وبعدين انت شوف الشيء لو عجبك سعره اشتريه سواء كان بالمكاسر او بالسعر المحدد
ولو ماعجبك السعر او شايف انه غالي اتركه ومحد يقدر يضحك عليك

صادق الاحساس ,اشكرك على صدق احساسك.