اولا السلام عليكم
اغلب خطوط الطيران تعطيك فل الان مافية حجز الاسعار غالية 15 يوم يبدا من 500 دينار للشخص بدون جزر وطيران داخلي وفنادق اربع نجوم يقل عن هذا اذا قلت المناطق ولم يكن هناك جزر او طيران داخلي الاسعار غالية هالسنة اما اذاكان هناك جزر وطيران داخلي فالاسعار ترتفع اكثر و اكثر
انا عن نفسي حجزت عن طريق الانترنت موقع دليل ماليزيا شامل الجزر واربع مناطق اخرى والطيران الداخلي + فنادق خمس نجوم واربع نجوم وقمت بالاختيار بنفسي وعملت جدول لمدة 18 يوم جدول نفس جدولي باطيران الداخلي بالقليل داخل الكويت 550 دينار اذا لم يكن اكثر كما اني حجزت على الطيران السيريلانكي 215 دينار للشخص 145 للطفل
اما اذا تم الحجز عن طريق مواقع الفنادق دايركت وخطوط الطيران دايركت فستجد السعر ينخفض

مشكور اخوي عالمداخله
من وين خذيت التذاكر؟ وشلون الطيران السيرلانكي ؟ وهل فيه ترانزيت؟
ووين باقي الناس والردوود
تكفون اسعفونا

أخوي أنا حجزت ولكن قبل فترة الزحمة وحجزت عن طريق الخطوط القطرية لأني رحت عليها مرتين من قبل
سعر التذكرة 220 تقريبا وترانزيت لها في الدوحه ساعة ونص
الطيران الكويتي فل الآن والسعر أغلى من القطرية بستين دينار تقريبا
الطيران الإماراتي نفس سعر الكويتي وترانزيت أيضا
السيلانية سعرها مناسب مثل القطرية تقريبا ولكن ترانزيتها متعب شوي يعني تطب في دبي أو البحرين ومن ثم سيلان ومن ثم ماليزيا ( محطتين ترانزيت )
بالنسبة لمكاتب الحجز فعليك أن تزور كذا محل لأن الحجز على شطارة الموظفين اللي بالمكتب ...
فيه مكاتب موظفينها عندهم واسطات بالحجز وفيه مكاتب رسميين ما يعرفون موظفين يتعاملون معاهم بخطوط الطيران
سفريات السيد ممتازة للقروبات ...
سفريات المستقبل ممتازة كخبرة طويلة في الحجوزات
سفريات رمسيس جيدة جدا مرتفع بالمعامله.
بالعربي المختصر كل ما كان حجزك قريب من مدة سفرك فراح تواجه صعوبات وغلاء في الأسعار ....,

السلام عليكم وصبحكم الله بالخير
بالنسبه للعروض ماشاءالله عندنا في الكويت تنافس بين السفريات وكل يقول الزين عندي منهم سفريات ارابيلا في حولي عندهم عروض حلوه ومقبوله وفنادقهم جيده عندهم عرض فندق فدرال كوالالمبور وعندهم فندق بيفيو بتش بيننق وبعد سفريات الاسطوره في مجمع البحر عندهم عروض جيده واسعارها تعتبر ممتاز واقتصادية على قولتهم
بس اذا تبين سفريات مية مية اهي سفريات موناكو خدمتهم جدا ممتازه خصوصا الاخ احمد المطيري والاخت دينا
انا خذيت منهم التذاكر على القطرية قبل يومين بسعر 255 للكبار والطفل 195 صدق غاليه شوي بس القطرية ابرك من غيرها
وقالولي على السيلانية بس اتنظارها يطول في دبي وثانية مدري بعد وش الديره اللي تمرها .. عفسا
والاتحاد اتوقع نفس الشي بس طريق العوده انتظار 9 ساعات في ابوظبي مع فندق 3 نجوم طبعا
وبالنسبة الي الفنادق اللي انا حاجزهم حاليا فندق فدرال عن طريق موقع اسياترافيل والحمدالله اتصلت اليوم على الفندق وكان موجود الحجز مثل ماكان طلبي الليله 21 دينار
وللحين قاعد اتشوف للفنادق الباقية لمدة 17 ليلة
وقبل لا انسى الطيران كله عليه ازديحام ومافي حجوزات وعقب الشين حصلت في تاريخ 3-7-2007
وبالتوفيق

السيريلانكية من الكويت الى كولومب 4.5 ساعة ثم توقف 2.5 ثم تكمل لماليزيا الطيران القطري الي يروح شرق اسيا ولا بيزة اسال مجرب انا مجربهم عدل عموما مافي طيران لماليزيا من الكويت دايركت لازم توقف الخطوط السيريلانكية موجودة داخل الديرة اذا تبي رقمهم اتصل على 808080 ومكاتب السياحة الكويتين نصب في نصب ادخل على موقع الفنادق وشوف اسعارهم وقارن بالمكاتب اما اربيلا فحدث ولا حرج اسا من سافر علية وبعدين رد علي
وشكرا

mr_alsaleh ا
اخوي الطيران السيرلانكي اللي انت عليه ماتمر دبي ؟
اذا كانت ماتمر دبي ياليت تعطيني موعد رحلتك علشان السيرلانكبه مجربها ونظيفه وخدمتهم ممتاز
والقطريه نفس الشي واحسن بس اللي تروح فيينا مجربه بس اللي تروح ماليزيا مدري عنها
لكن انا سألتهم عن السيرنكيه قالولي تمر دبي اللي بتاريخ 3-7-
ومشكور

لا ماتمر دبي دايركت كولمبو من ثم الى كولالمبور توقيتها الساعة 2025 بتوقيت الكويت الاقلاع الوصول الساعة 1300 بتوقيت ماليزيا توقيت ممتاز وموعدها 27/06/2007

انزين يا اخواني حتى لو ابي حجز حق اخر 7 او اول 8 تهقون مالقى حجز؟

اخي العزيز بخصوص الفنادق تقدر تقارن اسعارها من اكثر من موقع
عندك
===
http://www.asiatravel.com
===
بخصوص شركات الطيران الخليجيه او الاسيويه والعربيه هذا الموقع
http://home.btconnect.com/jclass/air2.htm
عموما اذا مسافر اول شهر 82007
انصحك بشراء الفندق من الان حتي تستفيد من الحجز المبكر ولاتختلف عليك الاسعار
اما بخصوص فندق فيدرال والذي ذكرة احد الزملاء فلا انصح فيه يتعبر فندق الهنود والله يرحم سعره يوم كان بي 12دينار
وفي فندق بجانبه ارقي منه وهو رويال بوكت بنتانغ
واي خدمه انا حاضر