هلا أخوي مزن حياك الله.....
بصراحة مرتفعات الكاميرون مايلها كلام قمة في الروعة والجمال ربي واهبها طبيعة خيالية والله جلست فيها يومين تمنيت إني زدتهم أقل شي يوم ثالث.....
بس حط في بالك هي منطقة طبيعية يعني ما فيها تطور زي اللي كوالالمبور أو حتى بينينغ يعني موب تروح هناك وتقول بدخل سينما والمطاعم مافيها إلا عدد محدود من المطاعم إللي يمكن تناسبك هذي عاد الأخوان يمكن يفيدونك فيها لأني بصراحة كل أكلي فيها وجبة همبرجر وبطاطس وكولا (يالله لك الحمد) من مطعم الفندق وفواكة من سوق قريب لفندق أكواتوريال بصراحة إذا بتسكن أسكن في ذاك الفندق وخذ غرفة مطلة على الجبل وتكون في الأدوار العلوية لأن المنظر من هناك يمين بالله ماودك تتحرك من مكانك من جماله ....((( ملاحظة : بالنسبة لي كنت أنا وزوجتي فقط ما معنا أطفال تخبر الأطفال يحبون الألعاب والزحمة يعني يمكن ما تعجبهم إلا الرومنسي منهم يمكن يقعد يتخيل لما يتزوج يجي هو وزوجته لكاميرون ههه)))

اتفق مع اخوي ابو ريما انها تستحق الزياره مع العلم بأن الوصول اليه متعب نوعا ما حيث يستغرق المشوار حوالي اربع ساعات بالسياره وتمتاز ققط بالطبيعه الخلابه ويمكنك خلالها زيارة مصنع ومزارع الشاهي والمناحل الصغيره ومزارع الفرواله والاطلاع على مختلف الاشجار والزهور التي ابدع في صنعها الخالق عز وجل بالاضاقه الى بعض الشلالات وانصحك بالسكن في فتدق اكورتيل علما بانه لايمكن استخدام مسبحه لشدة البروده

والله الأخ أبو ريما ماقصر كل اللي قاله صحيح بس بالنسبة لمرتفعات الكاميرون لا يفوتك زيارة مزارع ومصنع الشاي حيث يتم ذلك عبر وسيطة من فندق أكواتوريال لسيارة أجرة تأخذك جولة على المناطق السياحية مثل حديقة الفراشات والفاكهة ومزارع ومصنع الشاي بس بالنسبة للأكل فالمنطقة ذات أغلبية هندوسية أي كأنك في الهند ومرة قالنا واحد بياع في مطعم ( هلال .. هلال ) ويقصد أن أكله حلال لكن وجدنا الطيور مشنوقة على الطريقة الهندوسية في مقدمة المحل وهو يظن أن الأكل دام ماهو خنزير فهو عند المسلمين حلال وليس طريقة الذبح ,,,,,, عموما وجدنا هناك عائلة ملاوية ماليزية وكلينا عندهم أكل بسيط يسد الجوع بس ( دامه حلال زين ) ,,,,,,,
في الحقيقة مافيه مطار يوصلك للكاميرون يبيلك ساعة ونصف وأنت تسير بالباص أو السيارة وبيدوخ راسك لين توصل بس فعلا طبيعة خلابة تذكرني بالسودة في أبها بس طبعأ أحسن ,,,,,,,,

مزن
أنا جلست في كاميرون هاي لاند يومين.... بس الصراحه قمه في روعه الطبيعه النقطه الوحيده هيه السكن..يعني لا تختار فندق ليك هاوس ولو انه عجبني بس يمكن ما يعجب الكثيرين... اولا بعيد عن المنطقه... وثانيا ما فيه كهرباء ولا خدمات زي في الفنادق الثانيه.....
بس كل شي ثاني روعه... يعني مزارع الشاي و الفراوله... بصراحه فراوله لذيذه جدا معهم....
وبعدين مثل ما قالوا الأخواان ..هيه منطقه ريفيه... يعني لا تتوقعي فيها مثل ما في المدن.... أكثر الي يروحولها للراحه والأستجمام....
الأخ بياله شاهي
صحيح انها منطقه... ذو غالبيه هندوسيه لكن ... كثر المطاعم الحلال ... و بالنسبه... للطيور فيمكن بعضها مشنوقه بس كثير منها معلق بعد ما تم ذبحها... وافضل تسأل صاحب المطعم...
لا تطوفك و رحله موفقه