اسحب 5000 ريال وحولها رنجت هناك ووزعه بينك وبين اللي معك المدام مثلاً واذا بقى معك حوالي 1000 رنجت أو حولها
اسحب ببطاقة الصراف وحاول يكون شرائك عن طريق الفيزا أو الماستر كارد

انا عن نفسي اشيل كل الفلوس في الشنطة اللى في إيدي ( رنقت , دولار ) على حسب سعر الصرف ولما اوصل هناك احطهم في الامانات و كل يوم اخذ منهم شوي ليوم او يومين ...
نصيحة يا اخوي لا تشيل الفلوس في شنطة الملابس يمكن تضيع ....
بالتوفيق...

نصيحتى للاخوان لا تشيلون معاكم كاش وخصوصا وقت التسوق اخذ معك مبلغ معين والباقى حاول تخفيه فى اى مكان
انا عن نفسى كنت احط فلوسى فى محفظه مربوطه بسلسله وشكلها حلو احطها فى جيب البنطلون واثبت السلسله فى حزام البنطلون.غير انى كنت افضل السحب من البنك اكثر.
وسبق ان تم انتشال محفة زوجتى من شنطتها عام 2006 فى مجمع ميجامول فى محل باركسون على ما اذكر وكانت زوجتى تضع الشنطه داخل عباءتها وتخليها مفتوحه بعض الاحيان تخيلوا الإيد الخفيه اللى تدخل داخل العباءه وتطلع المحفظة من الشنطه وكلمنا الامن اللى على السوق يقولون ما نعرف انجليزى ولا عربى ونزلت ورحت الشرطه وسويت بلاغ وانا جالس انتظر يطبعون البلاغ دخل علينا اخ من السعوديه مع زوجته يبلغ عن نفس الحاله سارقين محفظة زوجته من الشنطه فى نفس المحل وبصراحة ما همنى الفلوس لاكن اللى نرفزنى برود الشرطه وعدم اهتمامهم وما خليتها لهم رحت للشرطه السياحيه ومكتبهم موجود بجانب التوين تاور وكتبت لهم تقرير باللى حصل وبلغتهم بانى معى شخص اخر نفس الحاله ونفس المحل ويستطيعون الاستفسار من مركز الشرطه اللى هناك واشتكيت على امن المجمع ومركز الشرطه.
وشكرونى وكانوا متعاونين معاى وبعد فتره اتصلوا على وقالوا انهم مشتبهين فى وحده تعمل فى المحل ومن بعد الحادثه متغيبه واذا قدروا يوصلون لها يبلغونى على طول شكرتهم وبلغتهم انى ما ابى منها شىء ابى تاخذ عقوبتها منكم حسب القانون ومحفظة زوجتى كان فيها مبلغ 600 دولار تقريبا والف رنجت وبطاقة البنك الغيناها. ورجعنا ديرتنا ولا ندرى اشصار بعدها.
انا شرحت قصتى لكم من باب النصيحه والعبره لا تقولون ماراح يصير شى الحرص واجب يا اخوان والله يوفقكم ويحميكم ان شاءالله

أفضل طريقة هي الجمع بين الثلاث
1- الكاش 1000 ( دولار أو يورو )
2- بطاقة الصراف الالي
3- الكريديت كارد ( الفيزا أو الماستر كارد ) للطواري
وهذا رابط لموضوع مشابه للموضوع الحالي فيه اراء كثيرة قد تستفيد منها ...
https://artravelers.com/p/re/63734