السلام عليكم ..
اولا: يعطيكم العافية على تعاونكم.. الله يديمه ان شا ءالله.. ويفرج ويسهل اموركم جميعاً..
عندي طلب ..
انا مسافره مع الاهل لكوانزوا في 128 .. تقريبا بعد اسبوعين ان شاء الله.. لمده 11 يوم ..
وابي شقق فندقية .. (3 غرف)
يعطيكم العافية..
ننتظر آراكم..
ان شاءالله توصلون بالسلامه وتتوفقون في الرحله وايضا جميع من يقراء
ان الان اسكن في شقق في فندقيه اربع نجوم وطبعا هذه المره الثانيه اسكن فيها وهي بالنسبه لي جيده جدا والناس اذواق كما يقولون لان ممكن يكون راى شخص اخر فيها عادي وممكن شخص اخر تكون عنده ممتازه وما بي اطول اكثر سعر الشقه 3غرف +صاله +حمامين +مطبخ بدون الاواني باليوم 400ريمبي
والشقه غرفتين وحمامين وصاله ومطبخ 350رممبي والمجمع السكني مخدوم وحوله ايضا خدمات ويطل على النهر ويبعد عن الشارع الذي تقع فيه المطاعم العربيه تقريبا 15دقيقه في التكسي وياخذ مبلغ 20 ريمنبي تقريبا وههذا موقعهم على الانترنت http://www.eytop.com/
بس المشكله انه بالصيني لكن ارقام التلفون تنفع وممكن الاتصال والحجز عن طريق التلفون
واحلى شي حوض السباحه العيال صارو كانهم بط دوم متنقعين في الماء ما يطلعون الا لم يصفر لهم المسؤل عن الحوض
واسف على الاطاله الممله وان شاءالله تدعون لي وتتمتعون في السكن

الله يعطيك العافيه اخوي وما قصرت..
اطلعت على الصور وشكله زين ان شاء الله..
ننتظر الاراء و نقارن..
يعطيكم العافيه..

السلام عليكم انا مسافر في نفس توقيت الاخت عربيه فيه فندق اسمه parkview square فيه شقق فندقيه كلمتهم بالتلفون السويت الكبير عندهم في تاريخ 10/08 ب 360 ريمبي غرفة نوم وصالة كبيره الاخ ابو ضرار كان يوصي عليه بس شكلي بشوف اللي يتكلم عنه الاخ ابوانس. سؤالي للاخ ابوانس ايش تقصد المطبخ بدون اواني وكيف اجيب الاواني (يحتاج طبخ ونفخ) كمان كيف الاسواق تبيع بالمفرد.
اخت عربية بكم لقيتي التذاكر انا مسافر من جدة ايش افضل خطوط
وشكرا للجميع

السلام عليكم انا مسافر في نفس الوقت لقيت فندق Parkview Square يمدحه الاخ ابوضرار كلمتهم بالتلفون لقيت سويت كبير عباره عن غرفة نوم وصالة كبيره ومطبخ. الفندق حسب النيت 3نجوم سعره في شهر 8 (10/08/2007)360 ريمبي. لاكن شكلي راح اشوف اللي قال عنه الاخ ابو انس. .. بس عندي كم سؤال للاخ ابو انس ايش يقصد بدون اواني وكيف اجيب الاواني (لازم الطبخ والنفخ) هل الاسواق في قوانزو تبيع بالمفرد.
سؤالي للاخت عربيه بكم لقيتي التذاكر. انا مسافر من جدة ايش افضل خطوط
شكرا للجميع

zahrrt
المقصود بالاواني سلمك الله الصحون والسكاكين والملاعق والقدور وتوابعهم
ولكن يوجد الميكروويف والغساله و الطباخ
واتمنا لكم اقامه ممتعه كما نحن مستمتعين و الاطفال اكثر طبعا لن كل وقتهم في بركة السباحه

zahrrt
وعليكم السلام اختي..
قريت عن الفندق وشكله برضوا حلو بس اهم شي على النظافة ..
اما سعر التذاكر فأنا مسافره من الرياض على هونج كونج على السعودية ..
تقريبا سعر التذكرة..
0سياحية واتوقع جدة تقريبا تتراوح بين هالسعر..
يعطيك العافية..

يعطيكم العافية
ابو انس كيف مدينة الملاهي الجديدة؟ ولو حبيت اني اجيب معلبات مثلا تونة, جبنة,فول (احطياط لو زعلت المدام يصير ادبر عمري) حسب مافهمت انه هناك اسواق واجد ولاكن مايبيعون الا بالجملة. تعرف العيد قرب واذا اشيائهم زينة يشتريها الواحد من هناك احسن. الله يديم عليكم الهنا والسرور انتم والاولاد. كنت شايل هم ان الاولاد ماتعجبهم البلد لاكن طمنتني.
عربية المشكلة مافيه دايركت من جدة على السعودية لازم عن طريق الرياض. الاماراتيه اقرب حجز في اغسطس18 .احد جرب السنغافورية؟

zahrrt
أخي زهرت
الفندق نظيف جدا وينظفون ويرتبون الغرفه مرتين يوميا ولكنه ليس راقي وهو مناسب جدا لمن لا يبحث عن الفخامه وموقعه ممتاز
الطبخ فيه ممنوع مع أن في الغرفه مطبخ إلا أنه للأمور الخفيفه وليس للطبخ والنفخ

ابوضرار
يا هلا بوضرار تشرفنا بمرورك اذا تقصد الشقق الي انا ساكن فيها فالاهل مو مقصرين في الطبخ كل يوم طايحينله لان الماجله الي جايبينها معانا يمكن ثلاث شنط الماجله اقصد فيها الاكل و المواد الغذائيه تعرفون عيالنا شكثر يحبون العيوش
ولك كل الشكرو التقدير