يسعد مساكي اختي
تنوري الأردن باذن الله
وربي يشافي ويعافي مريضكم
دعوتنا لكم
ممكن تمري للموضوع حق اخونا الذيب الشمالي ربي يجعله بميزان حسناته راح يفيدك باذن الله
اهلا وسهلا مرة تانية
https://artravelers.com/p/re/384465

1. أول شيء طبعاً الطريق معروف من القصيم لحائل ويبلغ تقريباً 250 كيلو ..


2. المحطات متوفرة بكثرة من الرديفة حتى الوصول للقريات ان شاء الله ..

مساء النور ..
إن شاء الله راح أوصف لك الطريق وبعض التفاصيل بما انهم اول مره يروحون ,

أول شيء طبعاً الطريق معروف من القصيم لحائل ويبلغ تقريباً 250 كيلو ..

اما من بعد حائل يأتيهم طريق الجوف وأحرصي عليهم يعبون بنزين فل من حائل لأن إلى مفرق الجوف مافيه ولا محطة بنزين والمسافة تبلغ 350 كيلو إلى قرية "الرديفة" وهي مفرق الجوف , طبعاً اول مايوصلون الرديفة راح تجيهم لوحة ارشادية إلى الاردن والقريات ..
وبعد مايتعدون الرديفة راح يجيهم قرية ابو عجرم 50 كيلو عن الرديفة , وبعد أبو عجرم راح يجيهم النبك ابو قصر وتبعد عنها 70 - 80 كيلو , وبعد النبك ابو قصر راح يجيهم طبرجل طبعاً مايدخلونها لأنها تكون يسارهم , وبعد طبرجل تجيهم العيساوية , وبعد العيساوية تجيهم القريات وبعد القريات الحديثة وهي منفذ السعودية - الاردن ..
التحويلات : من قرية الرديفة إلى قرية ابو عجرم راح تجيهم تحويلة وحدة والطريق راح يكون خط واحد "مسار واحد" ..
من قرية ابو عجرم إلى قرية النبك ابو قصر راح تجيهم تحويلتين وهي لسكة القطار , والطريق مسارين يعني سريع ..
من قرية النبك ابو قصر إلى طبرجل فيه تحويلتين تقريباً والطريق مره يكون مسار واحد ومره يكون مسارين ..
من طبرجل إلى العيساوية مافيه تحويلات والطريق سريع ..
من العيساوية إلى القريات مافيه تحويلات والطريق سريع ..
أهم شيء خليهم ينتبهون من طبرجل إلى القريات الطريق خطير جداً وتطلع لهم سيارات من جانب الطريق فجأه عشان يقطعون للجهه الثانية , يعني اكثرهم شيبان ماينتبهون ويقطعون الطريق وهم مغمضين ههه ..

المحطات متوفرة بكثرة من الرديفة حتى الوصول للقريات ان شاء الله ..

اذا وصل الحديثة عبوا البنزين للآخر من الحديثة لأن البنزين بالاردن غالي جداً ..اجراءات الدخول للأردن طبعاً بعد ختم الجوازات , ياتي تفتيش السيارة وبعدها يذهب لأنهاء اوراق دخول السيارة , وهو الذهاب لمبنى التأمينات ودفع رسوم الدخول , وأقل رسم للدخول هو 11 دينار لمدة 3 ايام , واهم شيء يكون دفتر السيارة "الاستمارة" ساري المفعول , وبعدها ياخذ ورقة التأمين ويذهب بها للمبنى اللي بجانب التأمينات ويقومون باعطاءه ورقة زرقاء , خليه يحتفظ فيها حتى عودته لأنهم لا يعطونه ورقة خروج إلى بموجبها ..بعد الخروج من حدود الاردن , راح يمشون 50 كيلو وتأتيهم محافظة الازرق , وبعد الاشارة اللي بالازرق "مافيه غيرها" يذهبون يسار اتجاهاً للزرقاء , بعد 5 كيلو راح يجيهم تقاطع يسار يذهب بهم مع طريق سحاب , اما سيده "طوالي" يذهب بهم مع طريق الزرقاء , وانا أنصح مع طريق سحاب لأن الطريق مرتب ولا فيه تكسيرات وازعاج عكس طريق الزرقاء ..
المهم اول مايطلعون من الحدود حتى يصلون عمان قولي لهم لا يتعدون سرعة السيارة 100 لأن عليها مخالفة ..واعتذر عن الاطاله بالموضوع لكن حبيت أوصف لكم بعض الامور بما أن صاحبنا جديد على السفر للأردن ..
ويوصلون بالسلامه إن شاء الله ..
وحياكم الله عندنا بالجوف ..

أختي نانا مشكورة كثير على ردك وإهتمامك وعلى دعائك الله لا يوريك مكروه في أحد تحبيه
وبارك الله فيك
أخي الفاضل سحاب ، بصراحة مدري كيف أشكرك ، أنا نقلت لهم الوصف بالظبط وأكثر شيء عجبني إنه المشاكل قلّت في الطريق وصار المسار الواحد أقل مما كان عليه في رحلتنا الماضية وعلى فكرة كلامك وشرحك المفصل ونصائحك فرحتني كثير الله يجزاك خير
وترى أختي وزوجها يدعون لك كثير ربي يوفقك ويستر عليك ويرزقك من واسع فضله.

العفو أختي وماسوينا الا الواجب ,
وإن شاء الله يوصلون بالسلامه ويعينهم على مسافة الطريق ..
والله يشفي مريضكم ويعافيه ..
ومانبي الا دعواهم تكفي الله يسعدكم ..

..
استفدنا من الوصف الجميل ..