مرحبا اخوي
نعم تقدر تتعلمة يوجد جامعات بالصين
ادرس الطب الصيني مدة الدراسة تقريبا 5 سنوات
بشرط اتقان اللغة الصينية وتختبر اختبار اسمه
الجي اس ك خاص باللغة الصينية وتجيب درجة لاتقل عن 6
زي التوفل وبعدها تدخل دراسة الطب الصيني
وموجود الطب الصيني بكثرة في الصين بكل شارع
تحصل عيادة او صيدلية الطب الصيني
وتحصل دكتور بوسط الصيدلية او العيادة ..
والدراسة بالصين رخيصة مره والمعيشة رخيصة
اي استفسار عن الدراسة بالصين انا حاضر
تحياتي

الله لا يهينك
بس انا طال عمرك ماالي في الرياضيات والفيزياء والخرابيط ذي
انا انسان ابرع جدا في الاستتخدامات هذي ومثقف ثقافه عاليه في هذا المجال طبعا من النت والبرامج الوثائقيه فقط وحاب ادرسه الانجليزي الحمد لله افهمه بس الصيني جديد
علي ..!
وبعدين هل الدراسه بالانجليزي !!.؟
واذا ابغا اتعلمه في سنه خلفيه كبيره فقط بدون شهاده عند حكيم ولا في معهد ؟؟ ينفع ؟ ولا !

ولايهينك
دراسة الطب الصيني مااعتقد فيها رياضيات وفيزياء ولاتدرسها في الانجليزي
لازم اللغة الصينية تتقنها .. بس عطني وقت وسال لك عنها وابشر اخوي
بالنسبة لتعلم عند حكيم او معهد كلهم باللغة الصينية يتكلمون ماشفت احد
منهم يتكلم انجليزي .. بس ابحث وان شاءالله اعطيك المعلومات كاملة
اطلب من الإدارة ايميلي وراح ارسلك مواقع جامعات ادرس الطب الصيني
وخاطبهم انت ... جاري البحث اخوي
المطلوب منك دعوه بظهر الغيب لي بس
تحياتي

الله يوفقك وين ما رحت ويسدد دربك ويحقق لك اللي تبي
ما عندك مشاكل اذا راح اتعلم لغه اتعلم عادي
بس اهم شيء مالي في الرياضيات والفيزياء
اما بالنسبه للمواقع فانا افضل انك تنسخها هنا عشان اللي في مثل حالتي يسال يلقى اجابه كامله هنا
لانه هذا السبب اللي جني بحثت وبحثت وبحثت ولا لقيت شيء
فانا قلت عشان تعم الفائده للجميع .. وبالنسبه للايميل .. جاري طلب الادراه
ولا تخاف ادعي لك كل ما تذكرتك

وياك ان شاءالله وكل مسلم
انا بشوف المواقع وان شاءالله انزلها
في موظوعك بس المواقع الي بجيبها
جامعات صينية يدرسون الطب الصيني
انا بشوف لك ايش يدرسون مواد بتاكد
واللغه هل عندهم انجليزي وابشر اخوي
الله يجزاك خير
تحياتي

اخوي كلمت واحد صيني وسالته
و ابشرك فيه تدريس طب صيني باللغة الانجليزية
وفيه كورسات سنه عن الطب الصيني باللغة الانجليزية
ان شاءالله بنزلك مواقع الجامعات
واسف امس عطيتك معلومة غلط
تحياتي

ياخي رووح الله يفتح ابواب الخير في وجهك ان شاء الله
الله يبشرك بالخير
كورسات سنه ! يعني اقدر ادرسه سنه
بس مخفف ؟

هلا اخوي
وياك وكل مسلم
بالنسبة للمخفف مدري والله يمكن ثقيل بعد مدري
اخوي هاذي مواقع جامعات ادرسك الطب الصيني
وربي يوفقك ويسهل امرك
واذ تبي تبحث بقوقل انسخ هذا وبيطلع لك كل شي عن الطب الصيني
university of traditional chinese medicine
وهاذي المواقع 8 جامعات
http://teachinsdutcm.coachdevelop.com/
انت خاطب الجامعات وشف ايش يبي يقولون لك
وعطني خبر ايش تبي تختار المدينه علشان اعلمك ايش
مميزاتها وعيوبها ...
تحياتي

الله لا يهينك ويكتب اجرك يا شيخ
اما بالنسبه للهذا المجال راح اضطر ااجله شوي كم سنه
لانه ماله مستقبل وظيفي ولا له وظائف
بس راح ادرسه لاني اعشقه بس مدري وش اسوي
اروح اضيع عمري في الطب ذا ؟؟ وبدون وظيفه ؟
ولا اتوظف وبعدين اخذ اجازه طويله وادرسه ولو سنه ؟ ولا محتار .؟؟؟!
يمكن ادرسه بعد سنين
الله يعين
ومشكور وما قصرت