بكل بساطة لا تحرج ولا تعطيه أي والحرج لو اعطيته حيث النظام لديهم يجرم مثل هذا التصرف
تحياتي

يعتمد البخشيش على البلد ومستوى المعيشة فيه

سمعت انه مافي بماليزيا بخشيش

السلام عليكم ورحمة الله وبركاته :
استاذي الكريم ... والله انه قبل ثلاث سنوات لا يعرف هؤلاء الناس ماهي الاكرامية او البقشيش
ولكن الان تشوف هذي الامور عيني عينك هاذ اذا ما دخلوا بعينك !!! والسبب عربوه

أنا أرى إنو اللي يخدمك خدمة خاصة اعطيلوا .....
يعني العامل في الفندق إذا قام بعمل ترتيبات لك و حجوزات و اللا اشترالك تذاكر اعطيلو ...... غير كيدا لا لأنه هو يؤدي عمله و يتقاضى عليه أجرا .. ليه تعطيلوا بقشيش .....

السلام عليكم والرحمة
مشكور اخوي على هذا الموظوع المهم
اخواني انا اشوف ان كثير من الاخوان والاخوات يحرجون من هذا الموظوع ويعطونه اهميه كبيره بل بالعكس تجد انهم يضعونه في اولوياتهم يعني اعطيه او ما اعطيه واذ عطيته كم اعطيه بعدين هل يعجبه المبلق او اكون مقصر معاه
اخواني هذا اسمه اكراميه يعني انت ومدت ايدك يعني لاتخجل عطيتهم او ماعطيتهم عادي لكن مدام ان الله انعم عليك فانت منت خسران لما تدفع جم فلس وانك تحتسبهم عند الله وجزاك الله خير
ملاحظه ( احنا تعودنا من الدول العربيه انهم يناقشونك وجادلونك على الاكراميه جنها حق من حقوقهم وكل ما تعطيه يبي زياده ) وعندهم جمله عجيبه انه يقولك والعيال يعني هذي اكراميه له وين اكراميه العيل وتجد ان اللي اكرمته طفل عمره 7 سنين ويقول والعيال
اخواني مثل ما قلنا هذا حلالك وانت حر فيه ولا تنحرجون او تستحون انتو ومدت ايدكم لكن تذكرو انكم بنعمه وان غيركم محتاجين مساعده والفلس اللي تدفعه اكراميه تعيش من وراه اسره كامله
ترى احنى بنعمه وتبي اللي حمد ربه عليها ( الحمدلله حمدا كثيرا طيبا مباركا )

الدول العربيه (غير الخليجيه) هي اللي تمشي حالك فيها بالبخشيش عشان مايوقفون لك
اما الدول غير العربيه فبخششهم عشان يكونوا خدما لك

السلام عليكم ...
حيا الله اخوي ابو مسعد ...واسمح لي بالمشاركة .
الاكرامية رغم اني احس في بعض الاحيان انها خطأ لكني اسويها...واعطي الاكرامية
حسب الشخص اللي امامي ...فأن كان الحمال مسلم وبادرك بسلام الاسلام فأكرمه
بما جاد الله عليك ...في نظري من 10 الى 50 رينجيت وما انت خسران ان نويتها لله
اماان كان غير مسلم فتكفيه ( thank you).
اما في المطاعم والمحلات وغيرها ما اعتقد انك تحتاج تعطي بقشيش وان كنت في
مطاعم فخمة فقم حاسب بنفسك واخرج بعدها حتى لا يجيك او تجيك بالفاتورة .
اهل التكاسي لا تعطيهم الا حقهم وفي الليل تزيد الاسعار شوي عاد هذا حقهم ولا
تجادلهم فيه لأنه نظامي ...وشفت واحد من ربعنا في بينانغ هيج الشارع وسوى
صجة ما بعدها صجة لأجل 2 رينجيت ...هذا عكسك يا اخوي هو ما وده يدفع وانت
تدور وين تبخشش الله يكرمك يا اخوي ولا تزعل تراني امزح واياك ..
يعني خل قلبك دليلك وين تشوف المصلحة انك تدفع فتوكل على الله لأني خايف
اننا نخربهم بهذه البقاشيش ونخرب على السياح العرب اللي ورانا
رحلة سعيدة يا اخوي والله يرزقنا وجميع المسلمين والحمد لله رب العالمين .

شكرا لجميع الاخوه الذين شاركوا في هذا الموضوع ويعطيكم العافيه