اهلا بك اخوي الفاضل ،،،
انصحك بالمخطط التالي :
3 ايام فيينا
وتستخدم المواصلات العامة (اندرقراوند ) لانه الارخص والاسرع ويوصلك لاغلب الاماكن السياحية
وجميع الاماكن التي تستحق الزيارة في فيينا ،،
3 ايام سالزبورغ
وتصل اليها بواسطة القطار 3 ساعات ونصف تقريباً وتستأجر سيارة من قرية المانية لا تبعد عن سالزبورغ سوا 15 دقيقة او اقل ،، وتتفاد ضريبة الدولة الاخرى ،، اسمها Freilassing
وراح تستمتع بالسيارة هنا وحتى تسليمها بمطار ميونخ
5 ايام زيلامسي (كابرون)
2 يوم ميونخ
https://artravelers.com/p/re/434897

مشكور فوكس بس ضروري ازيد المدة في فيينا وسالزبورغ؟
ورايكم في(هالكلام
انا اريد سيارة من المطار للمطار لاني حجزت فنادق فيها مواقف والشئ الثاني اذا حسبنا تكاليف القطار والمترو والتكسي للفندق راح تكون نفس تكلفة الضريبة ماهو رأيكم؟ماادري اذا فيه مكاتب تأجير في مطار فيينا؟

ودي بعد اسألكم بس نخليها جزء ثاني

كل عام وانت بخير
مثل ماقال لك البرنس فوكس
لاتحاول تستأجر بفيينا
كل الأماكن السياحيه بالأنرد قراوند توصلها وقريبه بشكل ماتتصوره بحيث أنك تطلع من المحطه اللي تبغاها وتطلع الدرج وتلقى المكان السياحي بوجهك
لفيت كل الأماكن السياحيه بفيينا بثلاث ليالي والسعر رهيب التذكره لشخصين لن تتعدى 100 ريال بثلاث أيام
غير كذا الموقف والزحمه لاتتوقع أنها سهله بالسياره اذا ضبطت نفسك بمواقف الفندق فلن ترتاح بالمواقف الأخرى
أقصد لو بغيت تروح لأي مكان سياحي يبغالك تفر على المكان نص ساعه ألين تحصل لك موقف بضرائب
والمخالفات حدث ولاحرج
أنا طبقت الخطه الذي يفعلونها أغلب الأعضاء أيجار السياره من فريلاسينغ (قريه تابعه لألمانيا على حدود النمسا تبعد عن سالزبورغ 10 دقائق
وسلمتها أول يوم بميونخ وبكذا أفتكيت من ضريبة دوله ألى دوله وصار أيجارك من ألمانيا ألى ألمانيا
وترى ميونخ نفس الوضع لاتفكر تستأجر سياره
عموما متعة السياره في سالزبورغ وزيلامسي والأرياف النمساويه
أنصحك بشركة سيكست
وهذا ملخص تجربتي
https://artravelers.com/p/re/637052

انا تحت امرك اخوي ،،،
تذكرت الاندرقراوند تكلف 5.5 يورو لمدة 24 ساعة ،،،
وبصراحة السيارة في فيينا راح تكون متعبه جداً لانك راح تبلش في المواقف والزحمة
ممكن انك تأخذها في اخر يوم لك في فيينا وتنطلق بها الى سالزبورغ ،,
والراي يرجع لك يالغالي ،،
اما بخصوص المدة هذا مجرد راي الشخصي
لان ميونخ مافيها شي يستاهل ويكفيها يومين
و سالزبورغ جميلة جداً شاهد الانشطة فيها وراح تعجبك
بالتوفيق

الله يجزاكم الف خير طيب لو خلينا اجار السيارة اخر يوم يعني انا راح اوصل فيينا الثلاثاء واربعاء والخميس استلمها وعلى سالزبورغ كذا تمام؟لاني قرات ان سعر القطار 88 يورو طيب السيارة احلى ومتعة اكثر ولا؟وبكذا راح اوفر او لا؟

وميونخ انا ودي ازور قارمش وزيورخ في الثلاث ايام ايش رايكم؟

ولو تنصحوني في فيينا اسكن بأي شارع عشان اكون قريب من كل شئ ؟

القطار له متعه أخرى وصدقني بتنبسط فيه
ولاتنسى أنك اذا وفرت قيمته على قولتك بتزيد عيك الضريبه لأنك بتصير أستأجرت بالنمسا وسلمتها بألمانيا
وبكذا بيزيد عليك سعر الأيجار مبلغ كبير وبتصير أنت الخسران
أما بالنسبه لقارمش
ماراح تعجبك لأنها اقل خضره ومتعه من زيلامسي فاللي يشوف زيلامسي ويقعد فيها ماراح يملأ عينه شيء بعدها
وراح تحس بكلامي هذا أذا شفت زيلامسي
عموما جدولك حلو ولاتكثر ديار وتتعب نفسك أنت رايح عشان تنبسط ماهو عشان كل يومين شيلو عفشكم حطوا عفشكم
ليلتين بفيينا وأسكن بفندق يورب
https://www.booking.com/hotel/at/austria-trend-europa-wien.ar.html?aid=1300939
فندق رهيب ونظيف وموقعه حلو كل شيء عندك
مكانه على الساحه الأشهر في فيينا وبجواره محطة الأندر قراوند يوصلك على كل الاماكن السياحيه
3 ليالي بفندق ريدسون بلو (ترى فيه أكثر من فرع خذ هذا الفرع)
فندق رائع قريب من محطة قطارات سالزبورغ يعني اذا وصلت لسالزبورغ تمشي على رجولك من المحطه للفندق
خمس دقائق
فطور رائع اصلا أحس أنك ماراح تتغدى أذا أفطرت زين عندهم
مكان أروع فيه قنوات عربيه بالتلفزيون فيه مكان يوضح القبله عندك بالغرفه أستقبال رائع
https://www.booking.com/hotel/at/radisson-blu-salzburg-conference-center.ar.html?aid=1300939
6 ليالي بكابرون
واو ياكابرون
الخيارات كثيره أنا أخذت بشاليهات دروف
https://www.booking.com/hotel/at/dorfchalets-kaprun.ar.html?aid=1300939
وبعدها ليلتين بفندق بميونخ ويكون قريب لساحة مارينا بلاتر وأنصحك ب بميركري وفيه فروع كثيره له خذ الفرع اللي بساحة مارينا بالضبط
الله يوفقك