بدور 21
17-09-2022 - 08:41 pm
ان شاء الله الاسبوع الجاي رحلتي ،،
والحجز للفنادق ،، حجزت الصن وي لاقون - شانجرلا راسا سنج - مندرين اورتينال
نجي للاسئله ،، حاليا ارتب جدول رحلتنا عشان نستمتع وما يضيع الوقت هناك بالتفكير
بالنسبة لسلانجور ،، هل فعلا الماينز وندر لاند لاتستحق الزياره وقديمه ،،؟ ابي اراء اللي زاروها قريب خاصة
بالنسبة لبيننغ . كم تبعد المجمعات عن الباتوفرينجي وماهو احسن مجمع هناك ؟
هل بوكيت ميرا تستحق الزياره اذا انا ابي الملاهي فقط من غير جزيرة القرود ؟
ابي حديقة حيوان وحده اروح لها ،، افاموسا او نيجارا شرايكم ؟
ولكم جزيل الشكر . فعلا احسن اني رحت للبلد من كثر ما قريت عنها فالمنتدى وهذا اللي شجعني لاختيار ماليزيا كوجهه ،،
بالنسبه للماينز لو عندكم وقت ماتعرون وين تروحون فيه ممكن زيارتها
ولكن الصراحه مافيها الشي اللي يخلي الواحد يحطها من الأساسيات في الزياره
ممكن الإستعاضه عنها ببوتراجايا افضل ولو مره تبون تزورون الماينز فالأفضل زيارتها
من داخل فندق الخيول الذهبيه لزيارة حديقة الخيول الذهبيه الجميله ثم الذهاب للماينز بالفييري
بالنسبه لأقرب مجمع للباتوفرينجي هو مجمع قيرني او جيرني بلازا حوالي 20 دقيقه بالتاكسي
و فيه مجمع كوينسبي مول ممتاز وجديد بس بعيد حدود 50 دقيقه من الباتوفرنجي واشوف
قيرني بلازا يغني عنه وفيه قريب منه مطعم تشيليز و بيتزا هت
بالنسبه لبوكيت ميزا والله انها مشوار طويل وممكن تزورونها لو حبيتوا وانتوا راجعين من بينانق
لكوالالمبور وانتوا ماخذين تاكسي اما زياره من بينانق وترجعون لها مشوار حوالي ساعتين رايح ومثلها جاي
وجزيرة القرود غير جزيرة القرود ممكن تروحون لها من شاطئ الفندق ماهو مع البوكيت ميرا
بالنسبه لحديقة الحيوانات هي حديقه وحده زو نيقارا اما أفاموسا فهي منتجع ومجمع كبير جدا
وفيه عروض الكايوي وعروض دلافين وعروض سفاري وعروض كثيره جدا من الصبح للمساء وفيها العاب مائيه
فلو تبون بس حديقه حيوانات فزو نيقارا تكفي