بسم الله الرحمن الرحيم
كتب الله لي بأن تكون رحلتي بعد زواجي إلى ساحرة الشرق
ماليزيا مع الغاليه و العزيزه و الحبيبه ام سعود
التي كان الحجز لها قبل الزواج فقط بأسبوعين لظروف ماء زالت ولله الحمد فقررت الرحيل وكنت متوقع بعدم الحصول على طيران ولكن الحمدلله تسهلت
طبعاً كان الترتيب للرحله مكتم عليه لا يعلم به احد لأني أحببت أن يكون مفاجأه للحبيبه والتي لم تعلم إلا قبل السفر بيوم
سوف يكون تقريري على شكل أجزاء إن شاء الله
قبل البدء المفاجأه أني جلست قرابت الثلاث ساعات اكتب التقرير وبعد ذلك لما اردت ارساله للمنتدى اختفى بجد اني انقهرت
لكن ابشرو وعشانكم راح انزله من جديد
التقرير الأول
سلانجور
كان خط السير
الرياض - ابوظبي - سلانجور - لنكاوي - بينانج - كولالمبور - ابوظبي - الرياض
طبعاً ترانزيت ثمان ساعات في ابو ظبي بس يوم بقى ساعتين حسيت بالملل
الطيران كان على الاتحاد
تكلفت الطيران 3500 ريال للشخصين وكان بصراحه له سالفه السعر
كنت حاجز للشخصين بسعر 4500ريال واتصل على صاحب المكتب لكي اسدد المبلغ المتبقي وبعد نصف ساعه اتصل على مره ثانيه وقال ابوسعود بكم حجزنا الطيران لك قلت ب 4500 وش السالفه لا تقول ما تأكد الحجز
قال لا تأكد وفتح السستم بسعر اقل وحجزنا لك الشخص ب1700 وتم اصدار التذاكر
قلت بجد انك ذيب وبيض الله وجهك
تكلفت السكن 5400 ريال
تكلفت الطيران الداخلي و المواصلات و الترفيه و المعيشة و الهدايا 8100
المجموع الكلي للسفره (17000)ريال سعودي
تم حزم الأمتعه
وصلنا المطار وبعد ذلك تم الإعلان للإقلاع إلى ابوظبي
وصلنا إلى مطار ابوظبي على المغرب
بعد ذلك تم الاقلاع الساعه 3 الفجراً طبعاً تأخرت الطائره ربع ساعه
بعد ذلك طلع علينا الصباح وقمت بأخذ بعض الصور ياسبحان الله
وهذي صور وحنا نقترب من ماليزيا
وقت الوصول إلى المطار
طعباً نزلنا من الطياره وحصلت الناس موقفه هنا ووقفت معهم
بعدها سألت واحدوش السالفه قال ننتظر الحقائب انا تذكرت ان في المنتدى ذكر ان لما ننزل من الطياره نروح صاله ثانيه عن طريق القطار قالت لهم ورانا قطار للصاله الثانيه بعدها حركنا
بعد ما ختمت الجوازات و استلم الحقائب وتوني طالع عشان اخذ شرائح جوال واخذ عشان اتصل على السائق تفاجأة في واحد يسلم علي ويقول تفضل قلت شكله من مسئولي المطار ولكن طلع العكس واحد نصاب ونصيحه ياشباب لا تلتفت لمثل هؤلاء ولما كشفته قالت وخر عني ولا بلغت امن المطار
ونصيحه اذا كان هناك مافيه سائق ينتظرك اخذ تاكسي من المطار ارخص لك
اخذت شريحتين سلكيوم بسعر 30 رنقت و حجزت إلى لنكاوي عن طريق المطار واخذت تاكسي الى فندقي الخيول الذهبيه بسعر 73رنقت و 20سنت
وهذي صور وحنا رايحين للفندق وفي الطريق نزل علينا المطر الله
بعد ذلك تم الوصول إلى الفندق بحمدلله وكنا متعبين للغايه من عناء السفر
كان الاستقبال رائع و قدمت حجزي لهم بعدها طلبو منا الإنتظار نصف ساعه للإستلام الغرفه و طلب منا الجلوس في اللوبي و شراب العصير الطازج
وهذي بعض الصور
بعدها جلسنا ننتظر وحنا تعبانين ندور النوم بعدها طلبت الغاليه مني الكاميره وقالت ناظر وراك الا الجو مغيم و المطر بدأ ينزل
بعدها استلمنا الغرفه وكانت غايه في الروعه وهذي صور منها
طبعاً كان الورد الطبيعي على السرير و على الطاوله
وكان مجهزين لنا صحن فواكه و كيكه
وهذي صور للحديقه من الغرفه
بعد ذلك نزلنا و اخذنا جوله على الفندق سريعاً ثم ذهبنا للنوم و النوم سلطان بعد التعب
اليوم الثاني في سلانجور
لم نصحى إلا في حدود الساعه العاشره صباحاً من عناء السفر نزلنا للإفطار وكان جيداً و المكان نظيف وبعد ذلك ذهبنا إلى حديقة الفندق للتنزه في حديقة الفندق و التمتع بلون السماء التي كانت تكسوها السحب
وهذي صورتين روعه على الصباح
وحنا نتجول في الحديقه وبعدنا عن الفندق غيمت السماء اكثر وقلت شكل الدعوه فيها مطر
بعدها نزل المطر على خفيف
بعدها جانا مطر قوي ولا معنا مظله وادور اقرب مكان و نجلس فيه و السائق يتصل علي يقول انا أنتظرك في اللوبي قلت اصبر خل المطر يخف انا الحين متورط وبعيد عن الفندق
وهذا المكان الي جلست فيه لين يخف المطر
وهذا التكسي المائي الي ركبنا فيه المساء وراح اذكر سالفته ان شاء الله
شلال تطل عليه غرفتي
بعد ذلك رجعت للفندق وحصلت السائق ينتظر و اعتذرت منه لأن الي صار غصب علي بعدها قلت ابي اروح الصن واي لاقو
صور من الطريق
وحنا في الطريق مع السواق ازمن وكان شايب ماليزي وقمه في الاخلاق و الاحترام اسولف معه قال نصيحه لله لا تدخل الى الصن واي لاقو
قلت ليش؟
قال ما تصلح لك لأن معك زوجتك واتوقع ميه بالميه انك مارح تدخل لانها ما تصلح لك
الرجال ماشاء الله كان واثق اني ماني داخل
يوم وصلت وشفت بس الي عند الباب قالت ام سعود ما نبي ندخل خلنا نروح السوق افضل قلت والله انك صادقه
طبعاً ممكن غيري يجوز له الوضع بس انا والله مايجوز لي ولو دخلت ماراح العب الان المنظر ما يسر
دخلنا لسوق البراميد وجلسنا في احد الكفيات وطلبنا كفي و دونات شي طعمها
بعدين تمشينا في السوق وبصراحه سوقهم روعه وهذي صور له
بس ما شاء الله عليهم يحبون الفاكه مره في كل مكان اشوف محل فاكه بس يحق لهم والله عليها طمعم ماشاء الله شي
بعدها الجوع ذبحنا وقلنا نبي نتغدى وكل ما مرينا على مطعم ما عجبنا طلعت الورقه السحريه واحصل اني كاتب مطعم الطربوش وادور عليه لين حصلته
بصراحه كان الاكل عندهم جيدجداً و الأحلا نزل مطر وكان المطعم يطل على ملاهي الصن واي لاقو وهذي بعض الصور
بعد ما عاينا خير اتصلت على السائق وقال راح اتأخر عليك الان الحين المطر قوي قلت خلاص خلك وراح اشوف لي تاكسي
وحنا في الطريق راجعين شفت المسجد هذا وانشرح صدري
رجعنا للفندق وريحنا شوي بعدها طلعنا لسوق الماينز عن طريق التاكسي المائي كان سعره ب 8 رنقت للشخص
دخلنا المول وتجولنا فيه وركبنا التاكسي المائي الي في السوق وكان سعره على مااذكر 22 رنقت للشخص
وهذي بعض الصور و المعذره الصور كانت قليله في المول
بعد ذلك تعشينا ثم ذهبنا الى الفندق للنوم بعد المشي الي مشيناه اليوم و استعداد الذهاب الى لنكاوي غداً
اليوم الثالث في سلانجور
تم الاستيقاظ باكراً ثم الافطار وبعدها حزم الامتعه وهذي اخر صور لي في الفندق على امل ارجعه له مره اخرى
وهذا السائق ازمن وحنا في الطريق إلى المطار إلى لنكاوي
وهذي الطياره الي رحنا عليها ايراسيا بصراحه احس اني راكب في باص مو طياره و المواعيد الله لا يوريكم ولا صوت الاغاني الي حاطينها تجيب الهم
بعدها اقلعت الطياره معلنه الرحيل عن سلانجور
نبذه مختصره
دع اول محطه لك سلانجور للراحه من عناء السفر
فندق الخيول الذهبيه البعض كان يمدح فيه و البعض كان يذم
والحمدلله الفندق كان رائع بالمره وكان تعاملهم رائع
والنظافه ممتازه
والافطار جيدجداً
وفي الختام اقول ان شاء الله نلتقي قريباً ومع المغامرات في لنكاوي
اخوكم ابوسعود