رحلتى القصيرة المليئة بالاحداث لمعشوقتى الاسكندرية
مارس 2011
بالتفصيل الممل لمدة يومان واكثر من 400 صورة
الاسكندرية ويكيبيديا
التفكير للرحلة
بعد الثورة المصرية وبعد انتهاء الترم الاول والدخول فى 3 اسابيع بالدراسة بكليتى وطبعا ماقدرتش اتنزة فى اجازة الترم
ففكرت فى انى اخد اجازة قصيرة جدا لمدة يومان او 3 ايام للاسكندرية معشوقتى الاولى للاستجمام فقط اى ولا افتح قنوات اخبارية ولا ارد على حد فقط استجمام وراحه فقط
تجهيز الرحلة
اولا الرحلة انا اخترت انها تكون للاسكندرية وانى هعملها اصلا يوم الثلاثاء 29/3 اى قبل السفر بيوم واحد
واستقريت على ان يكون يوم الاربعاء 30 والخميس 31 مارس والجمعه 1 ابريل هم ايام الرحلة
على انها تكون مليئة بالاحداث واقصر مدة علشان الدراسة
ودخلت موقع بوكنج عملاق حجز الفنادق عبر الانترنت
واخترت فندق النصر https://www.booking.com/hotel/eg/triomphe.html?aid=1300939
والحجز كان يوم الثلاثاء 29/3 عبارة عن حجز لمدة ليلتين
لغرفة مفردة بالحمام بسعر 26 دولار لليلتين
صورة الحجز
ولكن عدلت الحجز وانا فى الفندق لمدة ليلة واحدة بسعر 100 جنية اى 17 دولار
لان الغرفة الاولى كانت تطل على ميدان الرمل فقط
ولكن الغرفة الجديدة كانت مطلة على البحر جزئيا وعلى ميدان الرمل ورائعه جدا
وخلتي الحجز لمدة ليلة اى يومان فقط لقصر الوقت لدى على ان يكون التشيك ان يوم الاربعاء 30 والتشيك اوت يوم الخميس 31 مارس
وجهزت الشنطة واخدت شنطة صغيرة تحمل على الكتف
المحفظة ونضارة شمس والبطاقة والكارنيهات
موبايل نوكيا 5300
ودة المستخدم فى التصوير
برنامج الزيارات
زى ماقلت فانا فكرت فى الرحلة وجهزتلها قبل السفر فى يوم
فعملت حاجة جديدة وهى انى كتبت الاماكن السياحيه فى الاسكندرية بدون ماحدد اوقات لها
ودى حاجة جديدة حبيت اعملها
الاماكن اللى تزار من9 صباحا الى 4-7 مساءا : مكتبة الاسكندرية - متحف الاسكندرية القومى - قلعه قايتباى - متحف الاحياء المائية - متحف المجوهرات الملكية - قصر المنتزة - شاطئ الانفوشى
الاماكن اللى تنزار مساءا من 7-11 مساءا : سان استيفانو مول - التمشية على الكورنيس * بحرى * استانلى - ركوب الطرمايات والحناطير - التمشية بوسط المدينة - سينما
وقسمتها على ان يكون هناك مزارين صباحا ومزار مساءا على اساس فى مساء اول يوم اذهب للسان استيفانو مول وثانى يوم اذهب للسينما او العكس دا غير التمشية على الكورنيش اى بحرى ووسط المدينة وستانلى
والجدول دة لم يتاثر سواء قبل تعديل الرحلة من ثلاث ايام الى يومان
ودى مقدمة لليومان
اول يوم الاربعاء 30 مارس
الساعه 8 فطار بمنزلى والذهاب الى محطة مينى باص من رمسيس(القاهرة) الى الاسكندرية من خلال طريق الاسكندرية الصحراوى ( والمينى باص مكيف وفية ديفيدى لعرض فلم ) والسعر كان 25 جنية
تمشة فى وسط المدينة
عمل تشيك ان بالفندق
زيارة مكتبة الاسكندرية
التجول فى وسط المدينة
زيارة سان استيفانو مول
التمشية على الكورنيش وزيارة كوبرى استانلى
طبعا اثناء هذا اليوم كلتلى 3 ايس كريم اتنين على الكورنيش وواحد فى وسط المدينة
واخر اليوم خدت دوش وبعدين العشاء ومشاهدة فلم على التليفزيون والنوم استعدادا ليوم ملئ بالاحداث
من الاخر كان اجمل يوم قضيتة فى حياتى
اليوم الثانى والاخير الخميس 31 مارس
صحيت الساعه 8 صباحا فطرت فى البلكونة ادام البحر المتوسط
وعملت تشيك اوت وخليت شنطتى الصغيرة اللى بتتشال على الاكتاف زى الاجانب وقولتهم هاجى اخدها الساعه 3 كدة
زيارتى لمتحف الاسكندرية القومى ولكن لقيتة مقفول
التمشية فى وسط المدينة وركوب الترام
زيارة شاطئ الانفوشى ونزول المياة واو كانت تجنن
زيارة قلعه قايتباى
زيارة متحف الاحياء المائية
الرجوع للفندق واخذ الشنطة
مشى على الكورنيش والمكث على شواطئة والتامل فى ملكوت الله
كنت هروح قصر المنتزة لكنى طنشت لانى تعبت شوية
دخول فلم الفيل فى المنديل ههه لطلعت زكريا بسينما مترو حفلة 6:30م
التجول والمشى واكل الايس كريم للساعه 9 ميعاد انطلاق القطار من الاسكندرية للقاهرة بسعر 10 جنية
طبعا نمت فى القطار وروحت البيت اخدت دش ونمت نوم عميق والى هنا نتهى التقرير
وهسرد تفاصيل الرحلة كاملة مع 400 صورة تقريبا
التكلفة الاجمالية للرحلة
انا رصدت 350 جنية للرحلة شاملة كل شئ
الجدول دة قبل ماعدل حجز الفندق
0جنية حجز ليلتين بفندق النصر اى 26 دولار
0جنية سفر يشمل رايح جاى ( رايح عن طريق مصر اسكندرية الصحراوى وجاى عن طريق القطار )
0جنية مصروف جيبى لمدة 3 ايام
الجدول دة بعد تعديل حجز الفندق
0جنية حجز ليلة واحدة بفندق النصر
0جنية سفر من القاهرة للاسكندرية رايح جاى
0جنية مزارات ومصروف جيبى لمدة يومان
ولكن اللى حصل انى صرفت 100 جنية مصروف الجيب لمدة يومان
و 35 جنية رايح جاى سفر
و 100 جنية للفندق
لانى لما دخلت البيت لقيت فى جيبى 115 جنية تقريبا
اى الرحلة بكل تكاليفها كلفتنى 230 جنية فقط
التفاصيل الكاملة والمملة فى اولى الحلقات
واول ايام الرحلة ان شاء الله