السلام عليكم
ما ادري من وين ابتدي لكن اهلي رايحين الشيك اول شهر ثمانيه وانا احتمال اقعد معاهم هناك جم يوم وبعدين أأجر سياره (طبعا حجز السياره قبل لا اسافر هناك)
طبعا صحبة السفر راح يكونون اخوي وصديق لي يعني كلنا ثلاثه شباب
لي الحين ما خططنا بالتفاصيل لكن بشكل عام
1- نطير من الكويت الى الشيك (حاجزين السياره طبعا من الكويت)
2- نقعد بالشيك (كارلوفي فاري) يومين
3- نروح بولندا (وارسو) لمدة اسبوع
4- نروح المانيا (هامبرغ) وبعدين (برلين) لمدة 5 ايام
5- نرجع مره ثانيه الى الشيك (براغ) لمدة يوم واحد
5- نروح الى بلغاريا (فارنا) لمدة اسبوع
6- نطير من بلغاريا الى الكويت
الحين قبل لا استفسر عن الاماكن عندنا مشكله.. الا وهي الفيزا.. لو نطلع الشنقن ما راح تفيدنا الا بدوله وحده وهي المانيا اما باقي الدول فكل دوله تحتاج فيزا
يعني راح نضطر انه نطلع فزا حق (الشيك، المانيا، بولندا، بلغاريا) .. ما في حل آخر؟؟
والمشكله الثانيه اهي انه لما نسافر من الشيك (براغ) الى بلغاريا (فارنا) راح نضطر نمر على ثلاث دول (سلوفاكيا، هنغاريا، صربيا) .. فهل انا مضطر اني اطلع فيزا حق هالثلاث دول او ممكن اني اطلع مرور جمركي مع العلم باني مو ناوي اقعد بهالدول بس مرور عشان بلغاريا؟؟
شيروا علينا يا اهل الخبره .. انا بقعد باربع دول وثلاث دول بمر عليهم مرور الكرام.. شنو حل الفيزا مو معقوله اطلع فيزا حق 7 دول !!! وحتى لو فرضنا اني طلعت مرور جمركي حق الدول الثلاث اللي بمر فيها هم مو معقوله اني اطلع فيزا حق 4 دول.. ما في حل ثاني نفس الشنقن؟؟
وشكرا