يسعد صباحك
ونتمنى من الإخوان في الإردن انهم يساعدونك ويفيدونك
واتمنى لكي رحلة ممتعة وموفقة

حياك الله في بوابة الاردن
قبل شهر وجدت عروض في الصحف اليومية الى لبنان
الفندق راديسون ( عين لمريسة ) لمدة 4 ايام ب 139 دينار شامل المواصلات والافطار
فندق الزوق ( كسليك جونية ) 4 نجوم يشمل الافطار والعشاء ب 89 دينار
فندق ليجند ( الروشة البيضة ) 4 نجوم يشمل لافطار والعشاء ب 99 دينار
فهذه الاسعار قبل شهر
ونعتذر تمنع الادارة اسماء المكاتب السياحية
اي استفسارات بالخدمة
لك تحياتي

صباح النور , حياكي الله في بوابة الاردن
الاسعار كما ذكرها مشرفنا العزيز الشمالي لم يطرأ عليها تغيير
فقد قمت بالامس بالاتصال مع بعض المكاتب لترتيب رحلة الى لبنان
وهناك أيضا فندق الكومودور 4 أيام بسعر 149 دينار
وفندق سيتي سويت بسعر 149 دينار
وفندق سيزار بارك بسعر 139 دينار
بالتوفيق

نصيحة للاخوان الي بحضرو حالهم يروحو مع جروبات سياحية انهم يختارو مكاتب موثوقة، لانو في كثير مكاتب بتحاول في كل الطرق توفر باي طريقة كانت، وبس تختارو فندق معين بنصحكم تدورو على سعرو في الانترنت وتشوفو الريفيوز الي عليه في موقع تريب ادفايسر، فنادق بيروت والي بكون معها عقود مع المكاتب السياحية اغلبها فنادق نجمتين ولا تمت للاربعة نجوم بصلة ومعظمها متهالك وما تفكرو انو بس يكتبولكم بوفيه وفطور انو عنجد بوفيه ، بالعربي اذا انتو شباب ما راح كثير بفرق معكم الموضوع بس اذا عائلات راح تتبهدلو اذا الفندق وسخ.
الطريق لبيروت في الباص رحلة عذاب فحضرو حالكم ل 12-16 ساعة من القعدة في الباص والحدود وطبعا في عز الصيف الازمة بتزيد والمكاتب السياحية بتعمل اي اشي عشان تطلع ربح اكثر.
ونصيحة اخوية بيروت في الصيف ازمة خرافية واسعار نارية وجو حر
في النهاية القرار الكم ، بس اذا حابين تنزلو على بيروت في الصيف انا بنصحكم تحاولو ما تنزلو مع جروب دورو في النت على فنادق نظيفة ومحترمة ورخيصة وانزلو مواصلات بسيارات صغيرة مش باصات فيها 60 واحد.
طبعا الدخان دخان والحكي الفاضي موجود واذا في شباب مستخفين دمهم راح تكون رحلة من الاخر
وكل صيف وانتو بسلامة.

شكرا كتير كتير الصراحة افدتوني مع انو نفسي انو اخد ارقام مكاتب بس عنجد شكرا على الأسعار بس عنجد يسلمو كتير
أدفوكيتز الصراحة كتير احبطتني حيرتني اسافر ولا لأ
في حد بيأدر يبعتلي رقم مكتب موثوق فيه على الخاص أو انا سمعت بمكتب ******** فهو مكتب موثوق ولا لأ
تم التحرير : مشرف البوابة
نعتذر منكم تمنع الادارة اسماء المكاتب السياحية الغير معتمدة لديها
لكم تحياتي

اخونا advocatez
ما قصر افادك بمعلومات مهمة ويعطيه العافية
اما******* وحسب ما قرأت في منتديات اخرى ما انصحك فيه
والأرقام كما تعرفين إدارة المنتدى تمنع كتابتها
لكن ممكن تبحثين عن مكتب صادق ومضمون في منتدات اخرى

بس الصراحة انا من 3 سنين طلعت على لبنان من الأردن كانت رحلة روعة ومرينا على سوريا ساعتين كانو كتير روعة

نغم_18
أخت نغم انا مش قصدي احبطك او احبط غيرك بس هذا الحكي خلاصة تجارب شخصية ومعرفة ، وفي النهاية انا نصحتك تدوري على مكتب موثوق ومأمون وبتلاقي اكيد ، والخيار الثاني الي حكتيلك عنو انو تدوري لحالك على فندق او شقة فندقية وتنزلو بتكسي للشام ومن الشام بتوخذو تكسي لبيروت وبتروحو وبتيجو على راحتكم وانتو رايحين اجازة يعني رايحين تنبسطو ، دائما رحلات الجروبات فيها مشاكل وتخابيص ، يعني مثلا مكتب السفريات بغصبكم تروحو على مطعم معين هوا متفق معو وبوخذكم على الاماكن الي هوا حابها، وفي الطريق الروحة والرجعة بمرركم على الاستراحات الي مكمشن معاها.
وبالنسبة لبيروت وجوها في الصيف واسعارها انا بنصحك تشوفي بوابة لبنان وشوفي اراء الاخوان والاخوات في السفر في الصيف لبيروت.
شخصيا انا ما برتاح مع سفرات الجروبات والارتباط فيهم، يعني حتى وانا عزابي لما كنا نطلع مع الشباب كنا نترك الجروب ونروح نطش لحالنا بلا جروب بلا هم.
والناس اذواق وموفقة
الف شكر للذيب الشمالي وما قصرت تحياتي

أخت نغم رح أسهل عليك الأمر شوية لما تنزلي الى الأردن رح تلاقي أعلانات بالهبل بالجرايد اليومية والمجانية وفيها اعلانات******* ولغيره بس الجروبات حظوظ وكل واحد وحظو بالرحلة والرفقة .... تمنياتي لك بأجازة موفقة