البلوت
02-06-2022 - 12:13 am
السلام عليكم
ناوي ان شاءالله في الصيف القادم السفر لكم دوله اوروبيه والانتقال بالسياره بس متخوف شوي ودي اعرف رايكم بالخطه
الوصول ميونخ واستلام السياره من هناك
المبيت ل ليله او ليلتان
ثم المغادره الى انترلاكن ( ليالي(
ثم ميلان ( ليالي - واحتمال زياره فينيسيا يوم كامل(
ثم الى سالزبورغ و الاقامه عند البحيرات الثلاث لمده ( ليالي(
ثم تسليم السياره في سالزبورغ والذهاب بالقطار الى
فيينا ( ليالي(
ثم المغادره منها الى ارض الوطن
يصير المجموع ليله وقابله للزياده
طبعا سبب الوصول الى ميونخ حتى استاجر السياره واسلمها في المانيا
انترلاكن ماقد رحتلها عشان كذا حرصت اخليها في المخطط
ميلانو ناوي اروحلها لميول رياضيه
سالزبورغ رحتلها قبل سنتين واعجبتني وحطيت ببالي ان اقيم في وولف قانق (البحيرات الثلاث( لما ارجعلها لان جدا عجبتني اكثر من زيلامسي
زيلامسي ماافكر ارجعلها
فيينا لانها جدا اعجبتني فكرت اخليها الخاتمه
فيه اي اضافات؟
طبعا بكذا يكون امسك خط من ميونخ الى انترلاكن
ومن انترلاكن لميلان
ومن ميلان لسالزبورغ
يعني ان شاءالله مافيها تعب؟ والا وش رايكم .. الرحله لشخصان و طفل عمره سنه ونص
فيه احد جرب يروح لمخطط زي كذا وهل هو متعب.. انا حاولت اطول مده الاقامه في المدن عشان ماتكون الرحله متعبه
ان شاءالله راح احجز على القطريه بس كنت باخذ رايكم في المخطط قبل اعتمد الخطه
وجزاكم الله خيرا
واذا ماعندك مشكله في المسافات البعيده توكل على الله .
تقدر تدخل Innsbruck, Austria محطة استراحه . بينها وبين ميلان 4 ساعات تقريبا .
موفق ..