للعلم تم حجز فندق رمادا ، لمدة ليلتين من موقع https://www.booking.com/ سعر الغرفة لشخصين ب 40 دينار ، انا اخذت ليلتين في هالفندق واذا الله اراد ان شاءالله راح ادورلي شقق فندقية بسعر اقل .
وش رايكم في الفندق و بسعره وبموقعه ؟؟ وياليت أحد الاخوان يعطيني الوصف من منفذ النويصب الى الفندق (حسب معلوماتي الفندق يقع في الفروانية)
.
الف شكر لكم ،،،
تحياتي

حياكم الله بديرتكم
و ان شاء الله الاعضاء يفيدونك

المرام
اختي المرام / شرفني مرورك
فندق رمادا يقع في العارضية ، ياليت اللي يعرف الطريق من منفذ النويصيب على طريق الملك فهد رحمه الله الى العارضية.
تحياتي لكم

فندق ايبس يناسب لميزانيتك وهو فندق ثلاث نجوم غرفه صغيره وحمامه اصغر ولايوجد به خدمة حمل الحقائب
لكن موقعه رهيب فهو يقع في السالميه في وسط شارع كله مولات صغيره قدام الفندق مباشره مول ليلى غاليري تقدر تقطع الشارع بسهوله لانه اربع مسارات
والبحر وراء الفندق يعني وانت على شارع الخليج العربي اللي هو بمحاذاة الكورنيش وهو اهم شارع في الكويت يوجد على امتداده مطاعم كبرى تطل على البحر مباشره وهو الشارع اللي توجد به ابراج الكويت
تلف يمين لما توصل فندق السالميه القديم ثم تلف يمين مره ثانيه تمشي امتار قليله وتلاقي ايبس على يمينك
لكن للمعلوميه الفندق عادي بس الميزه موقعه وسعره

د كيف
اخوي د كيف ، بالفعل مثل ماقلت موقعه ممتاز ، لكن يفتقد لبعض الخدمات ، على حسب علمي المواقف ياخذون عليها ، اعتقد الساعه بربع دينار ، ولايوجد فيه ثلاجة ، هذي عيوبه اللي عرفتها بعد مابحثت عنه.
لكن انا مشكلتي في الطريق المؤدي للعارضيه (فندق رمادا) من منفذ النويصيب على طريق الملك فهد رحمه الله ، لو احد يقدر يفيدني اكون شاكر وممنون.
تحياتي لك

فندق أرمادا (( سفير الرقعي سابقا )) يقع في منطقه الرقعي بس مكانه بعيد عن المولات والمطاعم ولو ماخذ ببنيد القار اقربلك لمنطقه السالميه وحولي الي فيها الاسوقه والمطاعم والفندق الي حجزت فيه 5 نجوم وهادي ومايطل على اماكن حلوه كله عمارات بس على العموم الكويت صغيره وكل المناطق قريبه من بعضها بس الطريق بالضبط ما أدل انشالله الشباب يدلونك

كويتية زوغة
أختي كويتيه ، شاكرلك على ردك بس وش قصدك انه بعيد ؟؟ يعني لو مثلا بغيت اروح لمنطقة السالمية أو بنيد القار أو حولي كم تاخذ من وقت على بال مااوصل ؟
الطريق حسب علمي بعد مادورت وحست ، بعد ما ادخل من منفذ النويصيب امشي على طريق الملك فهد رحمه الله ، وبعدين ادخل مع الدائري الخامس على منطقة الرقعي مثل ماقلتي ؟؟
ياليت الاخوان يفيدوني بالوصف هو صحيح ولا لا ، ومثل ماذكرت اني اخذت ليلتين في هالفندق ، وناوي اغيره وآخذلي في بنيد القار أو حولي او السالمية .
تحياتي ، وشاكرلك مرورك

اهو في منطقة الرقعي و تروحله من الدائري الخامس
قبله على طول (أو قريب حيل منه) مجمع الأفنيوز أحسن و أكبر مجمع في الكويت
فيه كل شي و ما راح تملون منه
عشان تروح السالمية تاخذ الخامس بعد
الكويت مو كبيرة يالقطمي .. 10 - 15 دقيقة بالكثير ان شاء الله توصل المكان اللي تبيه سواء السالمية أو حولي مثلا (فيها مجمعات حلوة)
و بالنسبة لفنادق السالمية شوف الكورنيش قريب حيل لمارينا مول .. أنا سكنته من سنتين تقريبا و كان حلو حيل الصراحة و موقعه رهيب.
و يا هلا و مرحبا فيك انت و الأهل بالكويت .. حياكم الله

Ghaddour
أخوي Ghaddour الله يعطيك الف عافيه ، اهم شي الافنيوز قريب مني ، لأنه المدام تسأل عنه دايم ، ومخططين عليه من اول يوم
الكويت كبيره بأهلها الطيبين (الله يحفظكم) اذا اخذت الدائري الخامس أتجه شرق وينزلني على السالمية على طول ؟ ولا اللوحات بتبين لي ، لأني وانا اخوك هذي اول زيارة للي للكويت الحبيبه ( ان شاءالله ماتكون الأخيره).
وبالنسبة لفندق الكورنيش قريت عنه في المواضيع المثبته واستفسرت منهم ، لكن ان شاءالله ربك يكتب اللي فيه الخير ، لأني ناوي آخذلي شقه مفروشه نظيفة ، يعني لو مرت عليك شقق نظيفة واسعارها معقولة ياليت تفيدني يالطيب
تحياتي ومشكور على مرورك