اخوي الوتين السوق الصيني عيبه مزحوم عشان كذا امسك عيالك فيدك وبالنسبة للاسعار هم يرفعونها فوق عشان لو حصلوا واحد مايعرف $ يشتري ويضحكون علية واعتقد بس فالساعات وتري لا تاخذها بأكثر من 50او60او70 والله اعلم ترى رحت قبل 3سنوات

بصراحة السوق الصيني ما عجبني مثل سوق الصواريخ اللي في جدة اذا تعرفه

والله انك صادق سوق الصواريخ احسن وعلى الاقل محد يقدر ينفخ عليك مو زي الصينيين الله يقلعهم

وفيه أمر آخر بعد وهو :
لا تذهب إليه في وقت نهاية الأسبوع ( السبت - الأحد ) لأنه زحمة ويالله تخرج بثوبك ...

قبل عامين في سفرتي الاولى لماليزيا انا ذهبت الى السوق الصيني
صحيح مزدحم .. وفيه المساومة على الاسعار ..
بالنسبة لنا نحن الخليجيين فينا عادة : إذا عجبنا السعر اشترينا واذا لم يعجبنا قلنا في امان الله ..
هذه الحالة لا تعجبهم لأن مبدأ السوق (كما هو الحال ايضاً بالنسبة للسوق الليلي في باتو فرنجي في بيننج) هذا المبدأ يقوم على المساومة ..
وكنت أجد حرج في التعامل ..
لأن في النهاية السعر لا يعجبني وأبي امشي ولكنه يتشبث فيني كحال سوق الحميدية في دمشق وكحال معظم الاسواق العربية ..
لكن بالنسبة للصينيين يبدون متوترين قليلاً أو كثيراً إذا اعرض الزبون بوجهه عن السلعة..
وهذه قصة اخرى ..
يعني صارت عندي قناعة .. ما دمت أنوي ان ازور هذه البلد فسوف الى السوق الصيني وبما أنني مصر على أن احترم كل الأعراق والأديان هناك فلن أتسبب بسلوك يجعلهم ينفرون مني ..
إذن ما هو الحل ؟..
الحل أن السلعة التي انوي فعلاً ان اشتريها اذا عجبني سعرها هي التي اساوم فيها واما غيرها فلا ..
وأعتذر بكل لباقة واحترام للبائع ..
وأمشي.
أما أن اساوم واساوم عمال على بطال وأجيب لرأسي وجع الدماغ وأنا في الاساس ما ابي اشتريها .. هذا محال!!
سلامتكم

السوق صيني مزحوم جدا وممراته ضيقة ورائحته كريهه
فلا انصحكم بزيارته الا اذا كنت ناوي تشري حاجات رخيصة

حقيقة السوق الصيني كما تفضل الإخوان ضية ومزحوم وريحته كريهه وبعدين لو نزل مطر الله يعين , وبعدين مافيه أشياء مختلفه عن السعوديه والأسعار يمكن عندنا احسن فيه بس الساعات المقلده للماركات العالميه , يعني ماهو زي مايتخيل الواحد ترى سوق عادي جدا وبضاعته رديئه وعلى فكره انا عندي قناعه يشاركني بها بعض الإخوان في المنتدى ترى بالنسبه للشراء من ماليزيا والبضائع تقريبا مافي فرق عن السعوديه بالسعر يعني لف بالأسواق المحترمه المكيفه وإنبسط انت والأولاد ومالك والبهذله حر وريحه وشد عصبي مع الباعه والأولاد تخاف ذا يروح وذا يضيع وذا يطيح.
وترى على فكره ابدا ماراح تخسر لو مارحت .

مرحبتين اخوي
انا رائيي غير راي الجميع
السوق الصيني من الاسواق الي عجبتني بماليزيا بعدين مو زحمه زي ما يتوقعون بعض الناس
انت لاتروح له السبت والاحد بس
وبعدين انت بتروح له با النهار يعني لا سرقات ولاشي اتمسك بعيالك وسم با الله
وبا النسبه للبضائع الي فيه با العكس مختلفه عن الي عندنا بواجد
يعني با النسبه للاسعار الشنط عندهم بلاش والساعات
انا الصيف الي راح كنت بماليزيا اخت من السوق الصيني ساعات لأختي الصغيره
ماركه سواتش ماركه معروفه واختي تشتريها هنا بحدود 200 ريال
اخذت لها 10 حبات والله العظيم نفس الشكل والالوان حتى مكتوب عليها سواتش
اخذت الوحده ب(( 10 )) ريال ولحد الحين اختي تلبسها وما خربت ولاشي
يعني السوق الصيني يستحق الزياره
وانت لك الرأي

اسال يا اخوة هل انتم مثلي صراحة الاسواق اسعارها مثل السعوديةطبعا اقصد المجمعات وما في شيئ مميز ما هو موجود عندنا بالسعودية تقريبا
باستثناء مركز تجاري في بينانج في نفس المبني اللي موجود فيه كنتاكي فيه اشياء حلوة ورخيصة نوعا ما