والله شوفي اختي انا اقول سنغافوره غاليه شوي وانا اشوف افضل لو تروحين الامارات وبعدين ماليزيا(بس تروحين مدن غير اللي رحتي لها),اما بالنسبه للحجوزات فيه مواقع لبعض المكاتب السياحيه يمكن تقدرين تحصلين حجز....وبالتوفيق

معليش اختي فيه طريقه ثانيه لعمل الحجوزات الا وهي انك ترسلين ايميل لأحد المكاتب السياحيه وتوضحين فيه البرنامج وتاريخ السفر والاسماء, ويردون لك بالأمكانيه والاسعار ومايبقى الا الدفع وعمل الحجوزات

ليه ياقلبي بتصيحين لا لا لات صيحين ولا شيء خلي الصياح لي وأنا اختك ...من يوم دخلت المنتدى وشفت الصور اللي حطهاالاعضاء اللي راحوا ماليزيا انسدت نفسي عن الأكل وكل شوي اتخيل نفسي هناك واقول حتى لو الرحلة اكثر من عشر ساعات أبغى اروح مع اني ما حب الطياره كثير.... وإلى الحين تونا ما حجزنا
كل يوم ابو الشباب يقول خلاص بكره اذا ربي يسر ورحنا راح نروح دبي يومين قبل ماليزيا ويومين بعد ماليزيا سوي مثلنا وارتاحي ....بالتوفيق

بالتاكيد ماليزيا هي الأفضل والأجمل والأرخص حيث ان اندونسيا مستواها مشابه لتايلند وغيرها من الدول الفقيره اما ماليزيا فهي دولة عصرية ونظيفه ومناسبة للجميع ويمكن زيارة سنغافوره معها لمدة 4 ايام .
اما بخصوص دولة الإمارات فيمكنك زيارتها في لبداية او تاجيلها الي فترة الشتاء اوالربيع افضل لآن درجات الحراره والرطوبة عاليه جدا في مثل هذا الوقت من السنه

السلام عليكم
أختي الفاضلة
بالنسبة للإمارات أتركيها لفصل الشتاء وأفضل وقت لها هو وقت مهرجان دبي للتسوق من 15 يناير إلى 15 فبراير لأن الأمور تكون أفضل والجو أنسب
أفضل شيء ماليزيا وسنغافورة مع بعض لأنهم دول عصرية وفيهم كل الخدمات اما أندونيسيا يعني إذا عندك وقت للمغامرة ممكن تروحي إلى هناك لكن أندونيسيا نوعا ما نفس مستوى تايلند كما ذكر الأخوة
الأفضل بالنسبة لي شخصيا ماليزيا وسنغافورة
إذا كنت رحت ماليزيا في السابق لا بد من تغيير وجهات الإقامة لأن ماليزيا لا زالت قيد الإكتشاف من السياح العرب وكل يوم ما شاء الله الأخوة يدرجون أماكن جديدة
أما سنغافورة فهي لؤلؤة آسيا خصوصا في الليل حيث الحياة والنظافة والأمان

أوئيد رأي الاخوان سنغافورة قريبة من ماليزيا و حلو لو تروحيها لمدة 3 أو 4 ليالي خاصة انه من الصعب الذهاب لسنغافورة لحالها , لكن الامارات قريبة و مقدور عليها و مثل ما قالوا الاخوان في الشتاء يكون الجو أحسن ..
بالنسبة لاندونيسيا كطبيعة الكل يقول إنها رائعة لكن كاماكن سياحية و تطور عمراني ماليزيا أفضل .. حاولي تغيري في الفنادق حاولي تكتشفي مناطق و مدن جديدة ..
اما عن البرنامج حتى نفيدك اكثر أذكري ميزانيتك و عدد أيام الرحلة و هل معكم أطفال و اللا لا و الكل إن شاء الله ما حيقصر ..

بالنسبة للعائلة اذا كان معكم اطفال ماليزيا افضل من اندونيسيا ولا الفرق وخلو وجهتكم 3 أيام توقف في سنغافورة لان هذة الدول راقية جدا اما البرامج فيمكن اخذها من تجارب المسافرين المثبته هنا

عندي نصيحة بس أخاف اتوهك زيادة
ليه ما تروحي هونج كونج وماليزيا بالخطوط كاثي باسيفيك
لأن سنغافورة واندونيسيا ما تفرق كثير عن ماليزيا ( نفس البيئة تقريبا )
والامارات هذه الايام لا ينصح بها بسبب الجو الحار
لكن هونج كونج تجربة جديدة واتوقع تنبسطو فيها

والله انا بقول لج خوش راى روحى ماليزيا ومكه اذا كنتى ناويه تروحين ديرتين على الاقل تصيرين مستفيده من الصوبين ودبى خليها فى الشتاء