1. باقي البرنامج نختار حسب المزاج ..

مرحبا اخواني واخواتي ...
بإذن الله بتكون اجازتي هالسنه بين برشلونه وماربيا وباريس ...
والحين انا مركزه على برشلونه ووين نروح فيها لانها الزياره الاولى لي وزوجي له فتره طويله عنها ..
وطلعت بهالبرنامج واتمنى اخذ رأيكم فيه ...
برنامج برشلونه ..
الوصول يوم 3 جولاي والمغادره يوم 8 جولاي ..
يوم الوصول النزول لساحة الكاتالونيا والتعرف عليها وعلى شارع الرامبلا ..

باقي البرنامج نختار حسب المزاج ..

1-ناخذ الباص السياحي (من عند ساحة كاتالونيا) (المسار الازرق)يطلع لملعب الكامب نو ملعب نادي برشلونه وكنيسة Sagrada familia وحديقة Parc guell وبعض المتاحف والحي القوطي واشهر بنايات غادوي.
2-ساحة كاتالونيا ومن عندها لشارع الرامبلا ونهايته بيجي البورت ونطلع رحلة بحرية, وجنبها مجمع Maremagnum وخلفه توجد الحديقة المائية aquarium و Imax سينما 3D , وبعدها شاطئ برشلونة اسمه La playa نقضي اليوم كله بهالمنطقه
3- الصعود لجبل الTibidabo - المنطقه فيها ملاهي وتطل على برشلونه لانها اعلى منطقه فيها ثم تكملة اليوم بالرامبلا و زيارة سوق الكورت انجليس وشارع Passeig de gracia..
4- قوس النصر Arc de triomf والحديقه اللي جنبه Ciutadella Parc وحديقةالحيوانات اللي داخل الحديقة وبعدها الساعة 9 نروح لساحة اسبانيا ونحضر عروض النافورة الموسيقية ولازم نسال متى عروض النافوره من يوم الوصول لتحديد هاليوم ..
5- يوم المغادره لماربيا بإذن الله
وبعد البرنامج حبيت اسألكم عن كم اوتيل ..
الاول ... catalonia rambllas
الثاني ... olivia plaza
او ازود واسكن بال w barcalona
ولو فيه خيارات ياليت تفيديوني
انا حبيت الكاتلونيا لان لقيت غرفه بمسبح خاص بالتراس عندهم ولو انه راح علي بالبوكينج لكن قاعده ادوره بطرق ثانيه ..
انتظر ردكم ومشكورين مقدما ..
ملاحظه ..
هذا رابط موضوع رائع للعضو https://artravelers.comy https://artravelers.com/p/re/586666
صح طويل لكن وافي ويشبع فضول المسافر لبرشلونه انا لسى اقرا فيه واستفدت منه كثير استغربت عدم جوده بالمواضيع المثبته او اقلها بالارشيف مثبت ...