والله غريبه
اول مره أسمع أنه فيه
مطار دولي بالخبر

1) تروحين وترجعين بالسلامة إختي ..
2) طيران الخليج سيئة سيئة سيئة سيئة ..
3) أنا ماشفت أكل خاص بالأطفال ..
4) تعاملهم جيد جداً ..
5) المقاعد غير مريحة على الإطلاق ..
6) التأخير بالإقلاع عادتهم وغريب جداً لو أقلعو على الموعد ..
7) دامج حجزتي خلاص ومافي وقت للتراجع توكلي على الله كلها سبع ساعات وتوصلين بالسلامة ..
8) السفرات الياية إذا كنتي مخيرة لاتعودينها وتسافرين على طيران الخليج

اختي المواعيد عندهم غير مظبوطة
لكن معاملتهم ممتازة وكل شي تمام لا تحاتين ، للأسف آنه ماحصلت عليها واظطريت اني احجز على الماليزية والله يستر
وبخصوص اكل الطفل طلبي منهم وشوفي يمكن يوفرون لج، لكن نصيحتي لج ان تاخذين معاج للطفل انظف واظمن حتى لو كنتي في طيران آخر
ترجعين بالسلامه

نسيت أقول لكم إن أكلهم طيب

السلام عليكم
اختي انتي بتطلعين من البحرين يمكن مو من الخبر
وبنسبة للطفال يعطونك سرير اذا كان صغير ولة اكل خاص
هذا بنسبة للبزنس كلاس ودرجة اولى
بنسبة للتاخير انا والله لطعوني من الساعة 2 الظهر الي 12 باليل بمطار تايلند
الطيراة كانو يصلخونها يقولون فيها خراب او شي زي كذا
بس انا كنت جالس في قاعة الvio
توكلي على الله ان شالله مابيصير الا كل خير ان شالله
بنسبة للكراسي اذا الحجم زايد مو مريحة اما اذا ضعيفة
بتكون عادية ان شالله
وتروحين وترجعين بسلامة ان شالله

خوفتوني!!!!
أنا ان شاء الله مسافره عالخليج..

الله يخليكم ياربي
وانا قصدي بالخبر انا صحيح بطلع من الخبر للبحرين لكوالالمبور
لكن التفاصيل مو مهمه
انا كان عندي بعض الاسئله (والله يخلي ياربي ويعطيه العافيه ويفرج له
كل كربه من جاوب وساند ورد وطمن قلبي )
وان شاء الله ماتتأخر الرحله ياربي
والحمد لله اني نحيفه ههه
والحمد لله على كل شيء
استودعكم الله انا ماشيه اليوم بأذن الله تعالى
فأرجوا الدعاء لي وشكرا لكم

والله ياعزيزتي
انا سافرت على الخليج الصيف اللي فات لندن وكنت على درجة البزنس
بصراحه طياره تهبل وجديده معامله ولا اروع اغلب المضيفين بحرينين وعمانيين يعني ولا اروع في المعامله
ارتحت في الرحله لأقصى حد ولله الحمد
وكان ودي اسافر فيها السنه بس صراحه تعبت من الترانزيت وماتروح دايركت لندن
موفقه ورحله سعيده وممتعه