misshnowo211
07-12-2022 - 10:15 pm
السلام عليكم ورحمة الله وبركاته
أخباركم يالربع
الحمدلله ربنا تمم علينا سفره سهلة وروعة والفضل لله ثم للمنتدى الاكثر من روعة بجد الله لايحرمنا الاخوه المتواجده بالمنتدى وحب الخير للغير
وقبل ابداء التقرير أشكر الاستاذ / الاسفار متعتي و أختي / شموخ عتيبه
ربي يجزيهم الجنة على التعاون الاكثر من روعة منهم
واشكر كل الاعضاء اللي ساعدوني على قدر استطاعتهم ويجيزهم كل خير يارب
أحم أحم الحين ندخل في التقرير المفيد
اولآ الجدول كان بالطريقة التاليه:
سيلانجور / بينانغ / ايبوة / ملقا / كوالالمبور
وراح اذكر سلبيات وايجابيات كل فندق في اخر تقرير يخصه
بسم الله يلا نبداء
طبعآ هنا اول ماوصلنا وطلعنا التاكسي ورايحين للفندق
هنا وصلنا الفندق وكانت الغرف ضيقة الحلق في الحلقوم مومثل الصور اللي في موقع بوكنج
وهنا من زاوية ثانيه
وراح عن بالي اصور الحمام اكرمكم الله لكنه عملي ونظيف بس برضة صغير ويكفي للحاجة فقط مافي رفاهية
وبعدها رتبنا الشنط وضبطنا وضعنا وانطلقنا هنا الشارع اللي فيه الفندق وكل شيء قريب مننا بصراحة روعة
من زاوية اخرى
بعد ما انتهينا من تفقد المكان رحنا على اي ستي مدينة الاضواء وكان من حضنا في فرح هناك وام الوناسه بس الغريب انه كان شرط دخول الفرح
لازم الملابس تكون احمر واسود مادري ليه
بعدها دخلنا عالم الثلج
وبعد كذا رحنا للفندق ونمنا حتى نجهز للروحه الى صن واي لاغون
طبعا خذينا باص ووصلنا مقابل رنجت واحد ونزلنا قدام جسر المشاه اللي ينزلنا على طول ع صن واي لاغون واخذت بعض الصور من الجسر
نشوف هنا صن واي برميدا من الخارج وللأسف مااسعفني الوقت ادخل واصور وافرفر فيه
هنا من الناحية الثانيه للجسر
بعد مانزلت من الجسر اخذت صورة ارضية
وهذي الصور من اول مادخلنا حتى تم خروجنا بصراحة اتعب وانا امدح المكان يالبى صن واي لاغون لباه كم وحشني
على الرجال ملامح للمجسم خطيرة ههه
هنا مشينا شويات وحبيت المنظر
هنا منظر شلال واسماك للتصوير بصراحة تحفة يستاهل جيتكم والتصوير هناك
مشينا شويات الى نشوف ثعبان محنط وكبير اخذتله صورة كمان ماحبيت ازعله وامشي بدون تصوير
نفس المكان اللي فيه الثعبان في المنظر هذا
بعدها مشينا شوي ولقينا التمساح اللي مسوي نفسه ميت وشويت حيوانات اكرمكم الله مفترسه
وقرد شكله رهيب مادري ليه حبيته حسيت انه فله
بعدها مشينا شوي وشفنا طيور نقدر نقول حديقة مصغرة للطيور
الطاؤؤس صورناه شاف نفسه وقام يستعرض علينا بجماله
وبعدها خرجنا من عند الطيور ومشينا وهذي من المناظر اللي صورتها
هنا مطعم من ضمن المطاعم الموجوده هناك
مكان تأجير العوامات لزوم الفله والوناسه
الدرج الكهربائي المؤدي الى الفله والوناسه والتسليه
طبعآ حطينا الكاميرات والاغراض في الامانات وفليناها ورجعنا واخذت الكاميرا وصورت خروجنا هنا ونحنا متجهين للخروج
الميت الحي حب يودعنا ونحنا خارجين
وبعدها رجعنا للفندق عشان نرتاح ونام بدري حتى نطلع على بينانغ وهذي صورت باص الايرولاين بعد ماطلعنا فيه
وبكذا انتهت رحلتنا في سيلانجور وندخل في السلبيات والايجابيات في الرحله الخاصه في سيلانجور
الفندق
سلبياته: انه غرف ضيقة النت جدآ ضعيف ولا يصلح للعوائل فقط للشباب
ايجابياته: قربه من كل شي المطاعم والشارع العام ومواقف الباصات وقربه من صن واي لاغون تعامل الموظفين
وفي العموم سيلانجور احس سواقين التكاسي فيها نصابين الى ابعد حد يعني لما رحنا صن واي لاغون بالباص كان مقابل رنجت واحد
ولما جينا نرجع من التعب قلنا نطلع تاكسي قالنا مقابل 15 رنجت وسبحان الله يدوب لفينا براسنا الى نشوف موقف باصات ورجعنا للفندق بنفس التسعيرة رنجت واحد معنه الفندق يبعد عن صن واي لاغون بالسيارة دقيقتين مو اكثر ويمكن أقل شوي
يارب يكون التقرير وافي وكافي والمعذرة لو توجد اخطاء او شي ملخبط لانه اول مره انزل تقرير عن السفر وكذا
وانتظروني في يوميات جديده وروحتنا مع بعض الى بينانغ
ف مان الله
أختكم في الله ... هنو
الحمد لله عل السلامة
ما شاء الله عليك نشاطك واضح من خلال إجاباتك للاستفسارات و تقريرك
بس الفندق اللي نزلتم فيه شو اسمه
الله يسلم ايدينك عل التقرير
متابع معك رحلتك لبينانج
دمت بخير