ماشاء الله رحلتكم باقي عليها وقت طويل
لكن عموما .. عندكم ( 13 يوم ) ... وهذا الجدول الأنسب
يومين سلانجور ... فندق البيراميد
ثلاثة أيام لنكاوي ... فندق لنكاوي لاقون
ثلاثة أيام بينانغ ... فندق باي فيو بيتش
يومين جنتنغ ... فندق الفيرست وورلد (غرفة وورلد كلوب )
ثلاثة أيام كوالا ... فندق الرويال شولان
طريقة التنقلات بين المدن :

• من سلانجور إلى لنكاوي ... طيران air asia والمسافة ( 50 دقيقة )
• من لنكاوي إلى بينانغ ... الطيران ( 40 دقيقة ) ... أو العبارة البحرية ( ثلاث ساعات )
• من بينانغ إلى جنتنغ ... الباص بسعر ( 35 رنقت ) والمسافة أربع ساعات ..
• من جنتنغ إلى كوالا ... تاكسي بسعر ( 90 رنقت ) والمسافة ( 45 دقيقة )

السلام عليكم ورحمة الله وبركاته اخوي وافي اول شي احب اشكرك على الرد ثاني شي احب اشكرك على الورطه اللي حطيتني فيها
انت تقول لسى رحلتكم باقي عليها وقت
وانا ادخل لموقع بوكينج وادور حوجوزات ما احصل شي
شوف اخوي
احنا برنامجنا كالتالي :-
يومين سيلانجور محتارين في الخيول الذهبيه او Empire Hotel Subang
يومين لنكاوي
ما حصلت حجز على فندق ويستن لنكاوي
ثلاث ايام بينانج
برضو ماحصلنا حجز على فندق شانجريلا قولدن ساندس
خمسة ايام في كوالا لمبور محتارة بين فندق رويال شولان او فندق التريدرز
ارجو الافادة وشكرا

وبعدين ابي اسئلكم
ايهم احسن اطلع من سيلانجور الى لنكاوي ثم بينانج وبعدين كوالا
او
اطلع من سيلانجور الى بينانج ثم لنكاوي ثم كوالالمبور
وبعدين ابي ارجع لكم بعد ما نخلص من الفنادق بجيكم بخصوص حجز الطيران الداخلي
لا تخلوني بليز

هلا أختنا ... والله ماورطتك .. ولانكبتك ... بالعكس ( أفدتك )
وأنا صادق ... باقي على رحلتكم ( 5 شهور ) .. وقت طويل
وأحتمال ماتلقين الفنادق من الأن ... لأن تسعيرة ( 2013 ) مانزلت يمكن ...
عموما ... الأفضل تحجزين قبل الرحلة بشهر ... الأن والله بدري ... لاتحجزين
أقسم بالله العظيم ... وقت رحلتكم ( مافيه زحمة ) ... والفنادق كلها متوفرة ...
أشهر ( فبراير - مارس ) من الشهور ( الميتة ) سياحيا ... وأنا رحلاتي في هالأوقات
والتنقل الأفضل ... هو اللي ذكرته لك
وأعيد ... وأكرر ..
أسمعي نصيحة ( أخوكِ وافي ) ... طالما حجزتوا الطيران الدولي ... كل الباقي سهل
قبل الرحلة بشهر ... أحجزي الفنادق والطيران الداخلي ... وكلها ماتأخذ أكثر من يومين