اسعد الله مساك بكل خير
من وجه نظري ان تضيف يوم للنكاوي تصير 3 ايام
وبيننج 4 ايام افضل لك واريح لان يومين على لنكاوي قليل مره
وباقي البرنامج ممتاز مع تمنياتي لك برحله سعيده

عليكم السلام ورحمة الله وبركاته
مثل ماقال الأخ علي بس تشيل ليله من بينانق وتحطه مع ايام لنكاوي ويصير جدولك 100%
وبينانق يكفيها 4 ليال جدا كفايه و لنكاوي 3 ليال بعد ممتازه و ممكن تعجبك لنكاوي اكثر
فخلك متوازن افضل عشان ماتتندم
ودامك تبي بركة سباحه خاصه فالأفضل تشي ليله من كوالالمبور وتخليها ببورت ديكسون
وتكون اخر ليله لأنه هو الفندق الوحيد اللي ببركة سباحه داخل الغرفه بسعر معقول
وفيه في الصن واي لاقون فيلا و الويستن فيلا بس غالين حبتين
واشوف الجدول الأفضل دامك تبي بركة سباحه خاصه
ليلتين سيلانقور -- 3 لنكاوي -- 4 بينانق -- 4 كوالالمبور -- آخر ليله بورت ديكسون
بالنسبه للفنادق
سيلانقور -- الصن واي لاقون او البيراميد --- وإذا تبي بركة سباحه خاصه لازم صن واي لاقون فيلا
لنكاوي -- الويستن او ذا دانا او البلانجي بيتش -- وببركة سباحه خاصه ويستن فيلا او ذا داتاي فيلا
بينانق -- الراساسايانق او البارك رويال او القولدن ساندس
كوالالمبور -- قريب البرجين فندق تريدرز لازم مطله علي البرجين او في شارع العرب فندق الويستن
او الماريوت او قريب شارع العرب رويال شولان
بورت ديكسون -- قراند ليكزس كل غرفه ببركة سباحه خاصه داخل الغرفه وهي قريبه من كوالالمبور ساعه ونص

لساني يعجز عن شكركم اخواني الاعزاء
تم الاستقرار على البرنامج التالي وشراء التذاكر وحجز الفنادق له وان شاء الله ادعولنا كل شئ يتم بخير
2 في سلنجور في The Villas
بعدها طيران الى لنكاوي
3 في لنكاوي في The Denna
بعدها بالعبّارة ( راح احجز من هناك ان شاء الله ) إلى بننج
4 ليالي في بيننج في Parkroyal Penang
بعدها بالباص الى كولالمبور
4 ليالي في كولالمبور في فندق The Federal وهو في قلب شارع العرب اخترته بعد حيرة طويلة كنت محتار بين Traders وبينه لكنّي فضّلت المكان الذي في قلب السوق على الفخامة ربّما لان غرضي في كولالمبور هوَ التسوق والتسوق والتسوق
1 ليلة اخيرة في منتجع بورت ديكسون Grand Lexis

السلام عليكم
فنادقك كلها ممتازه إلا فندق كوالالمبور فيدرال فااشل
الصراحه مو فاشل بمعني الفشل بس مقارنه بفنادقك الباقيه وبتريدرز فاشل وبقوه
تبيها تكتمل كلها بنفس المستوي غير للويستن او الماريوت هم اللي بقلب شارع العرب
وهم اللي يستحقون تسكن فيهم و إن بغيت البرجين فتريدرز ولو بغيت قريب شارع العرب رويال شولان
و سيلانقور ذا فيلا التابعه للصن واي لاقون قمه و ذا دانا في لنكاوي رهيب
وفي بينانق البارك رويال ممتاز و قراند ليكزس ممتاز
بس تأكد من الإطلاله بلنكاوي وبينانق علي البحر

اخوي zazaz
الف شكر لمرورك مانستغنى عن نصائحك انا اخترت فيدرال بناء على قريب لي وقرأت التعليقات على الفندق وهيَ جيّدة وان كانت بالتأكيد لا ترتقي للماريوت او تريدرز.
هدفي الاول والاخير في كولا هو التسوق ويمكن اروح يوم جنتنق.
لهذا سأختم ماليزيا ببورت ديكسون علشان لو صارت لي ليالي سودة في فيدرال تتعوض هناك
والف شكر لك يا غالي