اللي يتشوفينه في سانيا ممكن تشوفينه في اي مكان ثاني بحكم انها جزيرة على بحر الصين .. اما جولين مميزة جدا و اللي فيها ما ينشاف الا فيها فقط
انا اقول جولين .. و اسكنو فس الشيراتون .. اوتيل توه مجدد و حلو

عزيزتي توتي اشكرك كثير على رأيك حبيت أسألك إيش أنواع الرحلات اللي تنظمها المكاتب السياحيه هناك
نسيت أوضح إن عندي أطفال 7 و 11 هل هي مناسبة لهم ..

الا قولولي إيش أنواع الرحلات اللي في جولين
يعني رحلات صعبة تسلق وسباحة
والا شي سهل ينفع لأم وعيالها *_^

والله ياقلبي انا مازرت ولا وحده منهم ..
بس جنب بيتي في مكاتب سياحيه للحجوزات وكذا ..
بسير عليهم واستفسر اذا عندهم تنظيم رحلات لجوليين او سانيا ...
ان شاء الله يفهمون علي ..خبرك الصينيين اغبياء لدرجة ماتتوقعينها

يسلموو سارونه شكلك عايشه بالصين
الله يعينك على الغربه يالغلا لو أعتقادي صحيح
تشكراتي كثير لاهتمامك وترى لا تكلفي على عمرك اخاف اشغلك ,,
بصراحه انا شايله بخاطري من اعضاء البوابه تجاوبهم كثير بطيئ اذا ما كان معدوم
عكس بوابة ماليزيا ما كانو يبطون ابد
لكن ربما مشاغل الله يعين الجميع
عموما يالغلا طولت الهذره
اذا تحصلتي على أي معلومة لا يردك الا كيبوردك
وشكراًاًاً

اختي ارجو المعذرة
جولين فيها طال عمرك رحلات على اللي ريفر LI River الى يانغشو Yangshou و هذي رحلة بالقارب جدا حلوة ولا فيها تعب على الاطفال و بتشوفين الجبال العجيبية خلال هالرحلة
و فيه طال عمرك رحلة الى حقول الارز الجبلية و هذي راح تكون شوي متعبة للاطفال بس المناظر فوق خرافيه جدا خلال هالرحلة الجبيلية بتمرون على قرية سكانها من عرقية غير الهان نسيت وش اسمهم بس عندهم عادات غريبة و تستحق المشاهدة
مثل ما قلت لك السكن في الشيراتون راح يساعدك على الراحة اكثر في البلد بحكم انه مجدد و نظيف و اغلبية طاقمه يتلكون انجليزي و بيساعدونك في ترتيب رحلاتك و غير كذا موقع على النهر مباشرة
معذرة كتبت لك هالسطرين على عجالة و اي استفسار انا حاضر