موفقه أختي الكريمة باختباراتك وربي يسهلك أمورك ...
بالنسبه للعريس (خالك) ماتنفع له ماليزيا أبد...
خمس أيام مرهقه ومتعبه ومافيها أي متعه إلا انه يقول انه راح ماليزيا !!
اسألي مجرب جلست بالطائرة 10ساعات تقريبا لجاكرتا وهي قريبه من ماليزيا يوه لازم من يومين هذي بس استراحه محارب فتخيلي انه عريس ورايح يبي ينبسط؟
مجرد وجهت نظر أختي العزيزه ولكم حريه الاختيار وخليه يفكر بتركيا أو بدوله قريبه يقدر يشم هوا ويآخذ نَفَس عرسان لكن ماليزيا أقل من 10أيام لايفكر..
تمنياتي لكم بالتوفيق والسعاده

حياك الله اختي
وبداية اسأل الله لك التيسير في اختباراتك
انا مع كلام اخوي الجوكر
5 ايام على ماليزيا مرهقه له وخصوصا انه عريس
وواضح انه كل يوم بمنطقة وهذا ارهاق
ونصيحة مني
اذا مايقدر يزيد عدد الايام لايروح
لانه يبي يستمتع
فانتي احسبيها
حوالي 8 ونص مدة الرحلة راح يوصل تعبان يعني هذا يوم راح
ويوم في العودة نفس الحكاية يعني باقي له ثلاث ايام الي راح يستمتع فيها
هذا وجهة نظري
واذا مصر انه يروح على ماليزيا
تكون فقط جميع الايام في كوالا فقط
بالتوفيق لكم
ابو عبدالرحمن

الله يعطيكم العافيه جوكر وابوعبدالرحمن
هو حجز خلاص مافيه فككه
وبالنسبه لماليزيا هو مايبيها ولايحبها من الله
بس خطيبته طالبته ماليزيا
والوصول لكوالا بس انا حطيت له الجدول من كثر ماقرأت
يعني ماهنا تغيير ابد رايح رايح الله لايعوق بشر خخ
طيب والسوات ؟ وشلون اغير بالجدول ؟؟ وش المناسب او لا
وبالنسبه للرحله هي بالليل من 9 الليل للصباح يمديه يحط راسه بالطياره
يعني ميب مشكله المده

صباح الخيرات
الف مبرووك لخالك الله يوفقه ان شاء الله والله خسارة جامدة على 5 ايام الله يعينه
لكن مو مشكلة يتمشى ويستانس ولارجع يرتاح
متى يوم وصوله والساعه كم ..؟
ومتى موعد العودة والساعه كم ..؟
تحياتي...
أختك/Haty

هلا أختي الكريمة ...
هي الفترة من ناحية قليلة ... قليلة
لكن طالما ( حاب ) يزور ماليزيا ... أنصحه يقضي الأيام الخمسة في كوالا
وأرشح له فندق ( الماريوت ) ... أو فندق ( الجراند ملينويم ) ...
وهذا الجدول اليومي
اليوم الأول في ( كوالا )
الوصول للفندق والراحة قليلآ ... ثم التوجه لحديقة البرجين الساحرة جدآ والجلوس هناك إلى المغرب
وفي المساء التوجه إلى شارع العرب والعشاء هناك
اليوم الثاني في ( كوالا )
التوجه صباحآ إلى المنارة ثم حديقة الحيوانات ( زوو نيجارا ) ... ثم العودة للفندق
وعند العصر التوجه إلى حديقة بيردانا والجلوس هناك للمساء ...
وفي المساء التوجه لشارع العرب والتسوق والعشاء هناك ...
اليوم الثالث في ( كوالا )
التوجه الساعة ( 10 صباحآ ) إلى ( جنتنغ ) والعودة ( الساعة ( 6 مساء )
عن طريق ( باصات ( قو جنتنغ )
الباصات مكتبهم في محطة ( كي أل سنترال ) بوسط كوالا ... وتحجزون من عندهم ..
وبعدها التسوق من مجمع التايم سكوير بآخر شارع العرب ...
اليوم الرابع في ( كوالا )
جولة في باص ( الهوهو ) على أشهر معالم كوالا ... في الفترتين الصباحية والمسائية
وفي المساء التوجه إلى مجمع ( التايم سكوير ) .... والعودة للفندق للراحة والنوم
اليوم الخامس ( كوالا )
الأفطا رصباحا ... وعند العاشرة التوجه لشلال ( سونغي تواه ) الذي يبعد ( 30دقيقة ) عن كوالا
وتجلسون هناك إلى العصر ... وبعدها العودة للفندق والراحة ...
وقبل المغرب التوجه لحديقة البرجين ... ورؤية النوافير الرائعة والمميزة ...وتعودن للراحة والعشاء والنوم

haty
لا ان شاء الله مهب خساره الفلوس والتعب رايحيين
وهو زي ماذكرت ماعنده اجازه الا اسبوع وعلى السنه الجايه يبي يعوضها باي مكان ان شاء الله

• -

السفر الجمعه هذي بعد كم يوم الساعه 9 الليل
الوصول السبت
يعني ماعنده الا يوم الوصول السبت الاحد والاثنين والثلاثاء
والاربعاء الصباح العوده

• -

وافي المشهور كل من سألته عن ماليزيا قال ادخلي العرب المسافرون واقري مواضيع وافي
يعطيك الف عافيه ويجزاك الجنه جهودك جباره الله لايحرمك الاجر
مايقدر يروح للنكاوي بالباخره < جايزتلي الباخره احس بيصير اكشن خخ
الجدول حلو بس ابي لو تشوف جولة الباص مايبيها
يقدر يستبدلها بمنطاد شي يونس اكثر
طيب القريه الفرنسيه وشرايك فيها
سنو لاقون تنفع ؟؟
الخيول الذهبيه يمديه يروح له يتعشى يتقهوى فيه ؟؟
مالقيت تقرير عنه
بعتمد جدولك الله يوفقك بس ابي تشوف لي لنكاوي بليز ينفع يروح لها والمنطاد والسنو لاقون
سامحوني بغثكم معي

هلا نورة
الخسارة اللي اقصدها ليست بالفلوس فهي فدا لنا واحنا اللي نجيبها لكن اقصد خسارتها مقابل المدة يعني ممكن يكون المبلغ ازود شوي لمدة أطوول وأجمل
لكن قدر الله ماشاء فعل
دام الوصول السبت والعودة الاربعاء
مررة مايمديه لنكاوي ابداً تعب وارهااق عليه
خليها كلها بكوالالمبور
فندق Traders ديلوكس مطلة عالبرجين
يوم السبت .. يكون للبرجين وحديقتهم والمركز الضخم بالبرجين والمنارة وشارع العرب بالمساء للعشاء
يوم الاحد .. يخصص زيارة لبوكيت تنجي وجنتنغ والمساء شارع العرب للعشاء باحد المطاعم والعودة مبكراً لان وراهم يوم مليء بالمغامرات لسلانغور
يوم الأثنين .. يخصص زيارة لسلانقور من الصباح جولة في بوتراجايا من 9 الى 12 ثم الصن واي لاقون من 12 الى 5 وبالمساء يروح للماينز مدينة الاضواء والبحيرة والعشاء ثم العودة للفندق
يوم الثلاثاء... يخليه لشلالات تمبلر بارك وبالمساء شارع العرب للتسوق بافليون تايم سكوير
يوم الأربعاء .. وداع الجميلة والعوده باذن الله بالسلامة
تحياتي...
أختك/Haty

ياحبني لك والله تسلمين حبيبتي
ادري ماتقصدين بس اختبارات ومواصله ومابي لا اذاكر ولانام وهقه وصايره افسر الحكي غلط السموحه
جدولك حلوو وتقل انشرح صدري يوم قريت مغامرات
الله يجزاك الجنه حبيبتي
واذا انتي بالرياض الله يحييك ترا عرسه هالخميس
يعطيك الف عافيه ماقصررتي

NURA SA3D
ألف شكر أختي ( nura ) على الإطراء والثناء ...
وماقصرت أختي ( Haty ) ... رشحت الجدول الأنسب من وجهة نظري
وعندي إضافة بخصوص ( لنكاوي ) :
بصراحة زيارة ( لنكاوي ) مُتعبة لخالك ... والوقت ضيق جدآ جدآ
أعتقد كوالا تكفي بأذن الله ... وبالتوفيق