السلام عليكم ورحمة الله وبركاته
افضل جدول ل 12 ليله هو
ليلتين سيلانقور -- 3 لنكاوي -- 3 بينانق -- اربع كوالالمبور
ونصيحه شيل الكاميرون ماعندك وقت طويل و مشوارها متعب جدا
خله لمره جايه إن شاء الله لأن مافيها مطار ومشوارها من كوالالمبور
او من بينانق 4 ساعات رايح و مثلها راجع طريق كله مرتفعات و تعرجات متعبه
ولكن لو مره تبي الكاميرون ممكن تلغي بينانق او لنكاوي ولا انصحك بذالك
و ممكن لو حبيت جدول ثاني لو ماتبي الألعاب المائيه بسيلانقور وتبي فندق ببركة سباحه
خاصه داخل الغرفه ممكن تشيل سيلانقور و تخلي مكانها بورت ديكسون بس ليله كفايه المنطقه مافيها شي
بالنسبه للفنادق
سيلانقور -- الصن واي لاقون او البيراميد
لنكاوي -- الويستن او ذا دانا او البلانجي بيتش
بينانق -- البارك رويال او القولدن ساندس
كوالالمبور -- قريب البرجين تريدرز مطله علي الحديقه والبرجين
او بشارع العرب الويستن او الماريوت او قريب من شارع العرب رويال شولان
بورت ديكسون -- قراند ليكزس
شوف اللي يناسب ميزانيتك وفيه ارخص شوي بس هذي الفنادق افضل شي لشهر العسل