ابويزوني
05-01-2022 - 09:17 am
صباح الخير
بعد قرأة كم تقرير من المنتدى اللي رائع قليل صراحه في حقو وضعت هذا الجدول الشبه نهائي فابغى مشورتكم اذا ممكن طبعا انا عارف انه ماتقصرو الله يسعدكم ان شاء الله اول شيئ مده الرحله 14 ليله و15 يوم يعني ان شاء الله الوصول 31 مارس والرجعه ان شاء 14 ابريل
بعد الوصول ان شاء الله حااروح الى سلانجور ليلتين في فندق بولمان بوتراجايا وبعدها الى لنكاوي او بينانج ايش تقولو ايت اول لنكاوي ولا بينانج المهم 4 ليالي في لنكاو ي طيبه ولا كثير وبينانج يومين طيبه ولا قليل وبالنسبه للفندق محتار بين منتجع لنكاوي لاقون ولا برجايا وفي بينانج فلامنجو وبعدها حروح الى كولا 4 ايام في فندق رويال شولان تكفي الايام ولا قليله عشان حروح الى جينتق وافوماسا (عشان العيال ينبسطو ) مسوي فيها خبير ماليزيا المهم مدري تكفي 4 ايام في كوالا ولا انقص من لنكاو ي اخليها 3 ايام لنكاوي و5 ايام كولا مشورتكم وسامحوني على الاطاله
مرحبا بويزونى
الجدول يبغا له تشطيب و بويه كمان !!!
لنترب الجدول عشان تكمل باقى الججوزات و ترتاح ( الله يعينك )
2 يوم منطقة بوتراجايا فندق بولمان ( كويس )
اول تطلع على لنكاوى وبعدين بنيانج
لنكاوى و بينانج زى ما يقول " اقسم البلد نصين " 3 ايام لنكاوى و 3 ايام بينانغ عشان محد يزعل !بالنسبة للفندق فى لنكاوى يعتمد على ميزانيتك اذا الميزانية قوية و الجيب يتحمل عليك بمنتج برجايا هو الافضل و جنبك التليفريك و الشلالات ابد تروح لها ركض! اما الميزانية بنص يعنى متوسطة تبى شورى عليك بمنتج لنكاوى لاقون كويس بس ليس هناك العاب و انشطة بحرية على شاطئه.
فى بينانج فندق فلامنجو كويس و هناك الآن العضو " العز " ساكن فيه ويعطيك الاخبار Live مباشرة من عندوا.
اربع ايام فى كوالا مناسبة فى فندق رويال شولان لكن تبى تخليها 5 ايام من حساب يوم من لنكاوى شئ طيب عشان العيال ينبسطوا لان لنكاوى ما فيها انشطة كثيرة و حدائق تفرح العيال زى كوالالمبور ممكن تروح حديقة الحيوانات او افاموسا و مرتفعات جنتق و تركبون الباص السياحى هوب اون و تروح حديقة البرجين كمان روعة و التكسى النهرى ماينز ويندر.
توكل على الله و اعمل تغيير و باذن الله ما راح تندم ( عشان العيال كلشى حقهم يستاهل )
بالتوفيق و اذا فى اسئلة حاضرين