السلام عليكم
للامانه استفدت من الموقع الكثير الكثير كما استفاد الكثير غيري
اولا يعطيكم العافيه
عدد المسافرين أنا و زوجتي و بنتي 3 سنوات
رحلتي من تاريخ 13 يوليو حتي 1 اغسطس
من الكويت الي الدوحه ساعه واحده
من الدوحه الي سنغافوره و الوصول بتاريخ 14 يوليو حتي 18 يوليو
ومن سنغافوره الساعه 11ص الي جزيرة لنكاوي من 18 حتي 21 يوليو
و من لنكاوي الي كوالالمبور وصولا الي صن واي لاجون ليله واحده 21 حتي 22 يوليو
ومنها الي مرتفعات جنتنغ ليوم واحد 22 حتي 23
الي مينا ديكسون البحري من 23 حتي 24 او 25 يوليو تحديدا فندق

• The Legend International Water Homes Port Dickson

الفنادق
سنغافوره the regent في شارع اورشدا اتوقع
النشاطات
راح نوصل صباحا
اول نشاط راح يكون جوله في المدينه بالباص حتي وقت الغداء
ومن ثم الي حديقة الحيوان
ومن ثم للعوده للسكن للاسترخاء قليلا حتي الذهاب الي night safari
والعشا ثم النوم
اليوم الثاني ، الإفطار وبعدين رحله الساعه 10 الي the birds park وفيها حسب بحثي اكثر من 3000 نوع من الطيور و أنا من عشاق الكائنات الحيه و التصوير الحرفي
وبعد هالرحله وجبة غدا ، والذهاب الي سوق الذهب والملابس والأحياء العربيه والهنديه و الصينيه
ومن ثم علا حسب الوقت اذا كان يمدي نروح المركز العلمي او لا
وبعدها رحله بالقارب
واليوم اللي بعده استراحه بالنهار وبعدين التسوق بالمجمعات المشهوره
وبعدها راح نركب المنطاد
و اذا نزلنا بنروح سوق الذهب ونركب القطار السياحي
اليوم الاخير راح يكون بحث عن اماكن جديده
تاريخ 18 يوليو حتي 21 يوليو
في لنكاوي
السكن ب لاجون سويت ( لكن ماحجزت رسمي لأني متردد ) و أتمني يكون في منتجع فيه حمام سباحه خاص
عشان تاخذ راحتها زوجتي
طبعا سعر الليله 70 دينار مايقارب 1000 ريال سعودي
حق 4 ايام 3 ليال
النشاطات
عند وصول المطار الحجز لرحله جويه بالهليكوبتر
من شركة CIG GLOBAL كتبها الاخ ماجد الفهد له ارق و اجمل التحايا
رحلة الغروب باليخت
و المانقروف
التلفريك oriental village
جزيره الاسد المحميه ( رحله بحريه )
والشلالات
لكن ومع الاسف الشديد مو مسوي جدول لهذه الجزيره و ياليت احد يضبط جدولي لهذه الجزيره
علما بان الوصول سيكون صباحا
والحجز للفندق او المنتجع ما اكدت عليه
ومن بعدها في تاريخ 21 يوليو حتي 22 في صن واي لاجون
ومن 22 الي 23 في مينا ديكسون في فندق ذ ليجيند و هذا عشان الاخ بو اصيل تم الحجز فيه و احتمال أحجز ليلتين
ومن 23 الي 24 في جبل جنتنغ الفندق مو اللي شكله ايسكريم لا الثاني اللي فيه اكبر صالة قمار يكافينه الشر
ومن 24 الي 1 اغسطس في العاصمه كوالا لمبور فندق نوفوتيل
ساكتب بالعمله الكويتيه
والدينار الكويتي يساوي 13 ريال سعودي

• =ضرب

سنغافوره 5 نجوم the regent 69kd يعني 65*4=260 دينار
لنكاوي لاجون سويت 70*3=210دينار
صن واي لاجون 69*1=69دينار
جنتينغ 45 دينار
بورت ديكسون مازال بالانتظار اتوقع 777 رنجت ماليزي مثل ماهو واضح في موقعهم الرسمي
كوالالمبور نوفوتيل 33*7=260 دينار ممكن ينقص يوم او يومين
كوالالمبور راح يكون جدولي يوم رحله و يوم تسوق
ياليت تعطوني رحلات تكون للاطفال او عائليه ممتعه
طبعا التذاكر مكلفه نوعا ما و كسرت ظهري والله
لان كنت بروح اوروبا والتخطيط لأوروبا من فبراير
لكن حصلت ظروف و الخطه خسرت لول
التذاكر
للبالغين 270*2 = 540دينار كويت سنغافوره والعوده كوالالمبور كويت من غير الطيران الداخلي
الطفل 228 دينار
الطيران الداخلي 160 بالغين و 135 طفل
سنغافوره لنكاوي و لنكاوي كوالالمبور
الاجمالي تذاكر و سكن 2200دينار كويتي الله يعوضنا يارب قولوا امين
وقابل للزياده او النقص بشكل بسيط
وطبعا سوف يتم شحن الأغراض عن طريق شركه و ذلك لعدم عوار الراس و المسائلات القانونيه
و عندي اسما الشركات والشكر للأخ ماجد الفهد مشرف القسم علا مواضيعه المميزه المختاره
و طبعا safety first even if u r in swizland
و اليكم الخطه والرحله
وعليكم الاعتماد والزياده او النقص
وشكرا للجميع علي جهودكم الكبيره الملحوظه