السلام عليكم ورحمة الله وبركاته ...
حابه تسااعدووني في جدولي المبدئي ... عشان ابدأ احجزز
طبعا هذي ثاني سفره لي لماليزيا . الاولى كانت لشهر العسل وكلفت زوجي 45 الف خلال اسبوعين ..
الحين ابيها لمدة اسبوع وممكن نزود المده إذا قدرت معاكم اضبط الفنادق والصرفيه بسعر حلو
مبدئيا عشان التذاكر .. ع الخطوط الامارتية ع تاريخ سفرنا في مارس ان شاء الله بتكلفنا 5600
التذاكر الداخليه تقريبا 300 من كوالا لمبور الى بيننق ..
سفرتنا راح نقتصرها على كوالا وبيننغ
نبي الفله والوناسه في بينناغ ...
مدة سفرنا بالضبط 8 ايام .. هذي المبدئيه عشان الصرفيه ... مع ايام السفر ..
اليوم الاول راح يضيع بالسفرر .. بنوصل بنهاية اليوم بالليل ... الى كوالا لمبوور
واخترت فندق Dorsett Regency kuala Lumpur
او
Swiss-Garden Residences Kuala Lumpur
او
Furama Bukit Bintang, Kuala Lumpur
طبعا رشحولي اثنين .. واحد اول مانووصل والثاني واحنا راجعين من بننق الى كوالا
اختياري له عشان سعره منفخض وقريت للاعضاء هنا يمدحوونه ..
ابغى اكثر واحد فيهم نظيف وقريب من الخدماات والموولات ...
راح نبقى في كوالا يوم واحد واليوم الثاني راح نرووح على بيننانغ الي هي اساس السفر لماليزيا ...
اخترت كذا فندق ... بناء على ماقراته من الاعضاء وبناء على سعره ...
وابيكم تقولو ارائكم وايش افضضلهم .. من ناحية النظاافه وقربه من الخدمات .. واهم ششي كمان يكون ع الشاطي يعني ننزل نلاقي الالعاب المائيه الجيت سكي والبارشوت وكذا ..
PARKROYAL Penang Resort
او
The Bayview Beach Resort
هل فيه امكانية مسبح خاص ؟؟ يعني العائله تقدر تاخذه ؟؟
او
Flamingo Hotel by the Beach, Penang
واذا فيه اقتراحات زيااده ومجربه .. ياليت ...
راح نبقى خمس ايام في بينانغ سادس يوم نروح كوالا .. ثاني يوم ع السعووديه ...
زوجي معطيني ميزانية 16 الف واحتياط 4 الاف زياده ...
6تشمل التذاكر والفنادق ... المصاريف 5 الاف التذاكره 5600 والفنادق الى الان مو واضحه الرؤوية
بالنسبة لي ماني حقت قشقشة من الاسوااق ههه فعادي احس 5 تكفينا بالراحه ؟؟
يمدينا نمدد السفره اكثر بهذي الميزانية ؟؟؟؟
اتمنى تساعدوني هذي اول سفره انا اتصررف بميزانيتها ...