AlGhamdi1987
26-11-2022 - 11:08 pm
السلام عليكم
كيف حالكم جميعا ..؟؟
انا رايح ماليزيا ان شاء الله في ابريل الجاي يعني بعد شهر وشوي تقريبا
وتفاصيل الرحله على النحو التالي
الاقلاع من جده إلى الرياض الساعه 7 مساء والوصول إلى الرياض الساعه 9 مساء يوم الخميس 12 ابريل
الساعه 12 فجر الجمعه الاقلاع إلى كوالامبور من الرياض ومدة الرحله 7 ساعات..وما ادري الساعه كم بنكون هناك على توقيت ماليزيا .؟؟
من يوم 13 إلى 15 بأكون في سيلانقور فندق الخيول الذهبيه غرفة مزدوجه مطله على البحيره بدون افطارب 561 رنقت
من يوم 15 إلى 17 بأكون في لينكاوي فندق ميتيارا او موتيارا غرفة سوبيريور مطله
على البحر وشامله الافطار ب 536 رنقت
من يوم 17 إلى 20 بأكون في بينيق فندق الهوليدي ان في برج فيرنقي
غرفة مزدوجة مطله على البحر بدون افطار ب 864 رنقت
من يوم 20 إلى 24 بأكون في كوالامبور فندق لستانا غرفه ديلوكس مزدوجه بدون افطار
ب 1005 رنقت
المطلوب رقم واحد هو :
ارائكم على الفنادق..لا احد يعطيني بدائل..يعني ابي ارائكم على نفس هالفنادق وبكل صراحه حتى لو فيه سلبيات ماعندي مشكله على الاقل لو عرفتها احاول اقدر اتجنبها او ما اتفاجأ لو شفتها
ارائكم في اسعارها..غاليه ولا رخيص ولا عادي ؟؟
المطلوب رقم اثنين :
تكفون ابي في كل مدينه ياليت تعطوني الجداول اليوميه
وين اروح ووين اجي؟؟
شفت اماكن سياحيه كثيره بس محتار بينها
يعني الي عنده خبره كبيره
ابي ينصحني وين اروح وياليت يذكرلي بالتفصيل
يعني مثلا سيلانقور..
اليوم الاول روح المكان الفلاني ويقولي كم ساعه يحتاج ويستحق اني اجلس فيه
وياليت تكون الاماكن السياحيه واحلى مول في كل منطقه من المناطق الي بأروح لها مرتبه على التوالي بالاقرب
يعني المكان الاول في الشمال والثاني بالشرق والثالث بالجنوب
عشان لا اروح الاول في الشمال والثاني في الجنوب والثالث في الشمال مره ثانيه ويضيع الوقت وتروح الفلوس على التكاسي..
يعني رتبولي برامج يوميه بالتفصيل عشان لا يضيع وقتي وادوخ على الفاضي..
تكاليف سفرتي من رحلات خارجيه وداخليه وفنادق 11 يوم مابين 8800 و 8900 ريال
رأيكم؟؟
اي معلومه اي كلمه راح تفيدني كثير..يعطيكم العافيه...