نشر في النمسا

تورطت مع السفارة وانا حاجز لشهر العسل

السيل 1000

29-10-2022 - 11:10 pm

السلام عليكم ورحمة الله وبركاته
انا مبتعث في امريكا وزواجي بيكون 28 اغسطس باذن الله
واللي بيحل مشكلتي معزوم على الزواج
انا حجزت طيران وفنادق في النمسا
وبما اني مبتعث فما راح اجي للرياض الا في منتصف جولاي ( بداية رمضان )
والمشكلة اني ما حصلت مواعيد في السفارة النمساوية
اقرب موعد حصلته في 13 اغسطس
يعني قبل زواجي باسبوعين
وحصلت لزوجتي موعد بعدي بثلاث ايام ( لاني ما حصلت موعد لنا كلنا قريب)
فأبي رايكم !
وش السوات !
هل انتظر الموعد !
او اقدم على سفارات ثانية
لان الموضوع اقلقني مره
ولانه شهر عسل
ما ابي اغامر في اي شي
فعطوني حلولكم الله يعطيكم العافية
ويزوجكم

التعليقات (9)

فارس الجبيل

30-10-2022 - 02:49 am

السلام عليكم اولا الله يوفقك بدراستك وبزواجك وجعله الف مبروك وبالرفاه والبنين ان شاء الله
بما انك مالقيت موعد لك في اليوم اللي انت تبيه
تروح في موعد زوجتك وتدفع خدمة vip دخول سريع لك لحالك باي وقت تبي وتقدم اوراقك
ويمكن اذا شافوا موعد زوجتك يتعاطفون معاك ويدخلونك وياها وتقدمون مع بعض
هذا والله يوفقك

السيل 1000

30-10-2022 - 03:50 am

الله يرضى عليك يا فارس وعقبالك كانك ما تزوجت
بس احس موعدي متأخر مره
يعني قبل زواجي باسبوعين بس !!
ما ودي اقعد على اعصابي !
تو كلمت مكتب في الرياض يقولي نطلع لك الشنغن من السفارة التيشكية في 10 ايام ؟
وش رايك ؟

tab_el

30-10-2022 - 04:51 am

مواعيد ال vip اقرب شي ب 13 اغسطس ؟

انسان ولهان

30-10-2022 - 05:52 am

اخي اولاً اذا انت مقدم على سفارة النمسا بالرياض فموعد واحد يكفي لحضور الجميع لان هناك علامة عدد المسافرين بعدها يعطيك خيار التاريخوعلى العموم اغلب مواعيد النمسا ضيقه جداً
لذا عليك حجز موعد في مكتب تاشيرات المانيا بالرياض خيار جيد
الاهم لابد من توفير تعريف بالراتب لذا عليك التوجه لجهة الاختصاص بعملك او الملحيقة لاصدار هذا التعريف
او استخرجها من سفارة ايطاليا , فهم لايطلبون تعريف العمل
والسلام عليكم
ابومعن

رعبــوب

30-10-2022 - 06:53 am

ماقصرت يا بو معن واي استفسار يا اخي حاضرين

Rashed.7

30-10-2022 - 07:55 am

الخبراء يفيدونكم وزواج مبارك

السيل 1000

30-10-2022 - 08:56 am

مواعيد ال vip اقرب شي ب 13 اغسطس ؟
لا العادي
ما ادري كيف احجز ال vip !
وبكم اسعارها !
او استخرجها من سفارة ايطاليا , فهم لايطلبون تعريف العمل
الله يعطيك العافية يا ابو معن
لكن هل هذي الطريقة مضمونه ؟
اخاف يقلقوني في مطار النمسا بالأسئلة !
لاني ماراح اروح لايطاليا !
لان فيه مكتب قالي باخلص لك الايطالية ب 900 ريال للفيزا !

رعبــوب

30-10-2022 - 09:57 am

دامها من دول الشنغن ماعليك امورك طيبة

iaziz_s

30-10-2022 - 10:58 am

السلام عليكم ورحمة الله وبركاته
على البركه والله يوفقكم ويجمع بينكم على خير ..
تقريبا انا وياك في الهوا سوا
انا قدمت عن طريق مكتب واستخرجو لي فيزا من السفاره الايطاليه
وانا منيب رايح لها ولاهي في التخطيط
وعلى كلام الناس اللي راحت نفس حالتنا محد كلمهم في المطار ولا تعرضو لاي مواقف لان النمسا مايعقدون مثل المانيا
يعني اذا تبي رايي خلك ع المضمون واضمن فيزتك تطلع قبل موعد السفر بفتره عشان ترتاح نفسيا ولا تشيل هم
مر على موضوعي ان شاء الله يفيدك
بالتوفيق ..

النمسا المسافرون العرب

تورطت مع السفارة وانا حاجز لشهر العسل