أخي الكريم
في الحقيقه أنه من الواجب أخذ الطفل معك وذلك بسبب الرضاعه الطبيعيه
لانك لو تركت الطفل فما ذنبه يفقد حليب امه اللذي يمنحه المناعه
الشيء الثاني أنا معاك ان الأطفال مزعجين في الرحله
لذلك أنت صاحب القرار والخيار لك
صراحه انا سافرت قبل أسبوعين لماليزيا وكان معي طفلي عمره 6 اشهر وبيني وبينك طلع عيونا من الازعاج والبكاء واضف الي ذلك التنقلات والمشي في المنتزهات تحت الشمس
ولكن قلنا نصبر على ضلم الطفل لنا في سبيل رضاعته الطبيعيه
تقبل تحياتي

اشكرك اخي العزيز
انا عندي خيارين لا ثالث لها وهما الغاء الرحلة او اخذه معنا .. بس انا خايف عليه من الأمراض

الله يعينكم
فعلا شي محير
انا اشوف انه لسى صغير ومتعب في الرحله وغير كذا يمكن يتعب من تغيير الجو وزي ماقلت الامراض
لو تؤجلون الرحله الين ما يكبر شويتين وتاخذونه
الله يسهلكم

يرو
ويعين الجميع ان شاء الله
ناهيك عن السب والشتم والدعاوي اللي تنزل عليه من البعض اذا ظل يبكي ههه

وانا معك ياخوي بفكره الخوف من الامراض .. وخصوصا انه توه طفل رضيع وراح يتعب كثير مع تقلبات الجو
اذا احنى كبار تعبنا مع تغير الجو فكير بطفل ...
انا عن رأيي اقولك دامه صغير ... روح واتكل على الله وخل الطفل بأيادي امينه عند اهلك او اهل المدام
دام توه صغير ولا يفهم ...
ثانيا انت ماراح تروح العمر كله ... كلها ايام تغيير جو ... وراجع ... وبهالايام يقدر الطفل يستغني عن الرضاعه الطبيعيه برضاعه صناعيه ... احسن من توديه معاك ويتعب ويمرض عليكم .. وبدال ما تستانسون تتنكدوون طول الرحله ...
ثالثا ... اذا سافرت مع الطفل ماراح ترتاح خصوصا ان ماليزيا تنقلات واجواء وماراح تقدر تاخذ راحتك وبتحاتي الطفل اكثر من نفسك .... فخلها رحله راحه واستجمام دام البيبي صغير ...
ولك حريه القراار ... وعسى ربي ييسر لكم الخير .. ويوفقكم ..
ورحله سعيده

توكل على الله وخذه معاك
الباسل

والله اخوي الغالي الاخوان ماقصروا
وانا من واقع تجربة اشوف انك تخليه يوسع صدر الاهل كم يوم وروح انتا والمدام وانبسطوا
بصراحة ماليزيا محتاجة للمشي والتحرك كثيرا....وهذا راح يتعب الصغير ويتعبكم ايضا...وممكن تغير الجو يسبب بعض المشاكل الصحية للصغار والله اعلم.............والله يوفقكم اخوي

انتبه تسافر بدون ابنك فعناء السفر مع الطفل اخف من هم السفر بدونه .
عموماً انا سبق سافرت ماليزيا وكان ولدي عمره 9 شهور وما ندمت ابداً بالعكس كانت سفرة ممتعة .

الافضل انك تاخذة معك ليش؟
اولا علشان الرضاعة . ثانيا لان والدتة اعتقد مراح تصبر عنة من تجربة بعض الاصدقاء
ثالثا انت في حياتك اطفال الحين او في المستقبل مو معقولة تتركهم وتسافر او تجلس طول حياتك في المنزل معهم منحبس . رابعا مين الي يقول الطفل مايعرف امة وهو صغير ياعزيزي الطفل يتعرف على رئحة وصوت امة ويشعر بالطمانينة ويهدئ.
واذا تتقبل كمان مني نصيحة لاتكون السفرية كانك تطرد نفسك تبي تروح كل مكان لو تروح نصف الاماكن الي تبيها برواقة
وتسعد نفسك وزوجتك وراعي الطفل واحتياجاتة وحتى لو بكى شوي هذي طريقة الطفل يعلمك محتاج شئ او متضايق
وماعليك من الناس انا ماقول روح ازعحهم ولكن ايضا رضاء الناس غاية لاتدرك
ولاتنسى اهم شئ تستشير طبيب الاطفال
عذرا عى الاطالة وارجو ان تتقبل بصدر رحب