hani201136
13-06-2022 - 10:12 am
السلام عليكم شخباركم اخواني واخواتي يشهد الله اني استفيد منكم ولكن اتخاذ القرار يصعب علي
المهم عندي بعض الاستفسارات
بنسافر باذن الله تعالي ومتوكلين عليه الي ماليزيا انا واختي وخالتي طبعا راح نكون بغرف مستقله حتي ياخذون راحتهم اختي وخالتي يعني انا بغرفه وهم بغرفه
مع العلم بانني للحين ماحجزت التذاكر ولا اليوم لان في لخبطه بالموضوع اختي بدبي وخالتي بالبحرين وانا بالسعوديه ههه دول الخليج ماننا عارفين من وين ننطلق دبي ولا البحرين بس موب مشكلة ذى الموضوع
الاستفسارات الي اخواني واخواتي الافاضل
ميزانيتي بدون تذاكر سفر تقريبا حول 10000 الاف ريال
ابي رحله اقتصاديه ههه لان ماتهمني الفنادق الفخمه او المنتجعات لان معروف اغلب وقتنا خارج الفندق او المنتجع يعني بس فترة النوم
هل هذه الميزانيه تكفي لمدة عشر ايام تقريبا او 8 ايام
1 هل احجز من هنا عن طريق شركات السفر والسياحه ولا ماليزيا ارخص هناك المكاتب
2 طبعا من الصعب اروح كل المدن الحلوة ابتدي من وين وانتهي وين
برنامجي المصغر كوالا يوم فترة الوصول وبعدين الذهاب الي بينانج 3 ليالي
وبعدين ارجع لكوالا 4 ليالي مع العلم بانني فترة تواجدي بكوالا راح اروح جنتغ وسلانجور يعني من الصبح لين المساء
وين المناطق الي يكون فيها كل شىء بكوالا او بيياننج
طبعا لااحد يجي يقولون ادخل بوكنج او اي شىء اخووك ميح بالانجليزي والفيزا ماعرف شكلها ههه يعني بس كاش الي معنا والله يعين ههه ان ماطارت
اهم شىء تصحوني باي فنادق تكوون زينه للعوائل الخليجيه بكوالا او بييانج
والاستفسارات الثاينه بعد ى
اتمني اني ماطفشتكم استحملوني ياشين السفر لاكان معاك حريم ههه
أنت انشغلت بتفاصيل الرحلة ونسيت أهم شيء وهو الحجز هل عندك حجز مؤكد؟
أول دبر لك حجز وبعدين فكر في الباقي الأن الرحلات كلها فل إلا إذا تبي تسافر في رمضان ممكن تلاقي
دبر لك حجز بعدين تعال نخطط لك أحلى برنامج
وبالنسبة للميزانية الفنادق زي ماقلت تحتاجون غرفتين في كل فندق فبالتالي أعمل حسابك على
0ريال للسكن ويبغالك مصروف يومي أكل وشرب وتكاسي وترفيه بحدود 3500 ريال و 1500 ريال طيران داخلي