من ناحيه الطفل ما عندك مشاكل اغلب اللي شفتهم عرسان او معهم مواليد ...
زور سيلانجور يومين يوم الاول هو يوم الوصول من المطار واليوم الثاني هو يوم الصن واي ... وروح للنكاوي 3 ايام فيها متعه غير طبيعيه ... وبينانج بصراحه مارحت لها بس مثلا نقول 3 ايام والكاميرون يومين وكوالالمبور 3 ايام صارت 14 يوم هذا الحد الاعلى احس لماليزيا
تقدر تروح لايبوه من بينانق
وبالنسبه للسفر خلاص انت اجزم وين بتسافر واحجز الطيران الداخلي ظروري عشان تحصل اسعار مناسبه لكم

الف الف مبارك لك هذا الزواج ياعريس.ربي يوفقك في دنياك واخراك.
واسعد شي قريته انك تركت المكاتب وبتجهز رحلتك بنفسك لان كل ريال توفره انت واهلك احق به.الموضوع كله سهل وبسيط واحنا معك في اي شي يحيرك او يصعب عليك. امر تدلل وابشر.
مالك الا من نسق لك احلى جدول لاحلى سفرية. طبعا مدتك حلوه وتوقيتك احلى وبيني وبينك قريب جدا من مدتي وتوقيتي.
عند ياطويل العمر 15 ليلة كم رايت من تواريخك.وتقسيمها كالتالي:
2سلانقور>>الانتقال من سلانقور الى لنكاوي بطيران داخلي.
3لنكاوي>>الانتقال من لنكاوي الى بينانغ بطيران داخلي.
3بينانغ>> الانتقال من بينانغ الى كاميرون باص او تاكسي واقترح تاكسي لاجل الرضيع.
3كاميرون>> الانتقال من كاميرون الى كوالا باص اوتاكسي والتاكسي اسرع واغلى.
و4كوالا.
جدول محترم يصلح يتبروز ويتعلق فى احد المتاحف.
كل ماعليك ان تسويه الان ان تنهي حجوزاتك كلها في اسرع وقت لان رحيلك قريب.ياليت توضح لنا وضعك المادي وميزانيتك؟
الطيران الداخلي عندك شركة ايراسيا او ماليندو او فايرفلاي او الخطوط الماليزيه شوف اللي ارخص اونسب واحجزه.
طبعا تحجزهم عبر النت خلال هاليومين وكلما بدرت لحقت اسعار ازين.الباصات والتكاسي كلها تنسقها من هناك.
الفنادق خلها الين تنتهي من الحجوزات ولازم تقولنا تبي فخم او اقتصادي؟
يبقى الفنادق والمزارات وهذا شي سهل بعد ردك نبدا فيها ياعريس..

توزيع أخي kazami ممتاز و 100 %
بس حط في بالك طريق الكاميرون متعب شوي نه طلعات ومرتفعات .. وبالتكسي 4 ساعات تقريبا .