وعليكم السلام ورحمة الله وبركاته
هلا وغلا أختي
في البدايه ياليت تهدين والأمور ان شاءالله بسيطه ولاأتحاتين ..
بالنسبه للغه هل هي على حسابج !!
إذا على حسابج حاولي أتزورين مركز قطر للأستشارات الي ورا محطة الوعب لانه عندهم مراكز ومعاهد وجامعات معترف فيها في بريطانيا ..والمركز راح ايرتب لج كل شي وحتى العائله راح أيرتبونها لج ..
أما إذا كانت الدراسه على حساب الشغل فعندج معهد بيل ألي في كامبردج ..معهد قوي وله سمعه ولكن عيبه أنه غالي ..
أما مسألة الحجاب فلاأتحاتين ..وأمشي بنقابج عادي والدعوه بسيطه
وأي خدمه أحنا تحت أمرج ..

هلا بك
الامور هادية ان شاء الله اذا الله كاتب اني اروح لهناك
بالنسبه للغه هل هي على حسابج !
لا بعثة من شركة
وسكن العايلة لا والف لا سكن خاص يمكن افضلهذا اذا رحت باذن الله
وسوالي المهم: ياخوي عن بيل ألي في كامبردج ... كامبردج جامعه ولا منطقه؟؟؟ واذا هي جامعه زين بعد
اذا فيها التخصص اللي ابيه
لاهنت يالقطري والله يطمن قلبك مثل ماطمنتنا
وربي يكثر من امثالك يارب

اللة يوفقك .. أشجعك حيل على الدراسة ببريطانيا خصوصا" اللغة
بس مداخلة بسيطة: ليش ترفضين سكن العايلة؟ مع انك ممكن تستفيدين أكثر من ناحية تحسين اللغة بالممارسة

هجير الأمس
اللة يوفقك
وياك والمسلمين اجمع
بس مداخلة بسيطة: ليش ترفضين سكن العايلة؟ مع انك ممكن تستفيدين أكثر من ناحية تحسين اللغة بالممارسة
ماظنها فكرة جيدة لاني ان شاء الله راح اسكن مع خالي هو وعايلته ....
ولاهنت ع الرد واناسوالي مرة ثانية عن الجامعه اذا حد عنده فكرة

هلا بأختي ام كادي 999
في بداية الأمر انا بصراحة ما أعرف كيف أجاوبك
لانه انتِ تقولي بأنك راح تسكني مع خالك طيب كيف أعطيك معهد او جامعة وانا ما أعرف وين ساكن خالك لانه أخائف أرشح لك مكان يكون بعيد عن خالك وبعدين
راح أجاوب على أستفساراتك السطحية وبعد ما تردين علي راح أعطيكِ كل ما تريديه
وابي مساعدتكم في احسن معهد للغة الانجليزية يكون بالاسابيع افضل بدل سنة او سنتين
أختي المعاهد البريطانية تتعامل بالأسابيع ولو يقال سنة أكاديمية يقصدون هنا انها تسعة شهور
وابغى معهد معترف فيه ميه بالميه لاني جاددة ابغى اكون في الانقليش برفكت ع قولتهم
اصلاً لو ما كان المعهد معتمد ما راح يعطونك فيزة دراسة
والجامعه بعد وكم سنة للتخصص يعني 3 او 4 او اكثر وتكون معروفة حيل
أغلب التخصصات دراستها ثلاث سنوات
امان اهم شي خبركم عقب سالفة القطري ولد الماجد وانا بعد متحجبة (ويصير البس نقاب او لثام هناك او لا )
لا تخافين من شي البلد أمان والحافظ الله سبحانه وتعالى مدامك ملتزمة بأمور دينك
على فكرة كامبرديج هي مدينة انجليزية بها أقوى جامعات العالم ويوجد بها لا يقل عن 12 معهد معتمد ولكن انا ما أنصحكِ عليها ومعهد بيل سكول لم يعد كما كان في السابق وهذا الكلام منذ عام 2005
لا تقلقي حتى لو كانت سفرتك الاولى فسوف نعطيكِ كل ما تريديه عن المنطقة اللى راح تدرسين فيها
مع خالص احترامي

ملبورن
انا للحين ماني عارفة وين راح يدرس بالضبط الماستر اوكي هو ماحدد لي الجامعه او المنطقة
وانا اللي ابسويه الحين بارتب اموري واشوف المعاهد والجامعات اللي هناك واللي عندكم فكره عنها او اللي جربوتها طيب
والله يكتب اللي فيه خير
ولاهنت وجزاك ربي خيرا
وبصراحة ماقصروتوا عطوتنا ردكم في اقرب وقت ربي يسر اموركم ان شاء الله
واتمنى لمنتداكم التقدم والنجاح

ام كادي 999
هلا أختي ام كادي ..
سامحيني على التأخير في الرد ..
بالنسبه لكامبريدج هي مدينه ومعهد بيل من أقوى المعاهد في بريطانيا ..
ومعهد بيل توه فاتح فرع عند سوق العلي الي عند دوار الجوازات ..ومكانه بالضبط تخيلي انج جايه من الدوار المايل ( من جهة الريان ) راح ايكون على أيدج اليمين قبل دوار سوق العلي ..تقدرين اترتبين من خلال هالفرع ..
بالنسبه لمعهد قطر للإستشارات ..قبل حوالي شهرين مريت عليهم عشان الماستر وكلمت مديرة المعهد وأسمها أم فهد وأكدت عليها بسالفة الأعتراف من الوزاره وقالت لي ان الجامعات الي عندها معترف فيها من الوزاره ..ومعروف ان الوزاره عندنا تعترف بالجامعات الحكوميه فقط
بالنسبه للدراسه إذا الله يسرها لج ووفقج لها ..نصيحتي حاولي اتروحين المناطق الشماليه ..
والشور لج طال عمرج ..
وأي خدمه احنا تحت أمركم

ام كادي 999
اختي وضحت الصوره رغم أني مازلت متخوف أرشح لكِ شي يكون بعيد عنه عاد راح تكونين مجبورة على التغيير
المهم ما عندك مشكلة في بداية الأمر انا أشوف انك تدرسي في معهد لمدة اربعة اشهر في مدينة فيها عرب بس المعهد ما يكون فيه عرب ولو كان عدد ما يذكر لأنك بنت وتحتاجين العرب في المدينة اللى راح تدرسين فيها بعد كذا تنتقلين لمعهد الجامعة اللى راح تدرسين فيها علشان تتسهل عملية القبول
لو وافقتي على ما طرحت راح أعطيكِ ما اراه مناسب لكِ
على فكرة هل تخصص الجامعة راح يكون نفس التخصص اللى تدرسين الان والا في تغيير
المهم نحن هنا وبخدمتك
مع خالص احترامي

القطري
مسموح ...لاتأخرت ولا شي..
معهد بيل توه ..ايه سمعت عنه بس ..ماعرف عنه شي
اما مركز قطر لاستشارات ...ان شاء الله بجيهم عقب العيد
اما بخصوص الشمال .........ماادري على ماعتقد ان خالي راح يكمل بالمناطق الجنوبية
لاهنت يالقطري وجزاك ربي خيرا
ملبورن
فكرتك رائعة بس راح اطرحها ع الاهل ..
اكيد نفس التخصص يالطيب
لاهنت والله ماقصرت
لاهنتوا جميعا والله كلفت عليكم كثيرا