نشر في بريطانيا

تكفون نخيتكم بعد الله وشلون اكلم السعودية با ارخص الاسعار

عاشقة لندن

13-08-2022 - 02:15 am

وشلونكم اخواني الغالين ...
ياليت تفيدوني...انا معي شريحة بريطانيه من شركة Vodafone ولا اعرف وشلون اشحنها او استخدمها ولا اعرف وين الله حاطني ... ابي اشحنها واكلم السعودية وابي ارخص الطرق ... ياليت احد يفيدني بالموضوع جزاكم الله خير

التعليقات (9)

تاكسي

13-08-2022 - 05:40 am

بالنسبة للمكالمات الدولية وخاصة السعودية .. انصحك ب Nomi
انا شريتها قبل يومين .. واستخدمها دولي ..
طبعا فيه نوعين .. وحدة ب 2 باوند والرصيد اللي فيها صفر .. يعني لازم تشحنينها ..
النوع الثاني ب 6 باوند وفيها رصيد ب6 باوند يعني أحلا من الاولى ..
بس انتبهي لما تشترينها وانصحك تجربينها بالمحل .. لاني انا اخذتها وشغلتها بالفندق وصار رصيدها صفر ..
ورديت اليوم الثاني للمحل .. وصاحبه مصري وعوضني بشحن ب5 باوند ..!! باوند راح علي خسارة

عاشقة لندن

13-08-2022 - 06:41 am

اخوي تاكسي جزاك الله خير ... بس انا عندي شريحة فودافون ... وهذي البطاقة اللي تقول عنها تشحن جوال عادي .. يعني مثل بطاقات سوا عندنا بالسعودية ...وكم دقيقة تكفي اللي ب 5 باوند ..
وجزاك الله خير مره ثانيه

2Hard2Get

13-08-2022 - 07:42 am

عاشقة لندن
السلام عليكم و رحمه الله و بركاته ...
شفتي مطعم حلال الي في الاجور رود .. اول مطعم و انتي ياييه من الاكسفورد ... في جنبه محل صرافه .. و اعتقد الي يشتغل فيه واحد سوداني ... انا اذكر كنت اخذ من عنده بطاقه اب 5 باوند و تعطيني 150 دقيقه للامارات... بس و الله اني ناسي اسم البطاقه ... انتي شوفي هذه المحل و خبرينا شو صار وياج

القطري

13-08-2022 - 08:43 am

السلام عليكم ورحمة الله وبركاته
ياهلا وغلا بأهل لندن
شوفي هالموضوعين راح ايفيدونج واجد
كان نفسي أللخص لج الموضوعين ولكن الدوام قاسي علينا أخر يوم في الأسبوع ومش معطينا مجال للتلخيص
https://artravelers.com/p/re/109332
أكرر أعتذاري

الجـــــوووري

13-08-2022 - 09:44 am

شوفي حبيبتي
تروحين لاي مكان جوالات وتقولين لهم ابغى بطاقه اسمها i phone
هي بخمسه باوند وكتوب عليها
لون البطاقه زرقا ومرسوم فيها كره ارضيه
خذيها واشحني وكلمي
بس اذا تبغين دقايق اكثر كلمي فيها من الثابت
انا اكلم فيها من تلفون الشقه للسعوديه تقريبا 115 دقيقه
وبس

بكادلى

13-08-2022 - 10:45 am

السلام عليكم اشلونج اختى العزيزه عاشقة لندن شخباركم اشاءالله بخير يارب اول شء انصحج من لا تستعملين كرت Vodafone بالاتصال الدولى تدرين ليش غالي واجد انا كنت اشترى كرت خاص بالاتصال الدولى تاخذينا 5باوند فى تقريبا 300 دقيقه بالذروه اما طريقة الشريحه تشحنينها سهله واجد الحين اوضح لج الطريقه #1345#* الطريقه هذى تعرفين كم باقى فى الكرت المبلغ بعدين الطريقه الثانيه اهى الحين الطريقه الثانيه اشلون تشحنينها البطاقهSND #الرقم بالورقه*1345#* الطريقه الثالثه اظهار الرقم #100#* وان شاء الله وصلت المعلومه لج وجميع الاعضاء المنتدى

موادع1

13-08-2022 - 11:46 am

ارخص بطاقة نومي و ليبارا
سعر نومي في الدقيقة 13 بي الى دول الخليج
وسعر ليبارا في النهار 15 بي د وفليل 10 بي د
وانا استعمل ليبارا وممكن تشهن من اي محل لانة مكينة الشحن عندهم تشحن كل الشريكات مع تري جي

عاشقة لندن

13-08-2022 - 12:47 pm

Abu_Dhabi
جزاك الله الف الف خير ... واليوم بروح واخبركم بأذن الله

عاشقة لندن

13-08-2022 - 01:48 pm

القطري
القطري .. القطري .. القطري .. القطري ...
راعي الفزعات دوم وش اقولك غير ... ربي يخليك ويحفظك لاهلك وعيالك ... وجزاك الله كل خير .. راعي خير دايم

بريطانيا المسافرون العرب

تكفون نخيتكم بعد الله وشلون اكلم السعودية با ارخص الاسعار