افضل شركة سياحية
هي شركة التعاون ببلاش
شركة تطمع في الدعاء
شركة اعضائها يتسابقون لمساعدة الاعضاء
وهي ( منتدى العرب المسافرون )
جميع الاعضاء يخدمونك
بس انت حدد ويش تبي بالضبط وكم الفترة وكم الميزانية
وماهي رغبتك اكثر سياحة
تسوق - العاب - طبيعة ضعها بالنسبة
وابشر بسعدك يالغالي
كل الامور مرتبه وانت بنفسك تحجز بطرق تم وضعها
من قبل الاعضاء لمساعدة الاخرين
خطوة بخطوة لحجز احلى رحلة وبالتسديد احلى هجمة ( الخطوط السعودية ) https://artravelers.com
اخوك مزمز

وعليكم السلام ورحمة الله وبركاته .. أهلاً بك أخي الغالي .. دامك وصلت منتدانا الغالي أبشر بسعدك لايهمك إنها أول سفره ولاتفكر تحجز عن طريق المكاتب السياحيه .. الشباب هنا ماراح يقصرون معك إن شاء الله .. حدد تاريخ الوصول وتاريخ المغادره والميزانيه التقريبيه وابشر بالخير (:

الله يجزاكم خير وأشكركم على التفاعل الرائع منكم ومنتداكم الأروع
الرحلة بتكون ل3 أشخاص وطفل ورضيع
التاريخ المتوقع بإذن الله الإقلاع في 5 مايو 2013 والعودة في 16 مايو
ممكن أحجز ع الخطوط الإماراتية
ولكن ما أدري بالنسبة للفنادق الممتازة عن طريق مكتب أو شركة
وكم الميزانية المقترحة
مع العلم أخوكم ما معه بطاقة فيزا
لا خلا ولا عدم منكم
وإني لكم من الشاكرين

هلا وغلا اخي الغالي
اولا : نحن بخدمتك يالغالي
واهم شيء يالغالي تكون معاك بطاقة فيزا امر ضروري جدا
وانت بنفسك تستخدمها وسهله واذا كنت خائف منها استخرج فيزا مسبوقة الدفع ضع المبلغ الي تحتاجة فقط
عدد الليالي عندك 11 ليله
وصولا 5 مايو
والمغادرة 16 مايو
تقسيم الايام بشكل مبسط وسهل عليك
تقسيم الايام مع افضل الفنادق
2 سلانقور : فندق صن وي بيرميد
3 لنكاوي : فندق ويستن لنكاوي - بلانجي بيتش - لنكاوي لاقون- فندق الفوربوينت شيراتون
2 بينانج : فندق قولدن ساندس- هوليدي ان - بارك رويال
4 كوالا : فندق رويال شولان - بارك رويال - تايم سكوير
واذا من النوع ما تحب التنقلات بكثرة ممكن نلغي بينانج
تقسيم الايام مع افضل الفنادق
2 سلانقور : فندق صن وي بيرميد
4 لنكاوي : فندق ويستن لنكاوي - بلانجي بيتش - لنكاوي لاقون- فندق الفوربوينت شيراتون
5 كوالا : فندق رويال شولان - بارك رويال - تايم سكوير
لكن افضل لك الجدول الأول
3 اشخاص + طفل كم عمره !! + رضيع
مع اني لا انصح بصطحاب الاطفال ------>> متعبين بالسفر
الميزانية المقترحة يالغالي
طبعا بهامش المبدئي اخي الغالي قد تنقص او تزيد بحجزك المبكر وبعروض
المصروفات اليومية 600 * 11 ليله = 6600 ريال وتزيد
الفنادق 6500 - 7500 ريال تزيد بحسب نوعية الفندق وتصنيفه ونوعية الغرفه وعدد الاشخاص
الطيران الداخلي 1700-2000 ريال للجميع
طيران من كوالالمبور الى لنكاوي
طيران من لنكاوي الى بينانج
طيران من بينانج الى كوالالمبور
لانه دائما احجز لشخصين تقريبا الاسعار 300-350 ريال
يبقى عندك فقط الطيران الاماراتي
جهز فيزتك + طيرانك الخارجي
والباقي كله بسيط باذن الله
تحياتي لك

ماقصر أخوي الغالي mazmaz_0 كفى ووفى .. لكن نقطه مهمه الفيزا لابد منها وأقترح عليك فيزا الراجحي مسبقة الدفع ممتازه ..

الله يسعد ك
حبيبي الشركات السياحيه شغلهم نصب في نصب
نصيحتي اخوي اعتمد علا هذا المنتدا الجميل برجاله
وراح يفيدوك بكل صغيره وكبيره وان شاالله راح تستمتع برحلتك
حتا وانت في بلاد السحر والجمال ممكن تستفسر علا اي شي يخطر في بالك وكل الي في المنتدا ماراح يقصرو معاك
وعن الشركات السياحيه شغلهم الشي الي بالف يخلونه بالفين فنصيحه اعتمد علا هذا المنتدا
انا سافرت مرتين الاول كان في واحد من زملاي في الجامعة هو الي دلني
والثانيه اعتمة علا المنتدا الغالي والجميل علا قلبي وشكرا واسف علا الاطاله

ما قصرتم يا شباب
واللي ماهو موظف يطلعون له فيزا
شكل الشغلة مطولة

ما عندي خلفيه عنها يا غالي .. لعلك تسأل موظفي البنك أو يجيبك أحد من الشباب .. بإمكانك إستخدام فيزة أحد الأقارب .. بالتوفيق ...

هلا وغلا بالغالي
ياحبيبي تقدر تطلع بطاقة مسبوقة الدفع وهي التسوق رسومها 100 ريال
وتشحنها امر عادي جدا يالغالي
بس حاول انك تخرج الارقام والحروف محفورة افضلك
لكن عادي تقدر تستخدم فيزا اي شخص تكون معاك