عليكم السلام ورحمة الله
ألف مبروك يالغالي وعسى الله يرزقك الذرية الصالحة يا رب
أول شئ اقولك ,اتمنى أن تسمع النصيحة .. شيل سالفة السواق اللي تبيه معاك الله يرحم والديك لا تغث نفسك .. خذ لك سيارة واستمتع
انصحك بألمانيا والنمسا واذا تحب تتسوق تنفع لك ايطاليا . يعني ممكن الرحلة تكون ايطاليا والنمسا يعني تنزل ميلانو وتطلع منها للنمسا أو العكس ممكن تكون ميونخ ونزولا للنمسا والى ايطاليا
عطنا مواعيدك وان شاء الله نساعدك

الف مبروك
والله يوفقكم يارب
انصحك بي المانيا ( ميونخ 2)
النمساء توزعها بين ( فيينا 3 - زيلامسي 5 )
سويسرا ( انترلاكن 4)
باريس(4 ايام )
حطيت لك باريس في المخطط عشان تغير من طبيعه لصخب المدينه وحضارتها
واخترت لك المانيا ميونخ يومين عشان من هناك تستاجر سياره ايجارها رخيص
وسيبك من سالفة السواق والكلام هذا
انت فشهر عسل واستمتع بسواقه بنفسك من غير سواق
وايجار السياره راح يكون غالي تقريبا يوصل 2000 ريال في اليوم
عكس لما تستاجر سياره ممكن المده كلها ماتكلفك الا 2700 او 3000
الله يوفقك ورحله سعيده يارب

ع فكره لا تعتمد ع مكتب ابدا
انت احجز من النت ارخص اوفر
لانهم راح يدفعوك الضعف
اقراء هنا في المنتدى
والمشرفين والاعضاء راح يساعدوك
بكل شي
وابعد عن المكاتب وراح تكون احلى رحله باذن الله

الله يجزاكم خير كل من رد أو لم يرد وحرم الله وجيهكم على النار وشكر خاص للاخ خالد وللاخت جنون انثى والله يبارك فيكم وشكرا على الدعوه الطيبه ..بعد الاستشاراة راح تكون السفرة 15ليلة 16يوم النمساء ألمانيا سويسرا السفر راح يكون 2012/6/9 .. 1433/7/9 .. المشكلة اني أخاف من استخدام السياره هناك واللغه شبه معدومه فهل استخدام السياره سهل والنفيقيشن ايضا هل استخدامه سهل وهل يستطيع أحد يعمل لي بكج كامل للرحلة واللي يبيه انا حاضر فيه وايضا ماأفضل الفنادق هناك وعذرا على الازعاج أحس اني آثقلت عليكم بس أخوكم ماعنده خبره

يالغالي ابدا ما في خوف من السواقة بأوروبا بل استمتاع .. الخوف عندنا مع هالناس الطايشة بالشوارع .. سوق بأوروبا وشوف الناس شلون تحترم نفسها قبل لا تحترم غيرها بالشارع ..

طيب لوتكرمتوا وش افضل المواقع السياحيه هناك اللي تصلح للعرسان وجدول الرحلة راح يكون بمشيئة الله فيينا ليلتين
و سالزبوبرغ ثلاث ليال وزيلامسي خمسة ليال وميونخ ثلاث ليال وانترلاكن اربع ليال كيف ارتبها يعني ابدا من اي مدينه
واستئجار السياره هل سهل استخدام النفيقيشن وماهي افضل الفنادق في هاذه المدن تكفون فزعتكم الله يوفقكم

مساء الخير
ومبروك مقدما
اولا قبل الخوض بالتفصيل شيل انترلاكن من المخطط زيلامسي تكفي وزياده
وكما ذكرو الاخوان ان السياره بالارياف متعه كبيره جدا بمعنى انت ما راح تستدخمها بفينا او ميونخ
المهم ايضا ان تجعل مخططك كالاتي وهو جامع لكل شيئ وكافي جدا وزياده
فينا سالزبورخ زيلامسي ميونخ سواء بسياره او بدونها لان هذا المخطط مترابط ومتوفره الوسائل العامه سواء بين المدن او بداخلها
تحياتي