abu noof
19-08-2022 - 04:43 am
الصراحه كنت ناوي السفر لماليزيا نهايه شهر نوفمبر ولكن لاسف طرات بعض الظروف اللي منعتني من السفر اليها....ولكن للأسف ما لقيت غير القاهره قدامي ....السفر من جده ان شاء الله...في 30 نوفمبر لمدة 10 ايام.....لو سمحتو عطوني اسم فندق راقي ويكون قريب من كل الا سواق واهم شي يكون نظيف و مافيه خرا بيط لأني مسافر انا والمدام وابني عمره سنتين و 3 شهور.....وابغى اعرف وشلون الجو راح يكون في ذا الوقت...برد و الا لا...ولو سمحتو اسماء اسواق و اماكن ترفيه بريئه ومطاعم راقيه .....ورجاء اخير لوسمحتو كم يكفيني فلوس معايا....واسف علي الا طاله....
حياك اخوي ابو نوف ويتربا يارب في عزك وامه آآآآآمين ....
اول شيء زين انك اخترت هذا الوقت لان في الغالب ماراح تشوف خليجيين ولا سياح كثارين ... دثاني حاجه بالنسبة لي اشوف لو تاخذ فندق ( هلتون رمسيس) خمس نجوم وحلو وفي نفس الوقت ماراح تتعب مع ام نوف لانه فيه من الجهة الخلفيه للفندق مركز تسوق وسلسلة مطاعم وسينما يعني انت نايم وام العيال ماتقومك ولاحاجه تاخذ الولد ويالله للسوق .. والفندق بصراحه عاجبني وخصوصا بعد مافرشوا جديد وغيروا الغرف ..
واما بالنسبة للجو فالاحوط انك تكثر من الشتوي لانه بيكون برد في الغالب ..
بالنسبة للاسواق والمطاعم في القاهرة عندك 1000 مطعم و2000 مكان ترفيهي .... ( يعني عد وغلط) وانا راح اريحك واقولك روح ( لمنتدى مصر ) ام الدنيا وادخل على الرابط حق المطاعم والاماكن ( لكن عندك من ابرز الشوارع هناك شارع جامعة الدول العربية كل شي فيه محلات ومطاعم وكفي وعندك شارع الاهرام فيه حديقة الحيوان وبعض الحدائق الحلوه وفي اخره الاهرامات ) ونصيحتي لك انك تاخذ القطار الاسباني وتروح للاسكندرية على الاقل يومين تشم البحر الابيض المتوسط وتقارنها بالقاهرة وزحمتها ...
اما بخصوص الميزانيه فبعتاقدي وطبعا انا ماعرف كيف صرفيتكم وش تحبون وش ماتحبون ...
اذا قلنا تاخذون غرفة ( مفرد ) احسن عندي من ( مزدوج) ب 100 دولار الليلة ( تقريبا لانه مو موسم واعتقد يكون بأقل ) والتنقلات انصحكم تتعاقدون مع واحد من التكاسي الحبوبين اليوم لايزيد عن 150 جنية ونقول مصروف الوجبات اليومي من 100 الى 150 جنية طبعا على حسب المطعم راقي مو راقي ( وجبات سريعه يعني) وبالنسبة لاماكن الترفيه اللي تتطلب تذاكر فهذي مارح تكلف حاجة من 10 الى 20 جنية للشخص مثل المتاحف واما الملاهي الترفيهية فهي ب35 الى 45 جنية تقريبا ...
واما عن التسوق فالميزانيه مفتوحه من 100 دولار الى 1000000 دولار (ههه) عاد فرح ام العيال خليها تشيل اللي في راسها من قمصان وشرايط وحركات ...
وانا كمان لاتنساني ابي واحد ثوب صعيدي ازرق وعمامه بيضاء طولها 10 متر .. وفول من الحسين ...
واحنا في خدمتك يابو نوف وتروح وترجع بالسلامه ...