بصراحة اخوي الشعيبي
كلامك 100% صحيح
وماشاء الله عليك سبّاق دائما للخير
طيب وكيف الواحد يوصل للمحتاجين بماليزيا..؟؟؟

بارك الله فيك يا الشعيبي وماهو غريب عليك انك تكون سباق للخير.
ولكن يبقى نفس سوال ابو احمد
أبو أحمد

ماشاء الله عليك يالشعيبي والله يوفقك بالدنياوالاخرة
ترانا نغفل عن بعض الأمور في اغلب سفرياتنا
معاك في الفكرة 100% واتمنى من الشباب الصدقة
مثل ماتحسب الأمور الأخرى من القطة
ووالله انها لفرصة لو ان المجموعة المسافرة
تقاطو لمسلم لأداء حجة او عمرة ونراها مبلغ زهيد
مقارنة بصرف اغلبنا
تحياتي وتقديري للشعيبي والزملاء المشاركين

أخي و استاذي و قرة عين المنتدى ..
لأنو بصراحة بس نشوف اسمك و نقرأ مشاركاتك تقر أعيننا ..
أخي جزاك الله خيرا على كل ما ذكرته ..
و نسأل الله أن يكتب لك حسنة على كل حرف تكتبه في المنتدى ..
و أن يضاعف لك الحسنة أضعافا كثيرة ..
في الحقيقة انا أريد أن أضيف نقطة صغيرة ..
و هي الاكراميات التي يدفعها السواح لبعض العاملين ..
إذا أحب أحد أن يعطي اكرامية لعامل ما فليحرص على أن يعطيها للمسلم ...
و الحرص بصفة عامة على التعامل و الشراء من المسلمين ...
أريد ان أسألك سؤال لو سمحت ..
السواح العرب غالبا يقصدون المدن السياحية المعروفة
كوالا - بينانج - لنكاوي - كاميرون ..
هل توجد في هذه المدن مكاتب تقبل فيها الصدقات ..
إذا عندك فكرة عنها ياريت تذكرها و ياريت تكون في
شوارع رئيسية تكون سهلة علينا ..
و الله يجازيك خير الجزاء في الدنيا و الآخرة ..
أختك .. العربية ..

(((((600 الف سائح لو كل واحد تبرع ب10 ريال اجل 6 مليون ريال))))

وأنا أقول
((( 60 منتدى سياحه لو كل واحد فيه مثلك كان صار المبلغ 360.000.000)))
يالشعيبي... أتعبت من بعدك،
آآآه لو أبو الطيب لحق عليك... كان توهق ما يلقى أبيات توفيك حقك:
رأيتك في الذين أرى ملوكاً ،،،، كأنك مستقيم في محال
فإن تفق الأنام وأنت منهم ،،،، فإن المسك بعض دم الغزال
وما أذكر الأحباب ترى الشيطان في دروب الخير أكبر قاطع،
ولا تنسوا حديث المصطفى صلى الله عليه وسلم: ( ما نقص مال من صدقه)
وقوله عليه الصلاة والسلام : ( من همّ بحسنة ولم يعملها كتبت له حسنة..) الحديث
والله يالشعيبي إن أكرمني ربي وتزوجت وجاني ولد راح أدخله المدرسه بمشيئة الله ..
الله يرفع قدرك في الدنيا والآخرة و والديك وأحبابك.. آميين

الله يجزاك خير من خطر على باله كذا
شعار هالصيف وكل صيف (الشعيبي غير )
وصراحة فكرة وفيها عدة فوائد
1- ننفع أفراد مسلمين محتاجين ( بس انتبهوا يا شباب مهب تسمعون تبرعات على طول تتبرعون تأكدوا من الجهة اللي تجمعها لا يصيرون هندوس ولا صينيين تراهم يستغلون هالفرص باسم الدين ولاننسى ابوهريرة البوذي ( من المنتدى )
2- نستفيد من هالاجازة دين ودنيا
3* نعكس صورة حسنة عن شباب هالبلد والمسلمين عامة
4- وهذي صورة من التكافل والتعاون ولا تنسوا الحديث النبوي ( مثل المسلمين في توادهم وتراحمهم وتعاطفهم كمثل الجسد الواحد .....) إلى آخر الحديث
والسلام

1. السلام عليكم ورحمة الله وبركاتة ..


2. أخي و أستاذي الشعيبي .. جزاك الله عنا ألف خير ..


3. وفقك الله إلى ما يحب ويرضى وجزاك الله خيراً ..

السلام عليكم ورحمة الله وبركاتة ..

أخي و أستاذي الشعيبي .. جزاك الله عنا ألف خير ..

تجزل النصح لنا .. وتذكرنا كل ماغفلنا .. بذكر الله عز وجل وطاعة .. وتنصحنا لعمل الخير .. إضافة إلى جهودك ومساعدتك لجميع إخوانك في المنتدى واللذي أجزم أن كل من دخل بوابة ماليزيا قد إستفاد من نصائحك وتوجيهاتك في كل زاوية من هذه البوابة ..

وفقك الله إلى ما يحب ويرضى وجزاك الله خيراً ..

بالنسبه للتبرعات ومساعدة إخواننا في تلك البلاد .. فا والله إنه دين علينا تجاه مولانا عز وجل .. فالله عز وجل قد جاد علينا من فضله .. فمن واجبنا أن نجود به لإخواننا المحتاجين في كل قطر من أقطار هذا العالم .. فهم إخواننا في الدين وتجب علينا مساعدتهم ..
فأنا معك أخي في حث الجميع على التبرع لأخوانهم المسلمين في تلك البلاد .. كلٌ على قدر إستطاعته ..
وأذكر هنا قصه حدثت لي في إندونيسيا كنت وقتها في الجبل مع الأهل وكان عندنا ولد إندونيسي ما يتجاوز عمره 15 سنه كان يساعدنا في أمورنا ونرسله للأسواق يجيبلنا الأغراض اللي نحتاجها .. ومره جلست معه وسألته عن الفلوس اللي يجمعها وين يوديها قالي نصها أصرفها على أهلي والباقي أحفظه في علبة في غرفتي .. قلتله ليش وش بتسوي فيها هالفلوس .. قال أجمعها عشان لا كبرت أبي أروح لمكة للحج .. سبحان الله .. والله إني تأثرت بكلامه وحمدت الله عز وجل على النعمه اللي حنا عايشين فيها وما حنا حاسين فيها .. وبعدين إكتشفت إن معظم الأولاد هناك واللي كانوا يجون معه أحيانا .. يعملون نفس الشي .. ما شاء الله عليهم ..
الله يعز الأسلام والمسلمين .. ويوفقنا إلى عمل الخير ..
جزاك الله كل خير أخي العزيز الشعيبي ..
تحياتي للجميع ..

السلام عليكم ...
الحمدلله الذي بنعمته تتم الصالحات .
الله يجزاكم خير على الردود اللي تثلج الصدر .
اخوي ابو احمد , اخوي semsem_g
اخوي raykenz , خالتي العربية
اخوي الجمال , اخوي ggkat ,
اخوي ابو ميسم ...بيض الله وجوهكم وما قصرتم .
قريت ردودكم فوق 10 مرات لاجل انبسط واتأكد انه اهل
الخير مازالوا موجودين ...الله يكرمكم دنيا واخرة ويطرح
البركة فيكم وفي اهاليكم ...وتصدقوا كل مالي ااخر الرد
لاني ماني عارف وش ارد الله يجزاكم خير .
وبرضه اشكر كل من ارسل رسالة خاصة لاجل يسأل
عن اماكن التبرعات ...جزاكم الله خير وربي يكثر من امثالكم .
اللي خلاني اكتب الموضوع اني شفت ناس تقول ودنا فنادق
7 نجوم واخر كريم يقول بغيت مرسيدس فقلت في نفسي
ماشاء الله تبارك الله ...اجل لا ننسى الخير ولو بريال .
ارضى بالقليل فأن الحرمان اقل منه .
ما اقول اني طيب واتبرع ...لا والله ...ذنوب ما يعلم بها الا ربي
وانا على بابه ارجو ان يغفر لي ويسامحني .
نجي للاستفسارات ....
اخوي ابو احمد واخوي سمسم عيوني والله .
انا كتبت الموضوع وقصدي اي واحد تشوفه تتبرع له
وخاصة مسلم مثل ما ابدعت خالتي العربية ...وتراهم
كثر وخاصة بأسواقهم الشعبية ...اما ان كنتم بغيتم
تتبرعون لعائلة مسكينة او تكفلون يتيم فأخوكم كلم اليوم
صديقي واخي العزيز بماليزيا وخبرته باللي قلتوه
وخبرني انه مستعد انه يوديكم لبيوت الفقراء والمساكين
بنفسه وبسيارته لاجل نتقاسم الاجر ...وسألته عن العاصمة
وخبرني انه اغلب الجمعيات بالعاصمة تحت رعاية الحكومة
وتراهم مخلطين مسلمين على غيره ...وخبرني انه افقر العوائل
بسلانجور تجدهم بكوالا سلانجور ...معروفة هذه المنطقة عندنا
بالحشرات المضيئة وما ندرى انه جنبهم قلوب مسلمة حزينة .
وخبرني انه اكثر الناس فقراً بماليزيا كلها ستجدوهم بكلنتان
وترنجانو ...سألته طيب كيف جماعتنا لو بغوا يوصلون لهم ؟
قال انه يوصي لكم اصدقائه بتلك المناطق ويوصلوكم للفقراء
والمساكين ...ولا تصدقون اي احد وحتى لو انا ..ومن اكون انا
خل فلوسك في يدك وخل الشباب اللي اثق فيهم واعرفهم وعيال
ناس ويوصلونك لبيت الفقراء وانت واهلك بنفسك عطهم وفرح
الغلابة وخبرني وش شعورك وربي اختارك لاجل تفرح قلب مسلم .
دائماً اتفكر ...لو كنت كولومبي او هندي تاميلي غير مسلم وغلبان
كيف كان حالي ...اجل ترانا في نعمة والله كبيرة .
اما قصة كفالة اليتيم ...اتكلم عن نفسي وان شاء الله ما يكون
رياء او سمعة ...لكن تحميس وتشجيع للكرام امثالكم .
تعرفوني صايع ...المهم واحد من خوياني وبرضه صايع مثلي
عرض علي هذه الفكرة ...وقلنا بسم الله .
المهم انا سألت وتحريت ووصلت لبيت فيها حرمة كبيرة
وبنتها في حدود الاربعينات وطفلة صغيرة في حدود 5 سنين
تقول قمر ...الله يحفظها ويستر عليها وعندها خال على خدها
وكانت الصغيرة لابسة طرحة ومحترمة وامها وجدتها كانوا
يشتغلون في بيع (الكويه) الحلوى بالسوق الشعبي .
المهم ماكان نيتي كفالة البنت وانما تبرع للعائلة وكانوا
كرام واصحاب كرامة ولا يسألون الناس ...لكن صديقي
اللي دلني عليهم وهو عرفهم عن طريق زميلته اللي
كانت تدرس معاه بالجامعة وكانوا جيران بالمنطقة والناس
عارفين ضعف حالتهم ...المهم بالقوة قدرت الاقي الموافقة
من امها وكانت فرحانة ...وذيك صارت مثل بنتي وشهرياً
0ريال لها ...كل 3 شهور ارسل لهم 600 ريال .
وان جاك عيد او مناسبة زيدها شوي ...خل الناس تفرح
ووالله الاقي عوضها في ساعتها ...ودحين البنت صارت سنة
ثانية ودائماً اكلمهم وان رحت ماليزيا ازورهم واجيب لهم هدايا
وتزهمني عمي ...وتتمشى معايا وامها ما تخاف مني عليها
وانبسط ...200 ريال شهرياً وش تساوي عندنا ...
لكن عندهم تسوي كثير وخاصة القرى ..لا تنظر لجمال البلاد
والعاصمة وتقول انهم اغنياء ..كله ديون ...وسألت مرة ماليزي
وكنا قدام البتروناس ..ما تفتخر انه عندكم هالعمار وبلدكم متطورة؟
قال : ليه افتخر ...هذه ماسوها لنا وانما للسياح ..ويكفي
اني مااقدر استفيد منها .
ونجي للحج والعمرة ...اخوكم عضو مجموعة تنفيذية وكل
اسرار الحج واللي يصير تحت الطاولات تراها عندي ..الحج
يكلف للفرد 10000 ريال ...طبعاً ان كان مع التابونغ حجِ .
وان كان بكيج او ما يسمونه افراد او vip فتراه يكلف
0...اما العمرة فيكلف من 3000 ريال وانت طالع
حسب الفنادق ...اللي عنده خير لا ينسى اخوانه مع انهم
في هذه ما يرضون ...ويقولون الله امرنا ان كنا مستطيعين
وما ودنا احد يتصدق علينا ...كلامهم صحيح لكن ان بغينا
نوصلها في الف طريقة وطريقة .
اللي وده الخير تراه سهل بأذن الله ...ووالله درست هناك
فترة واسمع خبر انه بنت مسلمة من دمنا ولحمنا ومن اهل
الطرح ...كله الا اهل الطرح ...تبيع جسمها لاجل ريالات .
قلت لنفسي واصحابي اخص علينا ولا كأننا رمم ..بنت مثل هذه
تفوتنا ..وكان معنا في الجلسة ولد داتين ومسكته وقلت له وين كنت .
وفي اندونيسيا ...حنا ما نفزع لخواتنا ونقول لهم ابشروا بالخير
وجاتكم سفن الحرمين والخليج ترد لكم خيركم الاول..لا والله
ما سواها الا قليل..والباقي يقولون تعالي يا خية ان كنت محتاجة
اعطيني حاجتي وخذي حاجتك لا ردك ربي .
وعندكم بالمساجد صناديق يجمعون فيها تبرعات ..هذه كمان
طيبة ..وخاصة المساجد القروية لانه المساجد الكبيرة
مدعومة من الحكومة ...والمساجد القروية يقوموها اهلها
وخاصة في بعض القرى اللي يدعمون الحزب الاسلامي
(pas) وزعيمها الاستاذ نيك عزيز ...الوزير الاعلى
لولاية كلنتان ...واعوا له بالشفاء والعافية لانه اليوم
وصل من كلنتان لمستشفى العاصمة عسى ربي يقومه بالسلامة .
للمعلومية اي قرية او مدينة او مسجد او منشئة تدعم
هالحزب ترى ما تشوف من الحكومة الا كل شر ..لانه يعتبر
الحزب المعارض للحكومة الديمقرطية ...فتلاقي مساجدهم
ما يعلم بها الا ربي .
الي ناوي على الخيريخبرنا وان شاء الله ادله على الاخوان
وهم بدورهم يوصلوكم لهذه البيوت وربي ما يضيع اجركم .
او تمر على اي مسجد بسيط وتصلي فيه وتحط مبلغك عند الامام
او الصندوق اللي عند الباب ...وياليتها في يد الامام لانه منها
مثل ما قالوا الاخوان نزيد اواصر المحبة والخير بيننا كمسلمين
وخاصة انه صورتنا شبه مشوهة عندهم في هذه الفترة .
موفقين جميعاً بأذن الله تعالى وجزاكم الله خير ...
وغرقتوني بأطرائاتكم وبيوت الشعر الجميلة وتجاربكم الحكيمة
وما اقول الا الله يجزاكم خير وعسى الله يديم المحبة والخير .
واسف على الاطالة والسلام عليكم

بسم الله الرحمن الرحيم
اخوي الشعيبي انا ما اتوقع اني راح اعبر لك عن الي بقلبي اكثر من الي عبره الاخوان في المنتدي
وجزاك الله خير على كل ما تقوم به من تذكير ونصح للاخوان بالمنتدى
وان شاء الله تلاقي كل الي تسويه هنا بالاخره ان شاء الله
واسئل الله ان يجمعنا وجميع الاخوه الي تفاعلوا بالموضوع وجميع الاخوه المسلمين في الفردوس الاعلى من الجنه
وجزاك الله خير