السلام عليكم
يالله حي الجميع وكل عام وانتم بخير ولو اني متأخر حبتين بس مافيه مشكلة
تراني يالله يالله قدرت أوصل لكم في ذا وان شاء الله ني ألقى الي ابيه!
أنا طالب ماستر بجامعة تناقا ولي تقريبا أسبوع واصل ماليزيا وساكن بفندق مخيس وبمنطقة مخيسة وكل الي فيها يجيبون الهم
ومشكلتي اني ما اديرها ماغير أدربي ذا الراس!
فإذا ماعليكم كلافة ابغى منكم ثلاث حاجات الله لايهينكم
الحاجة الاولى:
ابغى سكن زي الناس يكفي لشخصين ويكون بمنطقة حلوة موب زي الي انا جالس فيها حاليا كلها جراذي وغربان وتسلابة
لاني اول مرة اجي ماليزيا ولا ادري عن شي فيها فياليت الي يعرف سكن نظيف وبمنطقة حلوة ويكون سعره معقول يعني من 600 إلى 1200 رينقت في الشهر
وحبذا لو يكون فيها مسبح او جيم ويكون مأثث
طبعا انا بجامعة تناقا فالسكن أبغاه حول الجامعة!
ملاحظة:الي عنده اي معلومة عن السكن لايبخل بها حتى لو كانت تختلف عن متطلباتي
نجي هالحين للحاجة الثانية:
النت وما ادركما النت!
مدري وش طريقتهم بالنت سمعت انه ماتقدر تشترك الا بنت محدود يعني التحميل بيكون 4 قيقا أو 5 قيقا وإذا خلصتها يقطع عليك
فياليت الي عند خبره منا ولا منا مايبخل علينا
انا ودي بانتر نت من زي السعودية أحمل على راحتي وابغاه سريع