مساكم الله بالخير جميعاً انا اخوكم ابسافر لماليزيا ان شاء الله بعد فترة قريبه ان شاء الله وطامع في مساعدتكم وهي ابي اعرف طريقة الفلوس هناك هل اخذ معي شيكات سياحيه ولا اصرف دولارات واخذها معي انا ووجهي ابي تكفون مساعدتكم ابي اعرف كل شي هل الفنادق هناك يقبلون الشيكات لو اباخذ معي شيكات سياحيه ولا وش السالفه ابي احد يفيدني عن هالنقطه مع العلم اني دافع فلوس الفنادق والرحله كامله عن طريق مكتب سياحي بس ابغاء والمقصد هو مصروفي انا هناك واخاف اخذه دولارات ويسرق كله واجلس ادربي خشتي هناك انا وزوجتي وبنتي فا ارجوكم افيدوني يا اخواني واخواتي الي راح قريب ؟
المشكله ربعي الي رايحين من مدة ست سنوات كلهم شيبان وابي احد رايح قريب علشان يفيدني احسن وافضل وربعي كل واحد يقولي راي والله شكلي ابهون من اراهم السوداء تدرون ليش واحد يقول لا تاخذ شيكات والثاني يقول لا تاخذ دولارات والثالث يقول خذ شيكات ودولارات يعني مثل سوق الاسهم ما ينعرف لهم راي والله اني شكلي ارقل منهم هم ومشورتهم لكن انا ادور احد رايح قريب علشان يعطيني معلومات ادق واهم شي هل الفندق يقبل الشيكات السياحيه ولا لزم اتبهذل واروح للبنك هناك واصرف من عندهم .
تكفون لاتبخلون علي والله محتاج مساعدتكم ؟
اول مرة يروح لسفرة بعيده ابعد شي راح له جدة ومكه لا المشكله يقولون دولار وريجنت ام يبي يفهم