1. شامله التذاكر والمصاريف مع


2. وجود مبلغ إحتياطي 5000؟

خوان بابلوايمار
المشرفين الأعزاء
أعضاء منتدى العرب المسافرون
المحترمين
هذا أول شرف ومشاركه لي معكم
في 3 أسئله أتمنى أحد يجاوبني عليها
1/هل ماليزيا بلد آمن لدرجة أن الواحد يقدر يآخذ
أهله وهو متطمن؟ البلد آمن بإذن الله ولايخلو اي بلد من بعض الحوادث التي قد تكون فردية
2/كم التكلفه الفعليه لماليزيا لمدة 10 أو 14 يوم
من الباب للباب؟ هذا السؤال جواب غير متوفر لأنك ماذكرت كم شخص في الرحلة وأعمارهم وأنت فاتح المدة بين 10 و 14 وهذي تفرق في الحساب ولاذكرت يا أخي الكريم من أي دولة ومدينة بتروح لماليزيا
3/هل مبلغ 10000 ريال كافي لرحله إقتصاديه

شامله التذاكر والمصاريف مع

وجود مبلغ إحتياطي 5000؟

نفس الكلام اللي فوق عشان نعطيك تكلفة تقريبية لازم نعرف وضعك كيف بالتفصيل مثلاً لو أنتم شخصين مثلاً بالغين وبتطلعون ماليزيا من الرياض في الشهر هذا بتكون التكلفة غير لو انكم طالعين من جدة مثلاً أو طالعين في شهر يناير مثلاً
وعلى هالحال
أنت حدد التفاصيل وابشر بالأجوبة الزينة:0oz5j:
وهذا طلب من المشرفين الأعزاء
أبي أسافر أنا وأهلي بناءا على الأجوبه
وأتمنى تحطون لي برنامج مع رصد التكاليف
ويكون البرنامج إقتصادي بالنسبه للسكن
حتى لو كانت المده 10 أيام لأن المبلغ الموجود
0ريال وأنا ما أبي أحسب ال5000 ريال
لأني راح أحطهن إحتياط وماراح أحسبهن بالسفره
إلا إذا إحتجتهن.............
شاكرا لكم ماتبذلونه في خدمة أخوانكم المسلمين
أخوكم / محمد
عليكم السلام ورحمة الله
الاجابات تجدها باللون الأخضر

Mr.Malaya
الله يوفقك دنيا وآآآآخره ويرزقك بكل اللي تتمناه
بالنسبه للتوضيح
أنا وزوجتي بالغين
ومعانا ولدي عمره سنه وشهر والثاني ماراح آآآآخذه عمره شهر يتعبنا
وأنا من حفر الباطن راح أطلع عن طريق الدمام أو الرياض اللي تشور علي فيه
والمده 10 أيام كم ؟ ولو في إمكانيه 14 يوم كم ؟
طبعا بنفس المبلغ بالموضوع الرئيسي
والله يجزاك خير في دنياك وآآآآخرتك
أخوك / محمد العنزي

ايه كذا الواحد يعرف يفصفص لك الأسعار بس ترا فيه نقص في المعلومات ماذكرت لنا متى بتروح ان شاء الله وكيف تبغى الفنادق يعني فخمة وسط وإلا ماشي حالك
شوف وأنا أخوك التكلفة اللي ابذكرها لك تقريبية طبعاً وهي تختلف من شخص لآخر
أولاً : التذاكر الدولية نقول مجموعها 6000 ريال بافتراض انها سياحية
ثانياً: التذاكر الداخلية !!! المشكلة أنك ماذكرت وين بتروح هناك لنكاوي وإلا بينانغ وإلا وين بالضبط حدد المناطق أفضل
ثالثاً : المصروفات العادية (اكل-شرب-تاكسي-ألعاب...الخ) إذا 10 أيام بتكلفك في حدود 3000-4000 ريال
رابعاً : الفنادق إذا أنت تبي شيء وسط بتكلفك في حدود 4000 ريال
المجموع : 14000 ريال تنقص أو تزيد من شخص لآخر حسب صرفيته هناك
وهنا ماحسبنا أنك تشتري هدايا مثلاً أو أي صرفيات ثانية
أخوي حدد متى بتروح ووش تبي من نوعية غرف وفنادق
يعني فصل أكثر
واستعجل شوي قبل أنام

Mr.Malaya
أخوي حدد متى بتروح ووش تبي من نوعية غرف وفنادق
يعني فصل أكثر
واستعجل شوي قبل أنام
ههه
شكلي سهرتك سامحني ياخوي
بالنسبه للتذاكر مافيه أرخص من كذا يعني عن طريق مكاتب سياحيه
بالنسبه للمناطق
سالانجور بيتنغ بينانغ كوالا ما أقدر أضيف كاميرون راح تزيد التكلفه أكيد
بالنسبه للفنادق
فنادق 3 نجوم مو مشكله أهم شي يعني قريبه للبحر أو مطله لو من بعيد
بس تكون آآآآآآآآمنه هالشي عندي أهم شي وإذا في فنادق تشور علي فيها
أكتبها بشكل مايتعبك
( إذا خويك عسل لا تلحسه كله ) شكلي طماع سامحني
يا أخوي بستغل تواجدك وماحنا شارين أغراض إلا إذا حسينا إننا وفرنا money
والسفر إن شاء الله لو الله أراد في شهر 11 أو 12 معليش متردد بكل شي
والله إنك إنسان شريف بكل ماتحمله الكلمه من معنى
وهالكلام مو مجامله إنت سهران عشان واحد ماتعرفه وتبي تخدمه
مشكور يالغالي
والله يزيدك بالخير
أخوك

هلا براعي الحفر بصراحة ماني مصدق السعر لكن هاك هالسعر للخطوط الجوية السيرلانكية من الدمام إلى كولا لمبور
ب 3830 ريال ((( شامل لك ولعائلتك ))
Flight Total : SAR 3830.00
ولا تفكر إنك راح تلقى أقل من هالسعر ...
وإذا أنت معزم أنصحك تكون رحلتك في 1/نوفمبر ... عشان قبل ماتغلى الأسعار في إجازة عيد الأضحى ..
ولراحتك هاك رابط الخطوط الجوية السيرلانكية ..
http://fly.srilankan.aero/CAB/IBE/ReviewItinerary.aspx

سيرفس15
شكرا أخي الغالي
سيرفس
على الرد الرائع والحمدلله الدنيا فيها خير ماقصرت إنت واللي قبلك الله يوفقك دنيا وآآآخره
ولو عندك خبره إقرأ الموضوع مع الردود وعطني خلفيه لو تقدر شاكرلك كل شي مقدما
وشكرا لخوينا اللي سهرته قبل شوي جزاه الله خير ماقصر وإن شاء الله أرد جميله وجميلك
أخوك / محمد العنزي من الحفر شكلك من الحفر صح؟؟؟؟؟

أخوي محمد
أنا ان شاء الله في المساء أو قبل المغرب لو الله اراد اعطيك رد زين
الحين مخي مقفل شوي ورأسي يعورني
بس فيه شىء بخصوص توقيت السفر شهر 11 زين لاتقرب شهر 12 خصوصاً آخره عشان عيد رأس السنة هناك زحمة أجانب من أوروبا وغيرها
بامخمخ لك على أسعار التذاكر والفنادق بس عطني فرصة وأنا اتوقع راح يرد عليك كم واحد من الخبراء اللي يحفل فيهم هذا لمنتدى

راح أنتظر ردك إنت شخصيا
لأنك أول واحد رد علي ولاهو قصور باللي بعدك يجون كلهم كفو
وإن شاء الله هم يفيدونا بعد وهذا انت شفت سرفس ماقصر الله يوفقه
وانا منتظرك بإذن الله ومنتظر الجميع
أهم شي خلني شغله ثانويه يعني لا تشغل نفسك بالحيل
على راحتك
شكرا
أخوك / محمد العنزي

1/هل ماليزيا بلد آمن لدرجة أن الواحد يقدر يآخذ
جداآمنه لانها سياحيه .,. بس الواحد لازم يبتعد عن الاماكن المشبوهه واللي يعرض له المساج
بشارع العرب ..
أهله وهو متطمن؟
تطمن حتى مع عيالك
2/كم التكلفه الفعليه لماليزيا لمدة 10 أو 14 يوم
ام 10الاف شوي صعبه . لو تزيدها 3الاف افضل وتقدر تسكن فنادق 3نجوم
وتنزل لك الميزانيه بس انصحك ب4نجوم
جدولك 13ليله مناسب وحلو احس 10ليال حسافه والله ماتشبعون صح بماليزيا
سيلانقور شيلها واسكن 3ليال كوالالمبور منطقة البرجين فندق كونكورد وبعدها طيران داخلي اير اسيا من النت
الى لنكاوي 3ليال فندق متيارا وبعدها طيران داخلي الى بينانغ فندق هوليدي ان وبعدها ترجع لكوالالمبور بالباص تسكن بشارع العرب فندق ميليا حلو ومنها تزور جينتينق لو تبي وصن واي لاقون لو تبي لانها قريبه
الفندق بكوالا وبينانغ مكسيمم الليله ب 300ريال لنكاوي ب 375 وانصحك بالحجز من النت طبعا الاسعار تقريبيه
التذاكر انا اشوف متاخر وسعر السيرلانكيه ممتاز واحجزه من الآن ...
من الباب للباب؟
3/هل مبلغ 10000 ريال كافي لرحله إقتصاديه
تكفي لو اردت من ذلك بس انا اشوف ان الرنقت مرتفع فالصرف بياكل عليكم
المطاعم خلوها سريعه او مطاعم ماليزيه وابتعدوا عن العربيه
بكوالالمبور استخدموا المونوريل والباصات وتجنبوا التكاسي
بلنكاوي ابحث عن ارخص التكاسي ونفسها في بيننانغ في باصات تنقل لك مكان معين وابحث عن ارخص التكاسي
شامله التذاكر والمصاريف مع
وجود مبلغ إحتياطي 5000؟
تبي الصراحه اختي راحت 14ليله 15يوم وحجز من النت فنادق 4*نجوم ماعدا واحد 5*نجوم واكل ودلع ومطاعم عربيه
وتسوق بسيط كلفتهم من الى 13700ريال ... يعني 15احسها معقوله جداً...
على فكره الفنادق المركزيه عند البحر او المركز السياحي تجي غاليه بالطبيعي ومتوسطه وولدك سنه وشهر
صغير ومتعب عليكم لو في مجال تخلونه مع اخوه احسن لكم واريح لان الشلالات متعبه بالنسبه له وتقلبات الجو بتضره
وماراح تسمتعون والا على التكلفه فهو ماراح يكلفكم شيء لانه رضيع ...