1. هذا التقرير الي وعتكم فيه


2. بس اهم شي ماتملون من قراءة التقرير وبعدها الصور انشالله


3. قلت انا مسافر بعد اسبوعين تكفى ماقصر الموظف


4. اعطاني رقم شخص في المبنى الرئيسي للبنك وقال بعد عشر ايام اتصل فيه


5. وثانيه ماشغلتها لضروره والحين باقي على السفر 4ايام


6. استلامات استاذنت من عملي وطلعت الساعه 11صباحا

الجزء الاول

هذا التقرير الي وعتكم فيه

بس اهم شي ماتملون من قراءة التقرير وبعدها الصور انشالله

كانت فكرة السفر تراودني منذ سبع شهور علما باني متزوج منذ فتره ولم السافر لقضى شهر العسل لظروفي وبعد ماتحسنت الظروف قلت وش رايك ياام سعودنطلع شهر عسل ضحكت وقالت ماليزيا قلت وبراسك ماليزيا وبعدها بسبوع طالعت الجوازات وكان هاذا في شهر 6ه قبل العطله الصيفيه
وبديت ابحث في المنتدى استفدت منه كثيرا سجلت جميع المعلومات الهامه وفي منتصف رمضان قمت بحجز التذاكر الدوليه وكانت على الخطوط القطريه ترانزيت تكلفة التذاكر 5640ريال مسترجعه وبدءت ابحث وجمع
معلومات حتى اخذت
معلومات كافيه رحت لاحد المكاتب السياحيه لمعرفة تكلفة الرحله الداخليه والفنادق وشفت السعر مبالغ فيه جدا
نصحوني اعضاء المنتدى ان اقوم بحجز الرحلات الداخليهوالفنادق
من النت ارخص وان تكون معي بطاقة ماستر كارد حتى يتم الحجز
وتكاسلت عن موضوع الحجز عن طريق النت لاني لااعرف طريقة الحجز
حتى قرب موعد السفربسبوعين سالت احد زملائي عن طريقة حجوزات النت قال ابشر بس طلع بطاقة ماستر كارد على طول رحت للبنك وطلبت بطاقه قال تطلع بعد اسبوعين

قلت انا مسافر بعد اسبوعين تكفى ماقصر الموظف

اعطاني رقم شخص في المبنى الرئيسي للبنك وقال بعد عشر ايام اتصل فيه

اتصلت فيه وماقصر سلملي بطاقتان قلت انا طالب بطاقه قال ثنتين احسن وهاذي خدمه يقدمها البنك لعملاءه قلت الله يستر من هالخدمه انا ماعمري جربت الفيزا وكان في كل بطاقه 25الف ريال شغلت وحده وخفضت المبلغ الى 6الاف ريال

وثانيه ماشغلتها لضروره والحين باقي على السفر 4ايام

رحت لخويي قلت ابيك تحجز لي وقام بحجز الرحله الداخليه وحجز فندق امباير في سيلانجور ليله
وحجز ليلتان في لنكاوي فندق لاقون وحجز فندق دورست ريجنسي في كواللمبور باقي ثلاث ليالي قلت لزميلي خل الباقي بكره عشان ادور اضخم فندق واختاره قال خلاص من بكره جيت زميلي وقلت احجز ليلتان في فندق جراند اميلنيوم ليت ربي فكني منه الحين باقي ليله قلت خله انا اختاره الفندق عند وصولي لكوالاللمبور صورة جميع الحجوزات على صورتين والجوازات
وشريت لي انا والمدام اغراض السفر وقبل السفر
بيوم رحت لصرافين البطحه الي بالرياض بصرف 4500ريال قالو ماعندنا الى 400ريجنت قلت مافيه مشكله لتكسي وكان صرف الميه 80ريجنت شي طيب جاء يوم الخميس يوم سفرنا ونا كنت مداوم لان دوامي كان

استلامات استاذنت من عملي وطلعت الساعه 11صباحا

وكانت رحلتنا الساعه 6مساء والحضور 3عصرارحت للبيت ورتبت الشنط والاغراض وطلبت غداء يحبه قلبك ثم جلسنا نتقهوى شاي لاني مدمن شاي خاصه شاي ابو جبل حتى جت الساعه 2مساء وطلعت بسياره ووقفتلي تكسي وقلت الحقني ودخلت السياره بالبايكه وشلنا الشنط
ونا كنت مبسوط وكنت انتظر هذه الحظه بفارغ الصبر وقلت على المطار وصلنا المطار وخلصنا اجراءت الشحن وخذنا البورندق وجلسنا نتمشى في مطار الملك خالد
حتى وصلت موعد الرحله وطلعنا الطائره وقلعت الطائر في نفس الموعد
وبعد ماوصلنا قطر كنت مستعجل خايف تفوت علي الرحله
يوم وصلنا الصاله قالو الطائر ه اقلعت ولافيه الى بعد 4ساعات رحنا وتعشينا وتمشينا صراحه مطار الدوحه روعه حتى قرب موعد الرحله بس غثونا مطارالدوحه بركوب الباصات والانتظار في الصاله تحت ركبنا الطائره
ونا ماني مصدق
اخاف تفوتني اقلعت الطائره ونا في قمة السعاده كلها كم ساعه
وكون في ماليزيا
سليت نفسي بقراءت المجلات وسوالف على المدام قدمو لنا وجبه وتعشيت ونومه لمدة ساعتين قمت المهم وصلنا
كوالاللمبوروكانت الطائره اكثرهم عرسان نزلنا المطار خلصنا اجراءات الدخول بس نسيت اقولكم شي الي اسمعه انهم قبل وصولنا لماليزيا يوزعون كروت لتعبئتها ماعطونا لاكروت ولاشي دخلنا
المطار بصمونا وستلمنا شنطنا ورحنا وطلعنا شريحتين 17ريجنت الله يخلي المنتدى الي علمنا كل شي ولا فيه ناس في المطار عرضو علينا شرائح جوال الشريحه 20ريجنت المهم الحين نبي تكسي جونا اصحاب تكاسي قلت سيلانجور قالو 200ريجنت قلت معقوله دورت على مكتب التكاسي وطلعت
64ريجنت مع هندي والله اني خايف منه حتى وصلنا فندق امباير الي ذكره لي وافي بزمن جافي بيض الله وجهه
خلصنا اجراءات الدخول وكانت المدام تعبانه مره دخلنا الغرفه وكانت
الغرفه نظيفه وطلالة الفندق قالت المدام يالله استاذنك وين قالت نوم الحن الساعهالواحده ظهرا بتوقيت
ماليزيا000
نكمل باقي التقرير في الجزء الثاني مع الصور 000
وسالفة فندق جراند اميلنيوم وسالفة الحرامي وشنطة المدام