1. وقلت فرصة نطلع من المطار نروح "البيك


2. "ونتعشى فيه ونرجع

في البداية كانت النية موجودة من تاريخ تسجيلي بالمنتدى "2009" وكنت ناوي اروح في 2010 وقرأت تقريباً كل التقارير بما فيها الأرشيف والاستفسارات
رغم إني مقل في الردود ولكن صدقوني ما فيه موضوع في ذيك الفترة نزل إلى و مريت عليه ومن كثر ماقرأت حسيت ماعاد فيه جديد وأغيب عن المنتدى أسبوع وارجع علشان ألاقي شئ جديد اقدر أتابعه
والشئ الثاني من كثر قراءة التقارير حسيت أني رحت لماليزيا وصرت خبره فيها لدرجة انه لما ينفتح موضوع مع الزملاء عن ماليزيا ادخل معهم بالنقاش وكأني "وافي في زمن جافي" من كثر ما أنا ملم بمعظم مايحتاجه المسافر بماليزيا .
ولما جاء 2010 الموعد اللي كنت حاطه في بالي إني بسافر فيه تلخبطت الأمور ومالله كتب اني اسافر لظروف العمل وظروف خاصة والحمدلله على كل حال. وحتى 2012 في نصف رمضان وقبل اجازة عيد الفطر عزمت وبدون سابق ترتيب كنت بالدوام ومدري وش مسكها معي إلا اسافر واروح اقدم الاجازة واوقعها بنفسي وارسلها للادارة المختصة بالاجازات
ورجعت للمنتدى من جديد واستفسر واسجل ملاحظات ومن هنا اشكر الله اولاً ثم الاخ الغالي العزيز الوافي أبو هلا على الوقفة الرائعة معي ومع جميع اعضاء المنتدى فله الشكر والعرفان مصحوباً بوافر الامتنان ،الحقيقة لو ماحصل اني سافرت كان يكفيني معرفتي فيه الله يرفع قدرك ويسعدك "ياأبو هلا" البداية كانت مع حجز الطيران الدولي والحمدلله توفقت في التاريخ اللي كنت ابيه وقصيت التذاكر مباشرة بعد الحجز وكان مسار الرحلة الذهاب 4-9-2012 الرياض --- كوالا العودة 18-9-2012 كوالا --- جدة (تغيير طائرة وانتظار 4:45)--- الرياض

وقلت فرصة نطلع من المطار نروح "البيك

"ونتعشى فيه ونرجع

اخذت التذاكر لشخصين ب6120 ريال لشخصين هذي الدرجة الاقتصادية مع العلم اني لقيت ب5600 لشخصين عرض تشجيعي يعني غير مسترد وانا اجازتي مابعد تأكدت فلا حبيت اغامر ادفع الفرق واضمن لو قدر الله ماتوقعت الاجازة اقدر استرد المبلغ ويادار مادخلك شر. إلى هنا اتوقف انتظروني مع توزيع الايام واختيار الفنادق وسالفة بطاقة الفيزا اعذروني على الاطالة ولي عودة عما قريب إذا في العمر بقية
واي استفسار انا جاهز
تحياتي لكم

لبيه ياتاج رأسي ... لبيه والله يامبارك
والله أنا اللي أتشرف بمعرفتك ... وأخوتك ... الله لايحرمنا منك ياطيب القلب
بصراحة ... أعجز عن شكرك ... وعن وفائك ... وطيبك
وماأقول غير :
أسأل الله أن يسعدك ... مادامت السماوات والأرض ... وأن يجمعنا بك في الفردوس الأعلى

الحمدلله على سلامتكم والحمد لله انكم انبسطتو ومن جد ابو هلا وباقي الاعضاء مايقصرون ابد الله يجزاهم كل خير
مبارك تكفى حط سالفة بطاقة الفيزا بدري احسها اكشن ودي استفيد قبل سفرتي الخميس الجاي وشكرا مقدما

الحمدلله على السلامة اخوي مبارك في انتظارك

يا سلام شكلو تقرير حلو ومفصل
يعجبني من يقرا التقارير من فتره علشان لما يروح يروح على بلده الثاني ويعرف فيه كل شي
منتظرين المواضيع الحلوه و القصص و المغامرات و الفيزا
وابو هلا الله يجزيه الخير يستاهل الدعوه لانه غالي علينا ويساعد الكل
تحياتي : العدني

الحمد لله على سلامتكم ..فعلا من كثرة الاطلاع على التقارير والاستفادة من خبرات الاعضاء والمشرفين..نحس وكأننا سافرنا قبل الوقت ^:^
في انتظار المزيد من التفاصيل والصور عن رحلتكم ..

الحمدلله على سلامتك اخوي مبارك

الحمد لله على السلامة
شكلنا منتظرين تقرير بأدق التفصيل
وتقرير ممتاز
متابيع بصمت

حياك الله اخوي مبارك
في انتظار ابدعاتك يالغالي