1. بس ماقدرت اصور..

السلام عليكم ورحمه الله وبركاته..
رغبة مني في خدمة هالمنتدى الرائع واللي ماقصر علينا باي معلومة..وخدمة اخواني المسافرين العرب..نزلت تقارير عن الفنادق اللي زرتها واعجبتني..وهذا واحد منها..
الموتيارا في لنكاوي..
حجزت فيه عن طريق موقع اسيا ترافل..وكان بالليلة يمكن ب360..وتصنيفه 3 نجوم..وان كنت اعطيه 4 نجوم..
الصراحة الفندق جدا رائع وجوه غير تحس انك عايش تجربة جديدة عليك لان نظامه اكواخ سواء عالبحر والا عالحديقة حسب اختيارك..
احنا اخترنا كوخ بحري..وفعلا كان عالبحر مباشرة..
طبعا راح ابدأ معكم من اللوحة الارشادية للفندق..

وهنا مدخل الفندق..

وهاذي بوابته الداخلية للاستقبال..

وفيه بالداخل جلسات ممكن تجلس فيها وتطلب من المطعم أي كوفي او عصير وتستمتع بتصفح النت مجانا ما دام معك جهازك..وفيه اجهزة مكتبية تؤجر بالساعة..اتصور الساعة ب20 رنجت..
وهاذي هي..

ويقدمون لك شراب ترحيبي ..حسب رغبتك اذا تبغاه في وقتها والا أي وقت اخر تطلبه..
طبعا بعدها توجهنا لكوخنا وهذا شكله الخارجي..

ومن جهة ثانية..

وهذا الشاطئ شوفوا اشلون قريب منك طوالي..ومصطفة علية كراسي البحر..والمراجيح المعلقة بين الاشجار..

وهذا شكل السرير

والتلفزيون

والميني بار..وطبعا يومين يحطون لك بالغرفة قارورتين موية وحبتين نسكافية وشاي وسكر ومبيض قهوة..

طبعا اول ماوصلنا لقيناهم حاطين لنا هالصحن من الفواكة..

والصراحة جربنا مطعمهم كم مرة ..مرة كنا راجعين تعبانين ولقينا اغلب المطاعم برى مقفلة ..فتوجهنا لمطعم الفندق وطلبنا عشاء وقلنا وصلوه للغرفة..يمكن كانت الساعه 11 بالليل..
وبالفعل وصلوه وكان ..
وهذا شكله..هذا لزوجي..

وهذا لي..

واليوم الثاني لنا بالفندق بعد ما رجعنا العصر للكوخ لقينا هالكيكة هدية لنا من الفندق بدون طلب ولا شئ..:x1::x1::x1:

مع اننا لاشهر عسل ولا شئ ومعنا طفلين بالكوخ..بس مدري شلون صارت ياهي بالخطأ والا كرم منهم..بس كانت لذيذة وكلنا منها يومين متتاليين مع القهوة العربية خيال..
نجي بعدها لدورة المياة اعزكم الله..

حلوة وونظيفة وفيها شطاف..

وسخان صغير تتحكم فيه انت..حسب الدرجة اللي تبغاها..

واول ما تطلع من الكوخ تلاقي بوجهك الكراسي البحرية..

والمراجيح المعلقة بين الاشجار..

ونروح الحين نتجول بمرفقات الفندق...
هذا المسبح..للي يحب

وهاذي صورى له في المغربية

وهاذي بعض المناظر الخارجية اللي تمر عليها وانت رايح وراجع للافطار وللبوابة

وفيه بالفندق ملعب للكرة وانبسط عليه ولدي ويوميا لازم العصر نروح ساعه عالاقل يلعب فيه كبير وفاضي وثيل على كيفك..

وجنبه فيه مضمار لسيارات سباق بس ما كانت شغالة مدري ليش واحنا ما سألنا عنها ..

وفيه بعد العاب للاطفال..مراجيح وزحاليق..

وهذا منظر بحري من شاطئ الفندق وكان الجو خيالي ضباب..

وهذا منظر اخر للشاطئ ويظهر بجانب الفندق فندق اخر اعتقد انه البراجايا..

وهذا منظر الصبح وانت طالع للفطور..تشوف الحياة على طبيعتها ..الخضرة والطيور قدامك..

ومنظر الرمل عالبحر هناك نظيف ومليان قواقع حلوة..ومريح للعين للي يحب التأمل والاسترخاء..

وهذا نصيبي منها..

العجيب ان الشاطئ ماشاءالله نابت..على ان موية البحر مالحة بس مدري شلون صارت..سبحان الله..

وفيه اكشاك للمساج والتدليك..هاذي صورها...انا ماجربتها..

وفيه بالفندق بقالة صغيرة بس تبيع شغلات كثيرة من ملابس لشبا شب..لكور..لايسكريم..والقهوةوالشاي والمكسرات..والشيبسات...وهاذي كم صورة لقطتها منها..

.يعني متى ما بغيت تنقرش لايردك الا رجليك..
اما افطار الفندق فحلوومتنوع..ولقطت لكم كم صورة منه..مع اني كنت محرجة..
هذا المطعم اللي فيه الافطار..

وفيه جلسات خارجية..

هذا القهوةوالشاي..

والعصيرات..

والفواكة..والبيض المسلوق..

والكورن فليكس..

وهذا فطورنا..

وجربنا العشاء في مطعمهم يومين..وهو يكون عبارةعن بوفيه مفتوحالشخص ب40 ريال والاطفال مجانا..مرة كان البوفية بحري وخطير..ويحطون برياني وفتوش..والاسماك حسب اخيارك يشويها لك..والروبيان مثل..
ومره كان باربيكيو..كله مشاوي ..عاملين كباب..وحمص وسلطات..وحاطين خروف وش كبره ينشوي على الفحم ويقطعون لك منه..الصراحة مطعمهم وعندهم مطعم ثاني عالبحر مباشرة رحنا له مره تغدينا فيه..طلبنا سلطة وشيبس وهامبرجر وبيتزا وعصيرات..

بس ماقدرت اصور..

هالفندق انصح فيه وبشده يعيشك جو ثاني تحس انك فعلا طالع اجازةعالبحر استرخاء..ومناظر حلوة..وقريب من الشلالات..رحنا لها على رجولنا .وجنبه بعدنادي الخيول...وممكن تروح انت واطفالك.. وتأخذ لك ...ولو زرت لنكاوي مرة ثانية راح اكرر الزيارة له..
اتمنى التقرير يكون شامل واي سؤال انا بالخدمة..