اختلفت الروايات وتعددت القصص حول أمن السائح السعودي:m9: في اندونيسيا فتارة يأتي لنا شخص بصور مداهمات ويأتي من يكذب الخبر جملة وتفصيلاً وتارة اخرى يجيك واحد يقول الشرطة تتحرش في السعودين وواحد ثاني يقول الابتسامة ما تفارقة من يدخل اندونيسيا لين يرجع (اخاف يكون مرض ابو وجه وهو ما يدري يحسب انه مبسوط ههه) وناس تقول انهم امينين وناس تجزم بأنهم حراميه وواحد يقول ان السعودي صارت الناس تناظرة بغضب والاخر يقول بالعكس مرجب فيه وشوي شوي بيقولون اننا لازم نلبس زي موحد (برتقالي) في اندونيسيا.
انا بصراحة يوم رحت هناك شفت الوجهين الابيض والاسود بس بدون مشاكل وبعد ما قرأت الكثير في المنتدى صرت اتخوف اروح مرة ثانية.
والله يا اخوان حيرتونا البعض يقول المداهمات والتحرش بالسائح السعودي:m9: وملاحقته على كل صغيرة وكبيرة ازمة وعدت ولن تعود والبعض الاخر يقول الوضع من سيء الى اسواء وحتى بعض الشقق والفنادق ترفض اسكان السعودي وشوي بيصير التكسي يسألك قبل ما تركب اذا انت سعودي ما يوصلك.
اذا كان الوضع بهذا السوء الرجاء التصويت على بلد اخر مقارب للتضاريس والمناخ الاندونيسي قبل لا يجي وقت الاجازات علشان نعرف وين نروح.
كما ارجوا من المشرف العزيز التواصل مع اخر الاخوان العائدين من (غوانتنامو) عفواً اقصد اندونيسيا
ودراسة الموضوع بشكل مكثف ودقيق واعلامنا بنتائج التحقيق وما اذا كان السفر الى اندونسيا اصبح امن ام لا بكل شفافية مع ذكر السلبيات والايجابيات.
شاكراً ومقدراً جهود الادارة والاعضاء في اظهار ما خفي عن الكثيرين.